Kudus sá rautt í leik sem West Ham tapaði 4-1 þann 19. október síðastliðnum. Hann sparkaði fyrst í Micky van de Ven, leikmann Tottenham, áður en hann ýtti svo í andlit Tottenham-leikmannsins. Í kjölfarið ýtti hann Pape Matar Sarr og eftir að myndbandsdómari leiksins fór yfir atvikið var Kudus rekinn af velli.
West Ham United forward Mohammed Kudus’ suspension has been upgraded to five games by the Football Association after his red card against Tottenham in October.
— The Athletic | Football (@TheAthleticFC) November 6, 2024
More from @nnamdionye ⬇️https://t.co/B1wYLzGHgM
Kudus var dæmdur í þriggja leikja bann sem er venja þegar menn fá rauð spjöld fyrir gróf brot. Nú hefur enska knattspyrnusambandið ákveðið að lengja bann Kudus um tvo leiki.
Það þýðir að Kudus fær alls fimm leikja bann fyrir brotið. Það þýðir að ásamt því að hafa misst af leikjum liðsins gegn Manchester United og Nottingham Forest þá verður Kudus sömuleiðis fjarverandi þegar Hamrarnir mæta Everton, Newcastle United og Arsenal.
Ásamt því að vera dæmdur í alls fimm leikja bann fékk Kudus sekt upp á rúmar átta milljónir íslenskra króna.