Amma lýsir blóðugum niðurgangi og örvæntingu foreldra Kolbeinn Tumi Daðason skrifar 1. nóvember 2024 16:14 Æðaleggurinn á fjögurra ára dóttursyni Önnu Láru sem er á leikskólanum Mánagarði. Vísir Amma fjögurra ára drengs sem hefur barist fyrir lífi sínu undanfarnar tvær vikur segir nauðsynlegt að fram fari ítarleg rannsókn á því hvað olli sýkingu á leikskólanum Mánagarði. Draga þurfi lærdóm af sýkingunni og tryggja að svona lagað gerist aldrei aftur. Börnin á Mánagarði sem er leikskóli rekinn af Félagsstofnun stúdenta við Eggertsgötu í vesturbæ Reykjavíkur fengu hakk og spaghettí í matinn þann 17. október. Rannsókn Matís hafa staðfest að uppruni svæsins E.coli smits megi rekja til hakks frá Kjarnafæði sem hafi ekki verið meðhöndlað með réttum hætti á leikskólanum með tilliti til hreinlætis. Um 45 börn hafa veikst af sýkingunni. Fjögur voru á gjörgæslu í gær og 11 inniliggjandi á Barnaspítalanum. Börnin berjist fyrir lífi sínu Anna Lára Pálsdóttir er amma Péturs Helga, fjögurra ára stráks á Mánagarði. Hún er þungt hugsi vegna málsins. Almennt sé gengið út frá því að lítil börn séu örugg á leikskólum sínum en svo hafi sýkingin komið upp á Mánagarði. „Við erum ekki að tala um einhverja magakveisu, þessi börn eru bókstaflega búin að berjast fyrir lífi sínu síðan,“ segir Anna Lára í færslu á Facebook. „Pétur Helgi er búinn að vera með blóðugan niðurgang í tvær vikur og það er gríðarlegt álag á lítinn kropp. Hann hefur verið í nokkurskonar gjörgæslu sl. vikuna þar sem lífsmörk eru tekin á fjögurra tíma fresti allan sólarhringinn og blóðgildi lesin á tólf tíma fresti.“ Hryllingur að koma upp æðalegg Hann hafi verið með magakrampa og uppköst, nánast ekkert nærst en stöðugt fengið vökva og glúkósa í æð. „Það var hryllingur að koma æðaleggnum upp því hann var orðinn svo þurr og má varla orðið snerta barnið án þess að hann kveinki sér því það er búið að stinga og pota svo mikið í hann. Nýrnastarfsemin hefur verið skert og vökvagjöfin þar af leiðandi safnast upp í bjúg um allan líkamann.“ Litlu hendurnar hafi litið út eins og uppblásnir latexhanskar. „Hann hefur þurft blóðgjafir því bakterían ræðst einnig á blóðflögurnar og hann orðinn blóðlítill. Í hvert skipti sem lesið er í blóðgildin tekur óttinn yfir, hvort nú sé botninum náð og komið að innlögn á gjörgæslu. Þar eru börnin sett í blóðskilun til að létta á nýrunum.“ Þörf á áfallastuðningi Sýkingin veldur nýrnabilun og er lífshættuleg. Landspítalinn er líkt og flestir spítalar á vesturlöndum búinn tækjum svo börnin geta farið í blóðskilun. Ef slíkt kæmi upp í þriðja heims ríkjum væru lífslíkur barnanna litlar. „Þið getið rétt ímyndað ykkur angist og örvæntingu foreldranna við að horfa upp á barnið sitt svona veikt. Þið sem þekkið ömmuna vitið að hún fer í „action coping“ og djöflast út um allt. En hvernig sem við dílum við þetta þá erum við öll algjörlega búin á því.“ Hún hugsar til dóttur sinnar og foreldra barnanna sem eru ýmist á gjörgæslu, inniliggjandi eða undir eftirliti Landspítalans. „Ég vona að foreldrum þessara barna verði boðinn áfallastuðningur þegar storminn tekur að lægja. Svona áfall getur haft varanleg áhrif.“ Langt bataferli fram undan Anna Lára segir ljóst að fara þurfi í rannsókn á því hvað nákvæmlega gerðist á Mánagarði. Komast þurfi að því hvaða verkferlar fóru úrskeiðis eða meðhöndlun matvæla. „Þannig að aðrir megi draga lærdóm af. Svona lagað má aldrei gerast aftur.“ Blóðgildi Péturs Helga dóttursonar Önnu Láru hafi verið jákvæðari síðasta sólarhringinn og þau geta leikið sér aðeins saman með bíla. Þá virðist hann loksins vera farinn að geta spyrnt sér upp. „Við erum þó enn stödd úti í miðri á og langt bataferli fram undan.“ Leikskólar E. coli-sýking á Mánagarði Mest lesið „Það er erfitt að setja sig í hermannagalla í litlu sveitarfélagi” Innlent Segir Fallon og Meyers næsta: „Gerið þetta NBC!!!“ Erlent Munu leggja fram vísindalegar sannanir fyrir því að Brigitte sé líffræðilega kona Erlent Ráðast á fangaverði og skvetta á þá ýmsum líkamsvessum Innlent Gekk fram á dauða seli: „Svona á enginn að gera“ Innlent Svona gæti Sundabraut litið út: Brú eða göng meðal valkosta Innlent Eltihrellir sat fyrir lögregluþjónum og skaut þrjá til bana Erlent 80.000 lögreglumenn í viðbragðsstöðu vegna boðaðra mótmæla í dag Erlent Sumarfríið allt of langt fyrir þau börn sem einangra sig félagslega Innlent Óttast að áætlanir ráðherra muni fækka leigubílstjórum Innlent Fleiri fréttir Ráðherra boðar stórtækar breytingar og Viðskiptaráð vill finna olíu Hafnar kröfu um ógildingu ákvörðunar Skipulagsstofnunar Svona gæti Sundabraut litið út: Brú eða göng meðal valkosta Stefnir í að forystan verði óbreytt Gekk fram á dauða seli: „Svona á enginn að gera“ Vilja byggja nýtt geðsvið við hlið Landspítalans í Fossvogi Íbúar þurfa ekki lengur að sjóða neysluvatn Ráðast á fangaverði og skvetta á þá ýmsum líkamsvessum „Það er erfitt að setja sig í hermannagalla í litlu sveitarfélagi” Helmingur nýrra íbúða óseldur í yfir 200 daga Ógnaði öðrum með skærum 3,6 stiga skjálfti mældist í Vatnajökli Sumarfríið allt of langt fyrir þau börn sem einangra sig félagslega Segja áform ráðherra grafa undan þjónustu Óttast að áætlanir ráðherra muni fækka leigubílstjórum Ekki eigi að stjórna borginni út frá „pólitískri kreddu“ Eiga eftir að ráða tólf starfsmenn svo hægt sé að opna allar deildir Skorast ekki undan ábyrgð vilji flokksmenn nýjan oddvita Nýburar fæðast í nikótínfráhvörfum Skipulagsbreytingar á framhaldsskólastigi í vændum Mæður sem taka í vörina á meðgöngu og missáttir leigubílstjórar Björn strax hættur í íþróttaráði: „Þetta var bara prinsippmál“ SUS gefur fundarmönnum bol í anda Charlies Kirk Eins og löglærður forstjóri spítala væri að skera upp sjúklinga Aðalsteinn volgur og Björg orðuð við oddvitann Eldur í ruslageymslu á Selfossi Segist hafa flækst í umfangsmikið fíkniefnamál fyrir hreina tilviljun Annar oddviti L-listans á Akureyri hættir í bæjarstjórn Ók á fimm til sex kyrrstæða bíla Næsta skref að tryggja að próf leigubílstjóra verði alfarið á íslensku Sjá meira
Börnin á Mánagarði sem er leikskóli rekinn af Félagsstofnun stúdenta við Eggertsgötu í vesturbæ Reykjavíkur fengu hakk og spaghettí í matinn þann 17. október. Rannsókn Matís hafa staðfest að uppruni svæsins E.coli smits megi rekja til hakks frá Kjarnafæði sem hafi ekki verið meðhöndlað með réttum hætti á leikskólanum með tilliti til hreinlætis. Um 45 börn hafa veikst af sýkingunni. Fjögur voru á gjörgæslu í gær og 11 inniliggjandi á Barnaspítalanum. Börnin berjist fyrir lífi sínu Anna Lára Pálsdóttir er amma Péturs Helga, fjögurra ára stráks á Mánagarði. Hún er þungt hugsi vegna málsins. Almennt sé gengið út frá því að lítil börn séu örugg á leikskólum sínum en svo hafi sýkingin komið upp á Mánagarði. „Við erum ekki að tala um einhverja magakveisu, þessi börn eru bókstaflega búin að berjast fyrir lífi sínu síðan,“ segir Anna Lára í færslu á Facebook. „Pétur Helgi er búinn að vera með blóðugan niðurgang í tvær vikur og það er gríðarlegt álag á lítinn kropp. Hann hefur verið í nokkurskonar gjörgæslu sl. vikuna þar sem lífsmörk eru tekin á fjögurra tíma fresti allan sólarhringinn og blóðgildi lesin á tólf tíma fresti.“ Hryllingur að koma upp æðalegg Hann hafi verið með magakrampa og uppköst, nánast ekkert nærst en stöðugt fengið vökva og glúkósa í æð. „Það var hryllingur að koma æðaleggnum upp því hann var orðinn svo þurr og má varla orðið snerta barnið án þess að hann kveinki sér því það er búið að stinga og pota svo mikið í hann. Nýrnastarfsemin hefur verið skert og vökvagjöfin þar af leiðandi safnast upp í bjúg um allan líkamann.“ Litlu hendurnar hafi litið út eins og uppblásnir latexhanskar. „Hann hefur þurft blóðgjafir því bakterían ræðst einnig á blóðflögurnar og hann orðinn blóðlítill. Í hvert skipti sem lesið er í blóðgildin tekur óttinn yfir, hvort nú sé botninum náð og komið að innlögn á gjörgæslu. Þar eru börnin sett í blóðskilun til að létta á nýrunum.“ Þörf á áfallastuðningi Sýkingin veldur nýrnabilun og er lífshættuleg. Landspítalinn er líkt og flestir spítalar á vesturlöndum búinn tækjum svo börnin geta farið í blóðskilun. Ef slíkt kæmi upp í þriðja heims ríkjum væru lífslíkur barnanna litlar. „Þið getið rétt ímyndað ykkur angist og örvæntingu foreldranna við að horfa upp á barnið sitt svona veikt. Þið sem þekkið ömmuna vitið að hún fer í „action coping“ og djöflast út um allt. En hvernig sem við dílum við þetta þá erum við öll algjörlega búin á því.“ Hún hugsar til dóttur sinnar og foreldra barnanna sem eru ýmist á gjörgæslu, inniliggjandi eða undir eftirliti Landspítalans. „Ég vona að foreldrum þessara barna verði boðinn áfallastuðningur þegar storminn tekur að lægja. Svona áfall getur haft varanleg áhrif.“ Langt bataferli fram undan Anna Lára segir ljóst að fara þurfi í rannsókn á því hvað nákvæmlega gerðist á Mánagarði. Komast þurfi að því hvaða verkferlar fóru úrskeiðis eða meðhöndlun matvæla. „Þannig að aðrir megi draga lærdóm af. Svona lagað má aldrei gerast aftur.“ Blóðgildi Péturs Helga dóttursonar Önnu Láru hafi verið jákvæðari síðasta sólarhringinn og þau geta leikið sér aðeins saman með bíla. Þá virðist hann loksins vera farinn að geta spyrnt sér upp. „Við erum þó enn stödd úti í miðri á og langt bataferli fram undan.“
Leikskólar E. coli-sýking á Mánagarði Mest lesið „Það er erfitt að setja sig í hermannagalla í litlu sveitarfélagi” Innlent Segir Fallon og Meyers næsta: „Gerið þetta NBC!!!“ Erlent Munu leggja fram vísindalegar sannanir fyrir því að Brigitte sé líffræðilega kona Erlent Ráðast á fangaverði og skvetta á þá ýmsum líkamsvessum Innlent Gekk fram á dauða seli: „Svona á enginn að gera“ Innlent Svona gæti Sundabraut litið út: Brú eða göng meðal valkosta Innlent Eltihrellir sat fyrir lögregluþjónum og skaut þrjá til bana Erlent 80.000 lögreglumenn í viðbragðsstöðu vegna boðaðra mótmæla í dag Erlent Sumarfríið allt of langt fyrir þau börn sem einangra sig félagslega Innlent Óttast að áætlanir ráðherra muni fækka leigubílstjórum Innlent Fleiri fréttir Ráðherra boðar stórtækar breytingar og Viðskiptaráð vill finna olíu Hafnar kröfu um ógildingu ákvörðunar Skipulagsstofnunar Svona gæti Sundabraut litið út: Brú eða göng meðal valkosta Stefnir í að forystan verði óbreytt Gekk fram á dauða seli: „Svona á enginn að gera“ Vilja byggja nýtt geðsvið við hlið Landspítalans í Fossvogi Íbúar þurfa ekki lengur að sjóða neysluvatn Ráðast á fangaverði og skvetta á þá ýmsum líkamsvessum „Það er erfitt að setja sig í hermannagalla í litlu sveitarfélagi” Helmingur nýrra íbúða óseldur í yfir 200 daga Ógnaði öðrum með skærum 3,6 stiga skjálfti mældist í Vatnajökli Sumarfríið allt of langt fyrir þau börn sem einangra sig félagslega Segja áform ráðherra grafa undan þjónustu Óttast að áætlanir ráðherra muni fækka leigubílstjórum Ekki eigi að stjórna borginni út frá „pólitískri kreddu“ Eiga eftir að ráða tólf starfsmenn svo hægt sé að opna allar deildir Skorast ekki undan ábyrgð vilji flokksmenn nýjan oddvita Nýburar fæðast í nikótínfráhvörfum Skipulagsbreytingar á framhaldsskólastigi í vændum Mæður sem taka í vörina á meðgöngu og missáttir leigubílstjórar Björn strax hættur í íþróttaráði: „Þetta var bara prinsippmál“ SUS gefur fundarmönnum bol í anda Charlies Kirk Eins og löglærður forstjóri spítala væri að skera upp sjúklinga Aðalsteinn volgur og Björg orðuð við oddvitann Eldur í ruslageymslu á Selfossi Segist hafa flækst í umfangsmikið fíkniefnamál fyrir hreina tilviljun Annar oddviti L-listans á Akureyri hættir í bæjarstjórn Ók á fimm til sex kyrrstæða bíla Næsta skref að tryggja að próf leigubílstjóra verði alfarið á íslensku Sjá meira