Ör­lög HK ráðast í Laugar­dal

KR-ingar hafa nefnilega tilkynnt að þeir muni spila lokaleik tímabilsins, gegn HK á laugardag, í Laugardalnum, vegna vallarmála í Vesturbænum.

KR getur með sigri komist upp fyrir KA og í 7. sæti, ef KA-menn tapa fyrir Fram í Úlfarsárdal.

Leikurinn er hins vegar enn mikilvægari fyrir HK-inga sem eru jafnir Vestra að stigum í 10.-11. sæti, en með ellefu mörkum verri markatölu. HK þarf því að ná betri úrslitum en Vestri sem tekur á móti föllnum Fylkismönnum á Ísafirði í lokaumferðinni á laugardaginn.

Það er kannski ekki úr vegi að örlög HK og Vestra ráðist að hluta til í Laugardalnum því þar lék Vestri þrjá heimaleiki í upphafi tímabils, meðal annars í 1-0 sigri gegn HK, áður en nýi gervigrasvöllurinn var tilbúinn á Ísafirði.

Stöðuna í neðri hlutanum má sjá hér að neðan.