Innlent

Margir í vand­ræðum í Kömbunum

Samúel Karl Ólason skrifar
Einhverjir bílar enduðu utanvegar og einnig urðu smávægilegir árekstrar.
Einhverjir bílar enduðu utanvegar og einnig urðu smávægilegir árekstrar. Landsbjörg

Hjálparsveit skáta í Hveragerði var kölluð út í kvöld til að aðstoða fjölda ökumanna sem lentu í vandræðum í Kömbunum í kvöld. Þar hafði myndast talsverð hálka og snjór á veginum sem gerði að verkum að margir komust ekki sinnar leiðar.

Í tilkynningu frá Landsbjörg segir að einhverjir hafi lent utanvegar og einnig hafi smávægilegir árekstrar átt sér stað vegna ástandsins.

Farið var á fjórum björgunarbílum og var fólk ferjað niður af heiðinni og bílar einnig. Einhverjir bílar voru skildir eftir þar sem þeir voru og lauk aðgerðum að mestu á tíunda tímanum í kvöld.

Snjóþekjan sem myndaðist á Hellisheiði í kvöld var sú fyrsta á þessu ári.

Björgunarsveitir Veður Færð á vegum Hveragerði Ölfus

Mest lesið


Fleiri fréttir

Sjá meira


×

Mest lesið