Willum Þór skoraði í endur­komu sigri Birming­ham

Gestirnir frá Peterborough byrjuðu af krafti og voru komnir 2-0 yfir þegar rétt rúmlega stundarfjórðungur var liðinn af leiknum. Willum Þór minnkaði muninn þökk sé stoðsendingu hins sænska Emil Hansson og staðan 1-2 í hálfleik.

Leikmaður Peterborough varð fyrir því óláni að skora sjálfsmark í upphafi síðari hálfleiks og Krystian Bielik fullkomnaði svo endurkomu heimamanna með þriðja marki liðsins á 66. mínútu.

Fleiri urðu mörkin ekki og Birmingham lyftir sér á topp deildarinnar með 19 stig að loknum sjö umferðum, tveimur meira en Wrexham sem er í 2. sætinu eftir að hafa leikið leik meira.

Í ensku D-deildinni kom Jason Daði Svanþórsson inn af bekknum þegar 11 mínútur lifðu leiks og Grimsby Town marki undir gegn Carlisle. Eftir að Jason Daði kom inn á skoraði Grimsby tvö mörk og vann frábæran 3-2 útisigur. 

Grimsby er í 11. sæti deildarinnar með 12 stig að loknum átta leiki.