Innlent

Eld­gosinu er lokið og land­ris hafið í Svarts­engi

Tómas Arnar Þorláksson skrifar
Eldgosinu er lokið.
Eldgosinu er lokið. Vísir/Vilhelm

Eldgosinu norðan við Stóra-Skógfell sem hófst þann 22. ágúst er nú lokið en engin sjáanleg virkni hefur verið í gígum á svæðinu í um hálfan sólarhring. Þetta kemur fram í tilkynningu á vefsíðu Veðurstofu Íslands. 

Þetta hafi verið þriðja lengsta eldgosið af þeim sex sem hafa orðið á Sundhnúksgígaröðinni frá því í desember 2023. Gosið sem hófst um miðjan mars hafi staðið í um 54 daga og eldgosið sem hófst í lok maí í um 24 daga.

Út frá líkanreikningum sé ljóst að aldrei hafi jafn mikið magn kviku komið upp á yfirborðið frá því að jarðhræringarnar hófust haustið 2023. Ekki hafi tekist að mæla umfang hraunbreiðunnar vegna veðurs og því liggi endanlegar tölur um rúmmál kviku ekki fyrir.

Landris mælist í Svartsengi og kvika því farin að streyma inn í kvikuhólfið að nýju. Of snemmt sé að fullyrða um hraða kvikusöfnunarinnar, en fyrstu líkanreikningar bendi til þess að hann sé svipaður og áður.

Eldgos á Reykjanesskaga Eldgos og jarðhræringar

Tengdar fréttir

Telja að eldgosinu sé lokið

Eldfjalla- og náttúruvárhópur Suðurlands segja að svo virðist sem eldgosinu á Reykjanesskaga sé lokið. Verulega hafi dregið úr krafti gossins síðustu daga og í dag hafi ekki sést til glóðar þegar flogið var yfir eldstöðvarnar.

Mest lesið


Fleiri fréttir

Sjá meira


×

Mest lesið