Innlent

Skjálfta­virkni minnkað við kvikuganginn

Sólrún Dögg Jósefsdóttir skrifar
Eldgosið er það stærsta á Sunhnúksgígaröðinni frá því að jarðhræringar hófust á svæðinu í fyrrahaust.
Eldgosið er það stærsta á Sunhnúksgígaröðinni frá því að jarðhræringar hófust á svæðinu í fyrrahaust. Vísir/Vilhelm

Virkni í eldgosinu á Sundhnúksgígaröðinni hefur haldist óbreytt síðastliðinn sólarhring en tólf dagar eru síðan gosið hófst. Sem fyrr er of snemmt að segja til um hvort landris sé hafið að nýju á Reykjanesskaga. 

Þetta segir Bjarki Kaldalóns Friis náttúruvársérfræðingur hjá Veðurstofu Íslands í samtali við fréttastofu. 

Loftmengunar frá gosstöðvunum hefur ekki orðið vart síðastliðinn sólarhring. Bjarki segir rok og rigningu koma í veg fyrir gróðurelda á svæðinu og í veg fyrir loftmengun. Þá blási norðvestanátt allri loftmengun úr landi.

Bjarki segir skjálftavirkni í kvikuganginum aðeins minni en áður. Skjálftavirkni hafi þó verið nokkuð meiri í þessu eldgosi en þeim fyrri á svæðinu. 

Sem fyrr gýs úr tveimur gígum við enda sprungunnar sem opnaðist þegar eldgos hófst fyrir tæpum tveimur vikum. Beina útsendingu af gosinu má nálgast hér að neðan. 

Eldgos á Reykjanesskaga Eldgos og jarðhræringar

Mest lesið


Fleiri fréttir

Sjá meira


×

Mest lesið