Stöð 2 Sport
Víkingar eru mættir til Andorra og mæta þar Santa Coloma klukkan 18, eftir að hafa unnið fyrri leik liðanna 5-0. Með sigri í einvíginu munu Víkingar hafa tryggt sér rúmlega hálfan milljarð króna í verðlaunafé frá UEFA.
Upphitun fyrir leikinn hefst klukkan 17:30 og hann verður svo gerður upp um klukkan 20, einnig á Stöð 2 Sport.
Vodafone Sport
Á Vodafone Sport verður opna írska mótið í golfi kvenna og hefst bein útsending klukkan 15. Þremur tímum síðar, eða klukkan 18, er svo bein útsending frá leik Milwaukee Brewers og San Francisco Giants í bandaríska hafnaboltanum.
Stöð 2 Sport 4
Á Stöð 2 Sport 4 verður svo einnig sýnt frá golfi þar sem bein útsending frá FM Global meistaramótinu hefst klukkan 19:30, en mótið er hluti af LPGA-mótaröðinni.