Topparnir hjá hinu opinbera

Bjarki Sigurðsson skrifar 20. ágúst 2024 15:02

Bryndís Hrafnkelsdóttir, Hörður Arnarson, Ragna Árnadóttir og Páll Matthíasson eru öll á listanum. Vísir/Arnar/Egill/Vilhelm

Hörður Arnarson, forstjóri Landsvirkjunar, var tekjuhæsti forstjóri ríkisstofnana á síðasta ári með 4,2 milljónir á mánuði. Næst á eftir kom Sveinbjörn Indriðason, forstjóri Isavia, með 3,7 milljónir.

Þetta kemur fram á listanum yfir embættismenn, forstjóra og starfsmenn hins opinbera í nýju Tekjublaði Frjálsrar verslunar. Sá eini sem skákar Herði á listanum er Ingvar Jónadab Rögnvaldsson, sérfræðingur hjá Skattinum. Hann var með 4,3 milljónir á mánuði.

Tekjublað Frjálsrar verslunar kom út í dag en rétt er að árétta að um er að ræða útsvarsskyldar tekjur á árinu 2023 og þurfa þær ekki að endurspegla föst laun viðkomandi. Munurinn getur falist í launum fyrir setu í nefndum og önnur aukastörf og hlunnindi vegna kaupréttarsamninga. Í launum sumra kann að vera falinn bónus vegna ársins 2022 sem var greiddur árið 2023.

Miðað er við útsvarsstofn samkvæmt álagningarskrá en í tölunum eru ekki fjármagnstekjur, til dæmis af vöxtum, arði eða sölu hlutabréfa. Sleppt er skattfrjálsum dagpeningum, bílastyrkjum og greiðslum í lífeyrissjóði. Þá ber að hafa í huga að inn í tekjunum geta líka verið einskiptisgreiðslur vegna úttektar á séreignasparnaði hjá lífeyrissjóði.

Verktakagreiðslur flokkast ekki sem útsvarsskyldar tekjur og eru því ekki teknar fyrir í álagningaskrá Ríkisskattstjóra sem Tekjublaðið styðst við.

Guðmundur Ingi Ásmundsson, forstjóri Landsnets kom skammt á eftir Sveinbirni með 3,6 milljónir. þar á eftir var Tryggvi Gunnarsson, fyrrverandi umboðsmaður Alþingis með 3,5 milljónir á mánuði.

Ingvar Jónadab Björnsson er sérfræðingur hjá Skattinum.

Þónokkrir til viðbótar voru með yfir þrjár milljónir á mánuði, flestir frá Landsvirkjun.

Það eru Þórhallur Ólafsson, fyrrverandi framkvæmdastjóri Neyðarlínunnar með 3,4 milljónir, Sævar Freyr Þráinsson, forstjóri Orkuveitu Reykjavíkur með 3,4 milljónir, Harpa Víðisdóttir, starfsmannastjóri Landsvirkjunar, með 3,3 milljónir og Runólfur Pálsson, forstjóri Landspítala, með 3,3 milljónir.

Einar Mathiesen, framkvæmdastjóri vinds og jarðvarma hjá Landsvirkjun með 3,2 milljónir, Kristín Linda Árnadóttir, aðstoðarforstjóri Landsvirkjunar með 3,1 milljón, Ragna Árnadóttir, skrifstofustjóri Alþingis, með 3,1 milljón og Ríkarður Sigfús Ríkarðsson, framkvæmdastjóri viðskiptaþróunar hjá Landsvirkjun með 3 milljónir.

Meðal annarra má einnig finna á listanum:

Sólrún Kristjánsdóttir, framkvæmdastjóri Veitna. 2,9 milljónir
Jóhannes Svavar Rúnarsson, framkvæmdastjóri Strætó. 2,9 milljónir
Magnús Þór Ásmundsson, forstjóri Rarik. 2,8 milljónir
Páll Matthíasson, geðlæknir og fyrrverandi forstjóri Landspítala. 2,7 milljónir

Sólrún Kristjánsdóttir er forstjóri Veitna sem eru nú í umfangsmiklum framkvæmdum sem valda því að hluti höfuðborgarsvæðisins er heitavatnslaus í smá tíma.Vísir/Einar

Hulda R. Árnadóttir, framkvæmdastjóri Náttúruhamfaratrygginga Íslands. 2,5 milljónir
Bryndís Hrafnkelsdóttir, forstjóri Happdrættis Háskóla Íslands. 2,5 milljónir
Stefán Eiríksson, útvarpsstjóri. 2,3 milljónir
Bryndís Hlöðversdóttir, ráðuneytisstjóri forsætisráðuneytisins. 2,1 milljónir.
Sigríður Björk Guðjónsdóttir, ríkislögreglustjóri. 2 milljónir

Stefán Eiríksson útvarpsstjóri hefur lengi starfað hjá hinu opinbera, til að mynda lögreglunni, Reykjavíkurborg og Háskóla Íslands.Vísir/Vilhelm

Davíð Þorláksson, framkvæmdastjóri Betri samgangna. 2 milljónir
Guðmundur Björgvin Helgason, ríkisendurskoðandi. 2 milljónir
Jón Helgi Björnsson, forstjóri Heilbrigðisstofnunar Norðurlands. 2 milljónir
Sigrún Árnadóttir, framkvæmdastjóri Félagsbústaða. 2 milljónir

Davíð Þorláksson vonast til þess að Borgarlínan verði að veruleika sem allra allra fyrst.Vísir/Einar

Snorri Olsen, ríkisskattstjóri. 2 milljónir
Bergþóra Þorkelsdóttir, forstjóri Vegagerðarinnar, 1,9 milljónir
Rúna Hauksdóttir Hvannberg, forstjóri Lyfjastofnunar. 1,9 milljónir
Halla Bergþóra Björnsdóttir, lögreglustjórinn á höfuðborgarsvæðinu. 1,9 milljónir