Dusan er Serbi sem spilað hefur á Íslandi frá árinu 2021 en hann lék stórt hlutverk hjá KA áður en hann skipti yfir til FH síðasta vetur.
Dusan hefur hins vegar aðeins spilað sjö leiki í Bestu deildinni í sumar, þar af fimm í byrjunarliði, og mun nú klára tímabilð í fallbaráttu með Leikni í Lengjudeildinni. Síðasti leikur hans með FH var í gærkvöld í 1-0 tapinu gegn KR í Frostaskjóli.
VELKOMINN DUSAN🪄
— Leiknir Reykjavík (@LeiknirRvkFC) August 13, 2024
Dusan Brkovic hefur gengið til liðs við Leikni frá FH.
Bjóðum hann hjartanlega velkominn í hlýjan faðm Leiknisfjölskyldunnar. pic.twitter.com/f6PC6pFrjZ
Fleiri félagaskiptafréttir gætu borist úr Breiðholti í dag, á lokadegi félagaskiptagluggans, eins og aðstoðarþjálfarinn Nemanja Pjevic segir í hressandi myndbandi sem minnir á gluggadagsmeistarann Harry Redknapp.
Gluggadagur 🤝⏲️ pic.twitter.com/YYZF2qeHnf
— Leiknir Reykjavík (@LeiknirRvkFC) August 13, 2024
Ljóst er í það minnsta að Omar Sowe er eftirsóttur en hann hefur skorað tíu mörk fyrir Leiknismenn í Lengjudeildinni í sumar.
Næsti leikur Leiknis er við Keflavík annað kvöld en liðið er í harðri fallbaráttu, aðeins þremur stigum fyrir ofan neðstu tvö lið Lengjudeildarinnar; Dalvík/Reyni og Gróttu.