Viðskipti innlent

Festi festi kaup á Lyfju

Jón Ísak Ragnarsson skrifar
Guðmundur Halldór Björnsson, framkvæmdastjóri Heilsu, Þórbergur Egilsson, framkvæmdarstjóri verslanasviðs, Hildur Þórisdóttir, starfandi forstjóri og framkvæmdarstjóri mannauðssviðs, Sigurður Kristjánsson, framkvæmdarstjóri fjármálasvið, Ásta S. Fjeldsted, forstjóri Festi, Þorvaldur Einarsson, framkvæmdarstjóri tæknisviðs og Karen Ósk Gylfadóttir, framkvæmdarstjóri markaðs- og vörusviðs og stafrænna lausna.
Guðmundur Halldór Björnsson, framkvæmdastjóri Heilsu, Þórbergur Egilsson, framkvæmdarstjóri verslanasviðs, Hildur Þórisdóttir, starfandi forstjóri og framkvæmdarstjóri mannauðssviðs, Sigurður Kristjánsson, framkvæmdarstjóri fjármálasvið, Ásta S. Fjeldsted, forstjóri Festi, Þorvaldur Einarsson, framkvæmdarstjóri tæknisviðs og Karen Ósk Gylfadóttir, framkvæmdarstjóri markaðs- og vörusviðs og stafrænna lausna. Birgir Ísleifur

Í dag fór fram uppgjör á greiðslu kaupverðs á öllu hlutafé Lyfju hf. til seljanda og er félagið þar með orðinn hluti af samstæðu Festi. Ásta S. Fjeldsted forstjóri Festi, segir þetta mikilvæg tímamót í vegferð Festis. Kaupverð nam 7.116 milljónum króna.

Þetta kemur fram í tilkynningu frá Festi. Festi skrifaði undir kaup á öllu hlutafé Lyfju þann 13. júlí 2023, og þann 14. júní 2024 undirrituðu Festi og Samkeppniseftirlitið sátt vegna kaupanna. Viðmiðunardagur uppgjörs vegna kaupanna er 1. júlí 2024, og mun Lyfja því koma inn í samstæðuuppgjör Festi frá og með þeim degi.

Kaupverð rúmir sjö milljarðar

Kaupverðið, sem nam 7.116 milljónum króna, byggir á bráðabirgðauppgjöri félagsins. Það skiptist annars vegar í greiðslu reiðufjár að fjárhæð 5.076 milljónum króna og hins vegar afhendingu 10 milljónum hluta í Festi hf., að markaðsvirði 2.040 milljónum króna.

Endanlegt kaupverð gæti breyst lítillega þegar uppgjör Lyfju á fyrstu sex mánuðum ársins 2024 liggur fyrir, sem stefnt er að fyrir lok júlí. Festi tók nýtt lán vegna kaupanna í dag, en nánar verður greint frá viðskiptunum og fjármögnun þeirra í uppgjöri ársfjórðungs þann 31. júlí.

Ásta S. Fjeldsted forstjóri Festi, segir kaup félagsins á Lyfju mikilvæg tímamót í vegferð Festi.Birgir Ísleifur

Stór stund fyrir Festi

Ásta S. Fjeldsted, forstjóri Festi segir þetta vera stóra stund og mikilvæg tímamót í vegferð Festi. Undanfari sameiningarinnar hafi tekið tíma en verið lærdómsríkt ferli.

„Fram undan eru gríðarlega spennandi tímar og fjöldi tækifæra til samvinnu, samlegðar, aukinnar hagkvæmni og vaxtar þvert á félögin, sem eru ein sterkustu vörumerki landsins, hvert á sínum markaði,“ segir Ásta í tilkynningu.

Hildur Þórisdóttir, starfandi forstjóri og framkvæmdastjóri mannauðssviðs Lyfju segist horfa björtum augum fram á veginn, og hún hlakki til að efla enn frekar þjónustu við þeirra viðskiptavini með öflugu og framsýnu baklandi.

Kaup og sala fyrirtækja Festi Samkeppnismál Lyf

Tengdar fréttir

Festi fær að kaupa Lyfju

Festi og Samkeppniseftirlitið hafa undirritað sátt vegna kaupa Festi á öllu hlutafé Lyfju hf. Með sáttinni samþykkir Samkeppniseftirlitið samrunann með skilyrðum sem sett eru til að efla og vernda virka samkeppni á þeim mörkuðum sem samruninn hefur áhrif á.

Festi undir­ritaði samning um kaup á Lyfju

Samningur um kaup smásölufyrirtækisins Festi á öllu hlutafé í Lyfju var undirritaður í dag. Í kaupunum er heildarvirði Lyfju metið á 7,8 milljarða króna en endanlegt heildarvirði og kaupverð mun ráðast af skuldastöðu Lyfju við afhendingu ásamt gengi hlutabréfa í Festi á þeim tíma.



Mest lesið


Fleiri fréttir

Sjá meira


×

Mest lesið