Hraunkælingin gengur vel og heldur á­fram í alla nótt

Lagðar voru lagnir frá orkuverinu og á vettvang til að tryggja vatnsflæði en gríðarlegt magn vatns er þörf fyrir slíka aðgerð. Einar Sveinn Jónsson, slökkviliðsstjóri í Grindavík segir stöðuna vera góða og að þau verði að í alla nótt.

„Við erum að ýta mölinni upp í varnargarðinn og styrkja hann til þess að aftra því að hraunflæðið komi yfir vegginn. Við erum búnir að leggja lagnir frá orkuverinu í Svartsengi og alveg upp að vettvangi. Við erum að nota bíla frá Isavia til að sprauta á hraunið og mölina og reyna að halda þessu köldu,“ segir hann í samtali við fréttastofu.

Einar segir rjómann af slökkviliðsmönnum landsins koma að aðgerðinni og eru á vettvangi aðilar á vegum Isavia, slökkviliðs höfuðborgarsvæðisins, almannavarna, brunavarna Suðurnesja, björgunarsveitarinnar Þorbjarnar og svo að sjálfsögðu slökkviliðs Grindavíkur.

Hann segir hópinn vera með flestallar stærstu jarðýtur landsins á vettvangi og að vel hafi gengið hingað til.