Innlent

Willum vill pakka tóbaki í ljótasta lit í heimi

Jakob Bjarnar skrifar
Pantone 448 C er ljótasti litur í heimi en Willum Þór heilbrigðisráðherra vill pakka öllum tóbaksvörum sem ætlaðar eru til reykinga í slíkan lit.
Pantone 448 C er ljótasti litur í heimi en Willum Þór heilbrigðisráðherra vill pakka öllum tóbaksvörum sem ætlaðar eru til reykinga í slíkan lit.

Willum Þór Þórsson heilbrigðisráðherra hefur lagt fram drög að reglugerð, sem fer núna til samráðs, sem varðar pakkningar á öllum tóbaksvörum.

Í þeirri reglugerð kemur meðal annars fram að einsleitar umbúðir skuli notaðar um tóbaksvörur til reykinga. Framsóknarmenn hafa farið framarlega í baráttu gegn reykingum, og má nefna vasklega framgöngu Sivjar Friðleifsdóttur fyrrverandi heilbrigðisráðherra sem vildi ganga til bols og höfuðs á reykingunum með þeim vopnum sem Framsóknarmenn telja duga.

Willum Þór á þingi. Framsóknarmenn vilja enn sækja að reykingarmönnum og vörum sem þeir nota.vísir/vilhelm

Í 20. grein reglugerðarinnar er fjallað sérstaklega um umbúðirnar. Þar segir að allt ytra yfirborð einingarpakka og ytri umbúða tóbaksvara skal vera í litnum matt Pantone 448 C. Þetta er þá ríkisliturinn sem hefur verið kjörinn ljótasti litur í heimi.

„Heiti tóbaksvöru og undirtegundar skal vera í litnum matt hvítt. Óheimilt er að merkja tóbaksvöru með táknum eða myndum sem hafa m.a. skírskotun í framleiðanda, heiti eða tegund.“

Í þessu felst sem sagt að stjórnvöld ákveða litinn á pakkningunum og á þeim mega ekki vera nein vörumerki. En nú er auglýst eftir umsögnum.

Alþingi Áfengi og tóbak Ríkisstjórn Bjarna Benediktssonar

Mest lesið


Fleiri fréttir

Sjá meira


×

Mest lesið