Handbolti

Guð­jón Valur kom Gummersbach í Evrópu­keppni

Ingvi Þór Sæmundsson skrifar
Guðjón Valur Sigurðsson hefur gert afar góða hluti með Gummersbach.
Guðjón Valur Sigurðsson hefur gert afar góða hluti með Gummersbach. getty/Tom Weller

Íslendingaliðið Gummersbach tryggði sér Evrópukeppni á næsta tímabili með sigri á Flensburg, 28-34, í þýsku úrvalsdeildinni í kvöld.

Gummersbach er nú með 41 stig í 6. sæti, tveimur stigum á eftir Melsungen, en öruggt með Evrópusæti næsta vetur, í fyrsta sinn frá tímabilinu 2011-12. Flensburg er í 3. sæti.

Elliði Snær Viðarsson skoraði tvö mörk fyrir Gummersbach en Arnór Snær Óskarsson var ekki á meðal markaskorara hjá liðinu.

Staðan í hálfleik í leiknum í kvöld var jöfn, 15-15, en í seinni hálfleik voru strákarnir hans Guðjóns Vals Sigurðssonar sterkari aðilinn og unnu sex marka sigur, 28-34.

Teitur Örn Einarsson skoraði tvö mörk fyrir Flensburg. Hann gengur í raðir Gummersbach eftir tímabilið.

Þýski handboltinn

Mest lesið


Fleiri fréttir

Sjá meira


×

Mest lesið