Gallar frambjóðandans - hjálparhönd til óákveðinna Gunnar Helgason skrifar 27. maí 2024 18:15 Komiði sæl. Mig langar að rétta fram hjálparhönd. Nú þegar forsetakosningarnar nálgast eru mjög margir ennþá óákveðnir. Mér datt því í hug að benda á nokkrar staðreyndir varðandi einn frambjóðandann, hann Baldur Þórhallson. Það er nefnilega eins og öll umræða um hann hafi snúist um allt annað en mannkosti hans og reynslu. Mér finnst eins og þjóðin viti ekki nógu mikið um hann. Því ætla ég að biðja þig – ef þú ert ekki búin/n/ð að ákveða þig - að lesa þessa örstuttu grein. Hér eru bara staðreyndir. Ekki skoðanir. Við vitum öll að Baldur er alinn upp í sveit, einn frambjóðandanna og tók við búi afa síns 13 ára gamall. Við vitum líka að hann er prófessor í Háskóla Íslands. Hann fór úr hlöðu í háskóla. Við vitum sömuleiðis að hann er mikill fjölskyldumaður og góður afi eins og Felix Bergsson, maðurinn hans og hann mun njóta góðs af því að eiga svona heillandi, vinsælann, ræðinn og skemmtilegan maka. En hvað vita fæstir Íslendingar um Baldur? -Baldur er mesti sérfræðingur heims um stöðu og áhrif smáríkja í heiminum. -Kenningar Baldurs um þessi efni eru kenndar í háskólum um allan heim. -Skilurðu? Hann bjó til námsefnið. Og kennir það um víða veröld. -Baldur hefur oft talað um nauðsyn þess að við sem þjóð séum betur undirbúin þegar kemur að krísum, hvort sem þær stafa af náttúruhamförum eða netárásum. Já ég veit, algjör stríðsæsingamaður. -Þetta er einmitt grunnstefið í Rannsóknarsetri smáríkja - sem Baldur stofnaði, hver annar? -Hann lærði á Íslandi og Englandi. -Hann er eini frambjóðandinn sem setur mannréttindi ALLRA í algjöran fókus. -Hann er eini frambjóðandinn sem talar um geðheilbrigði og aukna vanlíðan barna og unglinga. Hann og þeir Felix þekkja líka sáran missi og hafa hjartað á réttum stað. -Þegar Þjóðkirkjan var komin í öngstræti varðandi málefni hinsegin fólks hringdi kirkjan í Baldur til að fá hann til að miðla málum. Ef trúin er þér kær geturðu fylgt fordæmi kirkjunnar og kosið Baldur. -Hann stofnaði menningartengt ferðaþjónustufyrirtæki með fjölskyldu sinni. Hellan á Hellu, The Caves of Hella. Hann þekkir aðalatvinnuveg landsins út og inn. -Hann er hvorki meðvirkur né hræddur við erfiðar ákvarðanir. -Hann hefur svo góðan málefnagrundvöll að aðrir frambjóðendur hafa sumir hverjir apað eftir honum. -Í honum býr eldur. Hann hefur hæfileikann til að hrífa fólk með sér. Spyrjið bara þá sem hann hefur kennt. Og nú aðeins um Felix Við teljum okkur flest þekkja Felix. En vissuð þið þetta? -Felix er sérstaklega umhugað um velferð barna og hefur heimsótt velflesta skóla landsins og talað um mannréttindi, fordóma, einelti og annað sem getur haf áhrif á vellíðan, já eða vanlíðan barna. -Hann hefur í yfir 30 ár framleitt barnaefni sem hefur eitt leiðarstef: skemmtimenntun. Hlustið bara á Freyju og Frikka á Storytel. -Hann er fáránlega skemmtilegur. Það er staðreynd en ekki skoðun. Ef þið hafið tækifæri til að sitja í bíl með honum í nokkra klukkutíma mæli ég sterklega með því. -Hann veiddi einu sinni 6 punda bleikju á gárutúbu í Bakkaá í Bakkafirði. Ógleymanlegt. Gallarnir Hér er stiklað á stóru. Ef þú vilt vita meira hvet ég þig til að fara inn á https://baldurogfelix.is og kynna þér manninn betur. Þá er komið að göllum frambjóðandans Baldurs eins og fyrirsögnin lofaði: -Hann er ekki nógu góður í að tala um sjálfan sig. Hann er alltof lítillátur. (Ég er ekki viss um að það sama megi segja um suma aðra frambjóðendur.) -Hann er ekki góður stangveiðimaður – sem mér finnst stór galli, hafandi alist upp við besta veiðistað landsins. Þrátt fyrir þessa galla tel ég Baldur vera besta kostinn. Hann er með fæturnar í fjárhúsinu og höfuðið í heiminum. Hans kosning yrði heimsfrétt. Aftur yrði Ísland í fararfbroddi, sem ljósið í mannréttindamálum, með kyndilinn á lofti. Ljósið í norðri. Hlustaðu á Baldur. Horfðu á Baldur. Og svo ... kjóstu Baldur. Ég er algjörlega viss um að þú munt ekki sjá eftir því. Höfundur er rithöfundur og leikari. Viltu birta grein á Vísi? Sendu okkur póst. Senda grein Forsetakosningar 2024 Skoðun: Forsetakosningar 2024 Mest lesið Hollar skólamáltíðir fyrir loftslagið og líðan barna Laufey Steingrímsdóttir,Anna Sigríður Ólafsdóttir Skoðun Villtur lax eða villt græðgi – sveitin í skotlínu Jóhann Helgi Stefánsson Skoðun Aðför ríkisstjórnar Kristrúnar Frostadóttur að flóttafólki Hópur stjórnarkvenna í Solaris Skoðun Hanna Katrín og Co, koma til bjargar Björn Ólafsson Skoðun Bókin er minn óvinur, en mig langar samt í verknám! Davíð Bergmann Skoðun Örlög Úkraínu varða frið og öryggi á Íslandi Þorgerður Katrín Gunnarsdóttir Skoðun Hvað er að frétta af humrinum? Jónas Páll Jónasson Skoðun Sigrar og raunir íslenska hestsins Elín Íris Fanndal Skoðun Ilmurinn af jarðolíu er svo lokkandi Sævar Helgi Lárusson Skoðun Reykjavíkurborg á flestar félagslegar íbúðir en Garðabær rekur lestina Heimir Már Pétursson Skoðun Skoðun Skoðun Hollar skólamáltíðir fyrir loftslagið og líðan barna Laufey Steingrímsdóttir,Anna Sigríður Ólafsdóttir skrifar Skoðun Bókin er minn óvinur, en mig langar samt í verknám! Davíð Bergmann skrifar Skoðun Ilmurinn af jarðolíu er svo lokkandi Sævar Helgi Lárusson skrifar Skoðun Hvað er að frétta af humrinum? Jónas Páll Jónasson skrifar Skoðun Þeir greiða sem njóta, eða hvað? Jóhannes Þór Skúlason,Pálmi Viðar Snorrason skrifar Skoðun Samskiptasáttmáli; skúffuskjal eða stórgott verkfæri Helena Katrín Hjaltadóttir,Íris Helga G. Baldursdóttir skrifar Skoðun Sigrar og raunir íslenska hestsins Elín Íris Fanndal skrifar Skoðun Reykjavíkurborg á flestar félagslegar íbúðir en Garðabær rekur lestina Heimir Már Pétursson skrifar Skoðun Góðir grannar Landsvirkjunar og við hin Kjartan Ágústsson skrifar Skoðun Hittumst á rauðum sokkum 1. maí Finnbjörn A. Hermannsson,Kolbrún Halldórsdóttir,Magnús Þór Jónsson,Sonja Ýr Þorbergsdóttir skrifar Skoðun Mikilvægi orkuspáa Ingvar Júlíus Baldursson skrifar Skoðun Þegar innflutningurinn ræður ríkjum Anton Guðmundsson skrifar Skoðun Vladímír Pútín: Hvað er að marka hann? Steinar Björgvinsson skrifar Skoðun Örlög Úkraínu varða frið og öryggi á Íslandi Þorgerður Katrín Gunnarsdóttir skrifar Skoðun Vegamál á tímum skattahækkana og vantrausts Benedikt S. Benediktsson skrifar Skoðun Konur og menntun Sigríður Ingibjörg Ingadóttir,Steinunn Bragadóttir skrifar Skoðun Aðför ríkisstjórnar Kristrúnar Frostadóttur að flóttafólki Hópur stjórnarkvenna í Solaris skrifar Skoðun Hanna Katrín og Co, koma til bjargar Björn Ólafsson skrifar Skoðun Villtur lax eða villt græðgi – sveitin í skotlínu Jóhann Helgi Stefánsson skrifar Skoðun Fyrst flúðu þau Reykjavíkurborg… Diljá Mist Einarsdóttir skrifar Skoðun Fyrst flúðu þau Reykjavíkurborg… Diljá Mist Einarsdóttir skrifar Skoðun Er útlegð á innleið? Reyn Alpha Magnúsdóttir skrifar Skoðun Leiðsögundurinn Gaur gerir mig að betri manneskju Þorkell J. Steindal skrifar Skoðun Börn á flótta – nýtt líf, nýtt tungumál og nýtt tækifæri í íslenskum grunnskólum Friðþjófur Helgi Karlsson skrifar Skoðun Skólarnir lokaðir - myglan vinnur Guðmundur Þórir Sigurðsson skrifar Skoðun Flokkur fólksins eða flokkun fólksins? Halldóra Lillý Jóhannsdóttir skrifar Skoðun Betri nýting á tíma og fjármunum Reykjavíkurborgar 2/3 Magnea Gná Jóhannsdóttir skrifar Skoðun Hver ætlar að bera ábyrgð á mannslífi? Sævar Þór Jónsson skrifar Skoðun Horfumst í augu Kristín Thoroddsen skrifar Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt skrifar Sjá meira
Komiði sæl. Mig langar að rétta fram hjálparhönd. Nú þegar forsetakosningarnar nálgast eru mjög margir ennþá óákveðnir. Mér datt því í hug að benda á nokkrar staðreyndir varðandi einn frambjóðandann, hann Baldur Þórhallson. Það er nefnilega eins og öll umræða um hann hafi snúist um allt annað en mannkosti hans og reynslu. Mér finnst eins og þjóðin viti ekki nógu mikið um hann. Því ætla ég að biðja þig – ef þú ert ekki búin/n/ð að ákveða þig - að lesa þessa örstuttu grein. Hér eru bara staðreyndir. Ekki skoðanir. Við vitum öll að Baldur er alinn upp í sveit, einn frambjóðandanna og tók við búi afa síns 13 ára gamall. Við vitum líka að hann er prófessor í Háskóla Íslands. Hann fór úr hlöðu í háskóla. Við vitum sömuleiðis að hann er mikill fjölskyldumaður og góður afi eins og Felix Bergsson, maðurinn hans og hann mun njóta góðs af því að eiga svona heillandi, vinsælann, ræðinn og skemmtilegan maka. En hvað vita fæstir Íslendingar um Baldur? -Baldur er mesti sérfræðingur heims um stöðu og áhrif smáríkja í heiminum. -Kenningar Baldurs um þessi efni eru kenndar í háskólum um allan heim. -Skilurðu? Hann bjó til námsefnið. Og kennir það um víða veröld. -Baldur hefur oft talað um nauðsyn þess að við sem þjóð séum betur undirbúin þegar kemur að krísum, hvort sem þær stafa af náttúruhamförum eða netárásum. Já ég veit, algjör stríðsæsingamaður. -Þetta er einmitt grunnstefið í Rannsóknarsetri smáríkja - sem Baldur stofnaði, hver annar? -Hann lærði á Íslandi og Englandi. -Hann er eini frambjóðandinn sem setur mannréttindi ALLRA í algjöran fókus. -Hann er eini frambjóðandinn sem talar um geðheilbrigði og aukna vanlíðan barna og unglinga. Hann og þeir Felix þekkja líka sáran missi og hafa hjartað á réttum stað. -Þegar Þjóðkirkjan var komin í öngstræti varðandi málefni hinsegin fólks hringdi kirkjan í Baldur til að fá hann til að miðla málum. Ef trúin er þér kær geturðu fylgt fordæmi kirkjunnar og kosið Baldur. -Hann stofnaði menningartengt ferðaþjónustufyrirtæki með fjölskyldu sinni. Hellan á Hellu, The Caves of Hella. Hann þekkir aðalatvinnuveg landsins út og inn. -Hann er hvorki meðvirkur né hræddur við erfiðar ákvarðanir. -Hann hefur svo góðan málefnagrundvöll að aðrir frambjóðendur hafa sumir hverjir apað eftir honum. -Í honum býr eldur. Hann hefur hæfileikann til að hrífa fólk með sér. Spyrjið bara þá sem hann hefur kennt. Og nú aðeins um Felix Við teljum okkur flest þekkja Felix. En vissuð þið þetta? -Felix er sérstaklega umhugað um velferð barna og hefur heimsótt velflesta skóla landsins og talað um mannréttindi, fordóma, einelti og annað sem getur haf áhrif á vellíðan, já eða vanlíðan barna. -Hann hefur í yfir 30 ár framleitt barnaefni sem hefur eitt leiðarstef: skemmtimenntun. Hlustið bara á Freyju og Frikka á Storytel. -Hann er fáránlega skemmtilegur. Það er staðreynd en ekki skoðun. Ef þið hafið tækifæri til að sitja í bíl með honum í nokkra klukkutíma mæli ég sterklega með því. -Hann veiddi einu sinni 6 punda bleikju á gárutúbu í Bakkaá í Bakkafirði. Ógleymanlegt. Gallarnir Hér er stiklað á stóru. Ef þú vilt vita meira hvet ég þig til að fara inn á https://baldurogfelix.is og kynna þér manninn betur. Þá er komið að göllum frambjóðandans Baldurs eins og fyrirsögnin lofaði: -Hann er ekki nógu góður í að tala um sjálfan sig. Hann er alltof lítillátur. (Ég er ekki viss um að það sama megi segja um suma aðra frambjóðendur.) -Hann er ekki góður stangveiðimaður – sem mér finnst stór galli, hafandi alist upp við besta veiðistað landsins. Þrátt fyrir þessa galla tel ég Baldur vera besta kostinn. Hann er með fæturnar í fjárhúsinu og höfuðið í heiminum. Hans kosning yrði heimsfrétt. Aftur yrði Ísland í fararfbroddi, sem ljósið í mannréttindamálum, með kyndilinn á lofti. Ljósið í norðri. Hlustaðu á Baldur. Horfðu á Baldur. Og svo ... kjóstu Baldur. Ég er algjörlega viss um að þú munt ekki sjá eftir því. Höfundur er rithöfundur og leikari.
Hollar skólamáltíðir fyrir loftslagið og líðan barna Laufey Steingrímsdóttir,Anna Sigríður Ólafsdóttir Skoðun
Aðför ríkisstjórnar Kristrúnar Frostadóttur að flóttafólki Hópur stjórnarkvenna í Solaris Skoðun
Reykjavíkurborg á flestar félagslegar íbúðir en Garðabær rekur lestina Heimir Már Pétursson Skoðun
Skoðun Hollar skólamáltíðir fyrir loftslagið og líðan barna Laufey Steingrímsdóttir,Anna Sigríður Ólafsdóttir skrifar
Skoðun Samskiptasáttmáli; skúffuskjal eða stórgott verkfæri Helena Katrín Hjaltadóttir,Íris Helga G. Baldursdóttir skrifar
Skoðun Reykjavíkurborg á flestar félagslegar íbúðir en Garðabær rekur lestina Heimir Már Pétursson skrifar
Skoðun Hittumst á rauðum sokkum 1. maí Finnbjörn A. Hermannsson,Kolbrún Halldórsdóttir,Magnús Þór Jónsson,Sonja Ýr Þorbergsdóttir skrifar
Skoðun Aðför ríkisstjórnar Kristrúnar Frostadóttur að flóttafólki Hópur stjórnarkvenna í Solaris skrifar
Skoðun Börn á flótta – nýtt líf, nýtt tungumál og nýtt tækifæri í íslenskum grunnskólum Friðþjófur Helgi Karlsson skrifar
Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt skrifar
Hollar skólamáltíðir fyrir loftslagið og líðan barna Laufey Steingrímsdóttir,Anna Sigríður Ólafsdóttir Skoðun
Aðför ríkisstjórnar Kristrúnar Frostadóttur að flóttafólki Hópur stjórnarkvenna í Solaris Skoðun
Reykjavíkurborg á flestar félagslegar íbúðir en Garðabær rekur lestina Heimir Már Pétursson Skoðun