Þegar orðið einelti er gjaldfellt – Til fylgjenda Katrínar Jakobsdóttur Kolbrá Höskuldsdóttir skrifar 20. maí 2024 08:01 Nokkur orð um ástæður gagnrýnis en ekki eineltis... Já kæru fylgjendur KJ, mér blöskraði að hafa eytt atkvæði mínu hérna um árið á Vinstri – græna, einmitt til þess að stuðla að því að Sjálfstæðisflokkurinn kæmist EKKI að, en varð heldur betur ekki að ósk minni. Já kæru fylgjendur KJ, mér blöskraði við að það skyldi fjölgað hér ráðherraembættum með tilheyrandi kostnaði og að þessir sömu ráðherrar, vissu vart hvert þeir áttu að mæta loksins þegar stjórnarmyndunin var afstaðin, né voru þeir alveg með það á hreinu hvað þeir áttu að gera. Já kæru fylgjendur KJ, mér blöskraði að eitt af aðal ráðuneytum VG (jaaa, hefði maður haldið) var afhent Sjálfstæðismönnum jafn fúslega og reyndist og síðan þá, hefur orðið náttúruvernd eða umhverfismál varla heyrst í orðfæri VG – liða. Já kæru fylgjendur KJ, mér blöskraði þegar fötluðu flóttamannafólki var og er hent héðan úr landinu eins og hverju öðru hyski, fólki frá stríðshrjáðum löndum, án þess að heyrðist hvorki hóst né stuna frá forsætis né annarra úr hennar flokki. Já kæru fylgjendur KJ, mér blöskraði gróflega ærandi þögnin þegar spilltasti stjórnmálamaður síðari tíma, fékk að selja föður sínum banka, skipaði góðvinum sínum í sendiherrastöður, var umbunað fyrir vond störf með öðru ráðuneyti, fékk óáreittur að fyrirskipa að Ísland sæti hjá við vopnahléi á Gaza, fékk óáreittur að kasta fýlusprengju í átt að tjaldbúðum Palestínumanna á Austurvelli, sem vissulega opnaði opinberlega fyrir ormagryfju rasisma í garð þess minnihlutahóps og sem sér ekki fyrir endann á. Já kæru fylgjendur KJ, mér blöskraði þegar haldnar voru hér rándýrar tvöþúsund milljóna króna ráðstefnur, sem engu skilaði nema að vopnavæða lögregluna enn frekar. Já kæru fylgjendur KJ, mér blöskrar gróflega þegar yfirlýstur flokkur friðar og gegn hervaldi, tekur þátt í vopnakaupum og flutningum. Já kæru fylgjendur KJ, mér sárnar og blöskrar yfirgengilega við undirlægjuhátt þegar það kemur að þjóðernishreinsunum á innilokuðum íbúum Gaza og því að standa ekki almennilega í lappirnar við stuðningi gagnvart þeim. Að fordæma ekki óhæfuna, viðbjóðinn og slíta stjórnmálasambandi við Ísræla. Að horfa upp á það sem þar er að gerast og gera ekki neitt af alvöru, beita ekki sinni röddu sem KJ hafði sem æðsti maður þjóðar sinnar vissulega getað gert, er ófyrirgefanlegt og skammarlegt. Já kæru fylgjendur KJ, mér blöskrar þegar þið ásakið réttmætar gagnrýnisraddir fólks og sakið um einelti og er alger gjaldfelling á merkingu orðsins. Já kæru fylgjendur KJ, mér blöskrar þegar stjórnmálamaður sem ákveður í miðjum klíðum að hlaupa á eftir sinni eigin hégómagirnd og koma sér fyrir í þægilegra starfi. Stjórnmálamanni sem hefur svikið flest sín baráttumál og stefnu eigin flokks. Stekkur frá borði, hafandi setið í afar óvinsælli ríkisstjórn, horft í leiðinni upp á algert hrun síns eigin flokks og leggur síðan lykla forsætisráðuneytisins bókstaflega í hendurnar á þeim spilltasta og óvinsælasta. Skipti þá eftir allt saman í rauninni ekki máli hver stjórnaði? Og sú rökleysa um að sú atburðarás hafi orðið til eftir að hún sagði af sér og ekki getað séð slíkt fyrir er í besta falli hlægileg og út í hött, enda KJ engin amatör í stjórnmálum. Hennar starfsreynslu er jú fyrst og fremst að finna þar. Já kæru fylgjendur KJ, mér blöskrar og leiðist satt best að segja fórnarlambshlutverk ykkar og því að það sem þið vogið ykkur að kalla réttmæta gagnrýni, einelti. Að manneskja sem var forsætisráðherra fyrir korteri síðan, stólsetan enn hálf volg, ætlar sér að vera öryggisventill þjóðarinnar yfir eigin afar umdeildum frumvörpum. Það að hafa áhyggjur af slíku er ekki aðeins skiljanlegt heldur eðlilegt í lýðræðisríki og ber að benda á og gagnrýna. Já kæru fylgjendur KJ, mér blöskrar hvað þið notið orðið einelti léttvægt, frambjóðandi ykkar sem með framboði sínu hefur í raun klofið þjóðina í fylkingar og verður að sjálfsögðu ekki hið augljósa, sameiningartákn þjóðar sinnar. Já og að lokum kæru fylgjendur KJ, þegar réttmæt gagnrýni er sett fram og studd með rökum, kallast það ekki einelti, en hinsvegar er hægt að nota slíkan málatilbúnað sem tilburði til þöggunar. Góðar stundir Höfundur er bókmennta- og þjóðfræðingur. Viltu birta grein á Vísi? Sendu okkur póst. Senda grein Skoðun: Forsetakosningar 2024 Mest lesið Að undirbúa börnin okkar fyrir heim sem er að hverfa Halldóra Mogensen Skoðun Kveðjur úr Grafarvogi til þeirra sem kasta steinum úr glerhúsi Davíð Már Sigurðsson Skoðun Hollar skólamáltíðir fyrir loftslagið og líðan barna Laufey Steingrímsdóttir,Anna Sigríður Ólafsdóttir Skoðun Leiðsöguhundurinn Gaur gerir mig að betri manneskju Þorkell J. Steindal Skoðun Þeir greiða sem njóta, eða hvað? Jóhannes Þór Skúlason,Pálmi Viðar Snorrason Skoðun Fimmtíu ár frá lokum Víetnamstríðsins Finnur Th. Eiríksson Skoðun Villtur lax eða villt græðgi – sveitin í skotlínu Jóhann Helgi Stefánsson Skoðun Hvað er að frétta af humrinum? Jónas Páll Jónasson Skoðun Aðför ríkisstjórnar Kristrúnar Frostadóttur að flóttafólki Hópur stjórnarkvenna í Solaris Skoðun Bókin er minn óvinur, en mig langar samt í verknám! Davíð Bergmann Skoðun Skoðun Skoðun Hljóð og mynd íslenskra varna Arnór Sigurjónsson skrifar Skoðun Kveðjur úr Grafarvogi til þeirra sem kasta steinum úr glerhúsi Davíð Már Sigurðsson skrifar Skoðun Leiðsöguhundurinn Gaur gerir mig að betri manneskju Þorkell J. Steindal skrifar Skoðun Fimmtíu ár frá lokum Víetnamstríðsins Finnur Th. Eiríksson skrifar Skoðun Að undirbúa börnin okkar fyrir heim sem er að hverfa Halldóra Mogensen skrifar Skoðun Hollar skólamáltíðir fyrir loftslagið og líðan barna Laufey Steingrímsdóttir,Anna Sigríður Ólafsdóttir skrifar Skoðun Bókin er minn óvinur, en mig langar samt í verknám! Davíð Bergmann skrifar Skoðun Ilmurinn af jarðolíu er svo lokkandi Sævar Helgi Lárusson skrifar Skoðun Hvað er að frétta af humrinum? Jónas Páll Jónasson skrifar Skoðun Þeir greiða sem njóta, eða hvað? Jóhannes Þór Skúlason,Pálmi Viðar Snorrason skrifar Skoðun Samskiptasáttmáli; skúffuskjal eða stórgott verkfæri Helena Katrín Hjaltadóttir,Íris Helga G. Baldursdóttir skrifar Skoðun Sigrar og raunir íslenska hestsins Elín Íris Fanndal skrifar Skoðun Reykjavíkurborg á flestar félagslegar íbúðir en Garðabær rekur lestina Heimir Már Pétursson skrifar Skoðun Góðir grannar Landsvirkjunar og við hin Kjartan Ágústsson skrifar Skoðun Hittumst á rauðum sokkum 1. maí Finnbjörn A. Hermannsson,Kolbrún Halldórsdóttir,Magnús Þór Jónsson,Sonja Ýr Þorbergsdóttir skrifar Skoðun Mikilvægi orkuspáa Ingvar Júlíus Baldursson skrifar Skoðun Þegar innflutningurinn ræður ríkjum Anton Guðmundsson skrifar Skoðun Vladímír Pútín: Hvað er að marka hann? Steinar Björgvinsson skrifar Skoðun Örlög Úkraínu varða frið og öryggi á Íslandi Þorgerður Katrín Gunnarsdóttir skrifar Skoðun Vegamál á tímum skattahækkana og vantrausts Benedikt S. Benediktsson skrifar Skoðun Konur og menntun Sigríður Ingibjörg Ingadóttir,Steinunn Bragadóttir skrifar Skoðun Aðför ríkisstjórnar Kristrúnar Frostadóttur að flóttafólki Hópur stjórnarkvenna í Solaris skrifar Skoðun Hanna Katrín og Co, koma til bjargar Björn Ólafsson skrifar Skoðun Villtur lax eða villt græðgi – sveitin í skotlínu Jóhann Helgi Stefánsson skrifar Skoðun Fyrst flúðu þau Reykjavíkurborg… Diljá Mist Einarsdóttir skrifar Skoðun Fyrst flúðu þau Reykjavíkurborg… Diljá Mist Einarsdóttir skrifar Skoðun Er útlegð á innleið? Reyn Alpha Magnúsdóttir skrifar Skoðun Leiðsögundurinn Gaur gerir mig að betri manneskju Þorkell J. Steindal skrifar Skoðun Börn á flótta – nýtt líf, nýtt tungumál og nýtt tækifæri í íslenskum grunnskólum Friðþjófur Helgi Karlsson skrifar Skoðun Skólarnir lokaðir - myglan vinnur Guðmundur Þórir Sigurðsson skrifar Sjá meira
Nokkur orð um ástæður gagnrýnis en ekki eineltis... Já kæru fylgjendur KJ, mér blöskraði að hafa eytt atkvæði mínu hérna um árið á Vinstri – græna, einmitt til þess að stuðla að því að Sjálfstæðisflokkurinn kæmist EKKI að, en varð heldur betur ekki að ósk minni. Já kæru fylgjendur KJ, mér blöskraði við að það skyldi fjölgað hér ráðherraembættum með tilheyrandi kostnaði og að þessir sömu ráðherrar, vissu vart hvert þeir áttu að mæta loksins þegar stjórnarmyndunin var afstaðin, né voru þeir alveg með það á hreinu hvað þeir áttu að gera. Já kæru fylgjendur KJ, mér blöskraði að eitt af aðal ráðuneytum VG (jaaa, hefði maður haldið) var afhent Sjálfstæðismönnum jafn fúslega og reyndist og síðan þá, hefur orðið náttúruvernd eða umhverfismál varla heyrst í orðfæri VG – liða. Já kæru fylgjendur KJ, mér blöskraði þegar fötluðu flóttamannafólki var og er hent héðan úr landinu eins og hverju öðru hyski, fólki frá stríðshrjáðum löndum, án þess að heyrðist hvorki hóst né stuna frá forsætis né annarra úr hennar flokki. Já kæru fylgjendur KJ, mér blöskraði gróflega ærandi þögnin þegar spilltasti stjórnmálamaður síðari tíma, fékk að selja föður sínum banka, skipaði góðvinum sínum í sendiherrastöður, var umbunað fyrir vond störf með öðru ráðuneyti, fékk óáreittur að fyrirskipa að Ísland sæti hjá við vopnahléi á Gaza, fékk óáreittur að kasta fýlusprengju í átt að tjaldbúðum Palestínumanna á Austurvelli, sem vissulega opnaði opinberlega fyrir ormagryfju rasisma í garð þess minnihlutahóps og sem sér ekki fyrir endann á. Já kæru fylgjendur KJ, mér blöskraði þegar haldnar voru hér rándýrar tvöþúsund milljóna króna ráðstefnur, sem engu skilaði nema að vopnavæða lögregluna enn frekar. Já kæru fylgjendur KJ, mér blöskrar gróflega þegar yfirlýstur flokkur friðar og gegn hervaldi, tekur þátt í vopnakaupum og flutningum. Já kæru fylgjendur KJ, mér sárnar og blöskrar yfirgengilega við undirlægjuhátt þegar það kemur að þjóðernishreinsunum á innilokuðum íbúum Gaza og því að standa ekki almennilega í lappirnar við stuðningi gagnvart þeim. Að fordæma ekki óhæfuna, viðbjóðinn og slíta stjórnmálasambandi við Ísræla. Að horfa upp á það sem þar er að gerast og gera ekki neitt af alvöru, beita ekki sinni röddu sem KJ hafði sem æðsti maður þjóðar sinnar vissulega getað gert, er ófyrirgefanlegt og skammarlegt. Já kæru fylgjendur KJ, mér blöskrar þegar þið ásakið réttmætar gagnrýnisraddir fólks og sakið um einelti og er alger gjaldfelling á merkingu orðsins. Já kæru fylgjendur KJ, mér blöskrar þegar stjórnmálamaður sem ákveður í miðjum klíðum að hlaupa á eftir sinni eigin hégómagirnd og koma sér fyrir í þægilegra starfi. Stjórnmálamanni sem hefur svikið flest sín baráttumál og stefnu eigin flokks. Stekkur frá borði, hafandi setið í afar óvinsælli ríkisstjórn, horft í leiðinni upp á algert hrun síns eigin flokks og leggur síðan lykla forsætisráðuneytisins bókstaflega í hendurnar á þeim spilltasta og óvinsælasta. Skipti þá eftir allt saman í rauninni ekki máli hver stjórnaði? Og sú rökleysa um að sú atburðarás hafi orðið til eftir að hún sagði af sér og ekki getað séð slíkt fyrir er í besta falli hlægileg og út í hött, enda KJ engin amatör í stjórnmálum. Hennar starfsreynslu er jú fyrst og fremst að finna þar. Já kæru fylgjendur KJ, mér blöskrar og leiðist satt best að segja fórnarlambshlutverk ykkar og því að það sem þið vogið ykkur að kalla réttmæta gagnrýni, einelti. Að manneskja sem var forsætisráðherra fyrir korteri síðan, stólsetan enn hálf volg, ætlar sér að vera öryggisventill þjóðarinnar yfir eigin afar umdeildum frumvörpum. Það að hafa áhyggjur af slíku er ekki aðeins skiljanlegt heldur eðlilegt í lýðræðisríki og ber að benda á og gagnrýna. Já kæru fylgjendur KJ, mér blöskrar hvað þið notið orðið einelti léttvægt, frambjóðandi ykkar sem með framboði sínu hefur í raun klofið þjóðina í fylkingar og verður að sjálfsögðu ekki hið augljósa, sameiningartákn þjóðar sinnar. Já og að lokum kæru fylgjendur KJ, þegar réttmæt gagnrýni er sett fram og studd með rökum, kallast það ekki einelti, en hinsvegar er hægt að nota slíkan málatilbúnað sem tilburði til þöggunar. Góðar stundir Höfundur er bókmennta- og þjóðfræðingur.
Hollar skólamáltíðir fyrir loftslagið og líðan barna Laufey Steingrímsdóttir,Anna Sigríður Ólafsdóttir Skoðun
Aðför ríkisstjórnar Kristrúnar Frostadóttur að flóttafólki Hópur stjórnarkvenna í Solaris Skoðun
Skoðun Hollar skólamáltíðir fyrir loftslagið og líðan barna Laufey Steingrímsdóttir,Anna Sigríður Ólafsdóttir skrifar
Skoðun Samskiptasáttmáli; skúffuskjal eða stórgott verkfæri Helena Katrín Hjaltadóttir,Íris Helga G. Baldursdóttir skrifar
Skoðun Reykjavíkurborg á flestar félagslegar íbúðir en Garðabær rekur lestina Heimir Már Pétursson skrifar
Skoðun Hittumst á rauðum sokkum 1. maí Finnbjörn A. Hermannsson,Kolbrún Halldórsdóttir,Magnús Þór Jónsson,Sonja Ýr Þorbergsdóttir skrifar
Skoðun Aðför ríkisstjórnar Kristrúnar Frostadóttur að flóttafólki Hópur stjórnarkvenna í Solaris skrifar
Skoðun Börn á flótta – nýtt líf, nýtt tungumál og nýtt tækifæri í íslenskum grunnskólum Friðþjófur Helgi Karlsson skrifar
Hollar skólamáltíðir fyrir loftslagið og líðan barna Laufey Steingrímsdóttir,Anna Sigríður Ólafsdóttir Skoðun
Aðför ríkisstjórnar Kristrúnar Frostadóttur að flóttafólki Hópur stjórnarkvenna í Solaris Skoðun