Þjófnaðurinn áfall fyrir reynslumikla öryggisverði Kolbeinn Tumi Daðason skrifar 22. apríl 2024 14:26 Sendiferðabíll frá Öryggismiðstöðinni áþekkur þeim sem brotist var inn í á nokkrum sekúndum í Hamraborginni þann 25. mars. Vísir/Arnar Sjö mínútur liðu frá því þjófarnir í Hamraborg brunuðu í burtu með sjö peningatöskur og þar til upp komst um þjófnaðinn. Þjófavarnakerfi í bíl Öryggismiðstöðvarinnar fór ekki í gang og engin melding barst fyrirtækinu um þjófnaðinn. Það var ekki fyrr en öryggisverðirnir komu að bílnum að upp komst um glæpinn. Þeir eru reynslumiklir og í áfalli að sögn framkvæmdastjóra. Fjórar vikur sléttar eru í dag liðnar frá því að tveir grímuklæddir karlmenn bökkuðu bíl sínum upp að litlum sendiferðabíl Öryggismiðstöðvarinnar sem stóð fyrir utan veitingastaðinn Catalinu í Hamraborg í Kópavogi. Í skotti sendiferðabílsins voru sjö peningatöskur; Fimm tómar en tvær með tuttugu til þrjátíu milljónir króna úr spilakössum Videomarkaðarins handan götunnar. Á rúmum þrjátíu sekúndum brutu þjófarnir rúðu á skotti bílsins, opnuðu hann, tóku töskurnar sjö og brunuðu í burtu. Reyndar voru þjófarnir að flýta sér svo mikið að samkvæmt heimildum Vísis urðu þeir af nokkrum milljónum króna. Þannig var poki í skotti bílsins með milljónir króna úr hraðbanka sem þjófarnir tóku ekki með sér. Peningarnir voru í eigu Happdrætti Háskóla Íslands og tryggðir. Enginn varð því fyrir neinu beinu tjóni ef frá er talið viðkomandi tryggingafélag. Þá er óvíst hvort þjófarnir geti nýtt sér peningana. Vísbendingar eru um að litasprengjur hafi sprungið í annarri peningatöskunni. Hin peningataskan er ófundin. Myndbirting af þjófunum akandi í bíl hafa ekki dugað til að bera kennsl á þá. Það bendir til þess að þjófarnir séu ekki tengdir íslensku samfélagi. Öryggismiðstöðin hefur hafnað endurteknum beiðnum fréttastofu um viðtal vegna málsins. Ómar Brynjólfsson, framkvæmdastjóri mannaðra lausna, segir fyrirtækið gjarnan vilja varpa ljósi á þjófnaðinn en geti ekki veitt neinar frekari upplýsingar á þessu stigi meðan málið er í rannsókn hjá lögreglu. Samkvæmt heimildum fréttastofu hefur lögreglan á höfuðborgarsvæðinu ekki sett neina kröfu á Öryggismiðstöðina að tjá sig ekki um málið. „Í flutningi á verðmætum er forgangsmál að tryggja hagsmuni viðskiptavina og öryggi starfsmanna. Þeir öryggisverðir okkar sem veljast til starfans eru reyndustu menn fyrirtækisins og hafa gengið í gegnum mikla þjálfun. Þessi atburður var áfall fyrir þá sem voru að störfum þegar atvikið átti sér stað en við erum þakklát að enginn slasaðist,“ segir Ómar í tölvupósti til fréttastofu þar sem hann hafnar viðtalsbeiðni. Ómar sagði í tölvupósti til Mbl.is tveimur dögum eftir þjófnaðinn of snemmt að segja til um hvort uppfæra þyrfti verkferla hjá Öryggismiðstöðinni. „Við tökum þetta mál sannarlega mjög alvarlega og höfum hert enn frekar á öryggisreglum í fjármagnsflutningum. Atvik sem þetta lýsir breyttum heimi þar sem við þurfum að glíma við aukna glæpastarfsemi sem ógnar öryggi fólks og fyrirtækja,“ sagði Ómar í tölvupósti til Vísis fyrir helgi. Samkvæmt heimildum fréttastofu hefur Öryggismiðstöðin fjölgað í því teymi sem tæmir spilakassa á höfuðborgarsvæðinu, þar á meðal hjá Videomarkaðnum í Hamraborg. Þar eru tæplega hundrað spilakassar í rekstri en staðurinn hefur leyfi fyrir 49 manns. Sjö af síðustu átta gullpottum hafa unnist hjá Videomarkaðnum sem nýtur mikilla vinsælda hjá spilafíklum. „Varðandi upplýsingar um stöðu málsins vísum við á lögreglu. Við munum vilja tjá okkur um heildarmynd þessa máls þegar rannsókn er lokið en með því að veita upplýsingar um einstök atriði nú þá gætum við stefnt rannsókninni í hættu.“ Ómögulegt er að segja hvenær rannsókn málsins lýkur. Lögregla vinnur úr vísbendingum og stefnir á að leysa málið. Aðalsteinn Örn Aðalsteinsson rannsóknarlögreglumaður tjáði fréttastofu fyrir helgi að hann væri að eðlisfari bjartsýnn maður og lögregla ynni hörðum höndum að því að hafa hendur í hári þjófanna. Lögreglumál Peningum stolið í Hamraborg Kópavogur Tengdar fréttir Taska stútfull af milljónum króna enn ófundin Ein af töskunum sjö sem þjófarnir í Hamraborg höfðu á brott með sér úr sendiferðabíl Öryggismiðstöðvarinnar fyrir tæpum fjórum vikum er ófundin. Sú var stúfull af peningum. 19. apríl 2024 11:45 Þjófarnir leika lausum hala Rannsókn lögreglunnar á höfuðborgarsvæðinu á því hverjir stálu á milli tuttugu til þrjátíu milljónum króna í formi spilakassapeninga í fórum starfsfólks Öryggismiðstöðvarinnar hefur ekki leitt til handtöku. Þjófarnir leika enn lausum hala. 8. apríl 2024 12:11 Enginn handtekinn enn og lögregla þögul sem gröfin Enginn hefur enn verið handtekinn í tengslum við ránið í Hamraborg á mánudag síðustu viku. Lögregla segir rannsókn málsins í gangi en heldur spilunum annars þétt að sér. 2. apríl 2024 10:32 Mest lesið „Af hverju ertu svona í framan?“ Innlent „Algjörlega alveg út í hött“ Innlent Skipar Ísraelum að hætta að sprengja Erlent Umferðin færist inn á íbúðagötur Innlent Diddy í fimmtíu mánaða fangelsisvist Erlent Göngu- og hjólabrýr yfir Elliðaár opnast Innlent Vann á öllum deildum leikskólans Innlent Rannsaka mögulega stunguárás Innlent Andar sem eru ekki hér en voru í myndinni þeir sveima og fylgjast með Innlent Nýsestur á skrifstofunni þegar hann fékk bíl í flasið Innlent Fleiri fréttir Tætir í sig leikskólaplan borgarinnar: Segir Reykjavík taka skref aftur á bak Rannsaka mögulega stunguárás Göngu- og hjólabrýr yfir Elliðaár opnast „Af hverju ertu svona í framan?“ „Algjörlega alveg út í hött“ Umferðin færist inn á íbúðagötur Andar sem eru ekki hér en voru í myndinni þeir sveima og fylgjast með Dugar ekki lengur að dorga og nú þurfi að kasta út neti Vann á öllum deildum leikskólans Segja Rússa heyja stríð við Vesturlönd og síðustu ævidagarnir á Grund „Kópavogsmódelið er ekkert annað en þjónustuskerðing“ Nýsestur á skrifstofunni þegar hann fékk bíl í flasið Starfsmaður á Brákarborg grunaður um kynferðisbrot Fresta framkvæmdum vegna veðurs Sýnist komið að seinni hluta í eldsumbrotum í Sundhnúksgígaröðinni Grunaður um að hafa brotið á fleiri en tíu börnum Varaformannsslagur í Miðflokknum: Öll vinir og „peppuð“ fyrir landsþingi Stöðfirðingum enn ráðlagt að sjóða vatn vegna mengunar Tillögurnar í leikskólamálum séu vonbrigði og uppgjöf Jörð skelfur í Krýsuvík og Þjóðaröryggisráð fundaði í morgun Fólk að bugast þar til hætt var að manna vaktir á föstudögum Snorri etur kappi við Bergþór og Ingibjörgu Hafnaði kæru Sameindar vegna Konukots í Ármúla Ingibjörg tekur slaginn við Bergþór Skjálftahrina við Krýsuvík og Kleifarvatn Sagt að njóta ótruflaðrar ástar í Venesúela Bergþór vill verða varaformaður Óljóst hvort Kínverjarnir geti sótt vélina sína „Mér finnst þeir vera að taka frá mér lífið“ Rauk upp úr flugvél Jet2 Sjá meira
Fjórar vikur sléttar eru í dag liðnar frá því að tveir grímuklæddir karlmenn bökkuðu bíl sínum upp að litlum sendiferðabíl Öryggismiðstöðvarinnar sem stóð fyrir utan veitingastaðinn Catalinu í Hamraborg í Kópavogi. Í skotti sendiferðabílsins voru sjö peningatöskur; Fimm tómar en tvær með tuttugu til þrjátíu milljónir króna úr spilakössum Videomarkaðarins handan götunnar. Á rúmum þrjátíu sekúndum brutu þjófarnir rúðu á skotti bílsins, opnuðu hann, tóku töskurnar sjö og brunuðu í burtu. Reyndar voru þjófarnir að flýta sér svo mikið að samkvæmt heimildum Vísis urðu þeir af nokkrum milljónum króna. Þannig var poki í skotti bílsins með milljónir króna úr hraðbanka sem þjófarnir tóku ekki með sér. Peningarnir voru í eigu Happdrætti Háskóla Íslands og tryggðir. Enginn varð því fyrir neinu beinu tjóni ef frá er talið viðkomandi tryggingafélag. Þá er óvíst hvort þjófarnir geti nýtt sér peningana. Vísbendingar eru um að litasprengjur hafi sprungið í annarri peningatöskunni. Hin peningataskan er ófundin. Myndbirting af þjófunum akandi í bíl hafa ekki dugað til að bera kennsl á þá. Það bendir til þess að þjófarnir séu ekki tengdir íslensku samfélagi. Öryggismiðstöðin hefur hafnað endurteknum beiðnum fréttastofu um viðtal vegna málsins. Ómar Brynjólfsson, framkvæmdastjóri mannaðra lausna, segir fyrirtækið gjarnan vilja varpa ljósi á þjófnaðinn en geti ekki veitt neinar frekari upplýsingar á þessu stigi meðan málið er í rannsókn hjá lögreglu. Samkvæmt heimildum fréttastofu hefur lögreglan á höfuðborgarsvæðinu ekki sett neina kröfu á Öryggismiðstöðina að tjá sig ekki um málið. „Í flutningi á verðmætum er forgangsmál að tryggja hagsmuni viðskiptavina og öryggi starfsmanna. Þeir öryggisverðir okkar sem veljast til starfans eru reyndustu menn fyrirtækisins og hafa gengið í gegnum mikla þjálfun. Þessi atburður var áfall fyrir þá sem voru að störfum þegar atvikið átti sér stað en við erum þakklát að enginn slasaðist,“ segir Ómar í tölvupósti til fréttastofu þar sem hann hafnar viðtalsbeiðni. Ómar sagði í tölvupósti til Mbl.is tveimur dögum eftir þjófnaðinn of snemmt að segja til um hvort uppfæra þyrfti verkferla hjá Öryggismiðstöðinni. „Við tökum þetta mál sannarlega mjög alvarlega og höfum hert enn frekar á öryggisreglum í fjármagnsflutningum. Atvik sem þetta lýsir breyttum heimi þar sem við þurfum að glíma við aukna glæpastarfsemi sem ógnar öryggi fólks og fyrirtækja,“ sagði Ómar í tölvupósti til Vísis fyrir helgi. Samkvæmt heimildum fréttastofu hefur Öryggismiðstöðin fjölgað í því teymi sem tæmir spilakassa á höfuðborgarsvæðinu, þar á meðal hjá Videomarkaðnum í Hamraborg. Þar eru tæplega hundrað spilakassar í rekstri en staðurinn hefur leyfi fyrir 49 manns. Sjö af síðustu átta gullpottum hafa unnist hjá Videomarkaðnum sem nýtur mikilla vinsælda hjá spilafíklum. „Varðandi upplýsingar um stöðu málsins vísum við á lögreglu. Við munum vilja tjá okkur um heildarmynd þessa máls þegar rannsókn er lokið en með því að veita upplýsingar um einstök atriði nú þá gætum við stefnt rannsókninni í hættu.“ Ómögulegt er að segja hvenær rannsókn málsins lýkur. Lögregla vinnur úr vísbendingum og stefnir á að leysa málið. Aðalsteinn Örn Aðalsteinsson rannsóknarlögreglumaður tjáði fréttastofu fyrir helgi að hann væri að eðlisfari bjartsýnn maður og lögregla ynni hörðum höndum að því að hafa hendur í hári þjófanna.
Lögreglumál Peningum stolið í Hamraborg Kópavogur Tengdar fréttir Taska stútfull af milljónum króna enn ófundin Ein af töskunum sjö sem þjófarnir í Hamraborg höfðu á brott með sér úr sendiferðabíl Öryggismiðstöðvarinnar fyrir tæpum fjórum vikum er ófundin. Sú var stúfull af peningum. 19. apríl 2024 11:45 Þjófarnir leika lausum hala Rannsókn lögreglunnar á höfuðborgarsvæðinu á því hverjir stálu á milli tuttugu til þrjátíu milljónum króna í formi spilakassapeninga í fórum starfsfólks Öryggismiðstöðvarinnar hefur ekki leitt til handtöku. Þjófarnir leika enn lausum hala. 8. apríl 2024 12:11 Enginn handtekinn enn og lögregla þögul sem gröfin Enginn hefur enn verið handtekinn í tengslum við ránið í Hamraborg á mánudag síðustu viku. Lögregla segir rannsókn málsins í gangi en heldur spilunum annars þétt að sér. 2. apríl 2024 10:32 Mest lesið „Af hverju ertu svona í framan?“ Innlent „Algjörlega alveg út í hött“ Innlent Skipar Ísraelum að hætta að sprengja Erlent Umferðin færist inn á íbúðagötur Innlent Diddy í fimmtíu mánaða fangelsisvist Erlent Göngu- og hjólabrýr yfir Elliðaár opnast Innlent Vann á öllum deildum leikskólans Innlent Rannsaka mögulega stunguárás Innlent Andar sem eru ekki hér en voru í myndinni þeir sveima og fylgjast með Innlent Nýsestur á skrifstofunni þegar hann fékk bíl í flasið Innlent Fleiri fréttir Tætir í sig leikskólaplan borgarinnar: Segir Reykjavík taka skref aftur á bak Rannsaka mögulega stunguárás Göngu- og hjólabrýr yfir Elliðaár opnast „Af hverju ertu svona í framan?“ „Algjörlega alveg út í hött“ Umferðin færist inn á íbúðagötur Andar sem eru ekki hér en voru í myndinni þeir sveima og fylgjast með Dugar ekki lengur að dorga og nú þurfi að kasta út neti Vann á öllum deildum leikskólans Segja Rússa heyja stríð við Vesturlönd og síðustu ævidagarnir á Grund „Kópavogsmódelið er ekkert annað en þjónustuskerðing“ Nýsestur á skrifstofunni þegar hann fékk bíl í flasið Starfsmaður á Brákarborg grunaður um kynferðisbrot Fresta framkvæmdum vegna veðurs Sýnist komið að seinni hluta í eldsumbrotum í Sundhnúksgígaröðinni Grunaður um að hafa brotið á fleiri en tíu börnum Varaformannsslagur í Miðflokknum: Öll vinir og „peppuð“ fyrir landsþingi Stöðfirðingum enn ráðlagt að sjóða vatn vegna mengunar Tillögurnar í leikskólamálum séu vonbrigði og uppgjöf Jörð skelfur í Krýsuvík og Þjóðaröryggisráð fundaði í morgun Fólk að bugast þar til hætt var að manna vaktir á föstudögum Snorri etur kappi við Bergþór og Ingibjörgu Hafnaði kæru Sameindar vegna Konukots í Ármúla Ingibjörg tekur slaginn við Bergþór Skjálftahrina við Krýsuvík og Kleifarvatn Sagt að njóta ótruflaðrar ástar í Venesúela Bergþór vill verða varaformaður Óljóst hvort Kínverjarnir geti sótt vélina sína „Mér finnst þeir vera að taka frá mér lífið“ Rauk upp úr flugvél Jet2 Sjá meira
Taska stútfull af milljónum króna enn ófundin Ein af töskunum sjö sem þjófarnir í Hamraborg höfðu á brott með sér úr sendiferðabíl Öryggismiðstöðvarinnar fyrir tæpum fjórum vikum er ófundin. Sú var stúfull af peningum. 19. apríl 2024 11:45
Þjófarnir leika lausum hala Rannsókn lögreglunnar á höfuðborgarsvæðinu á því hverjir stálu á milli tuttugu til þrjátíu milljónum króna í formi spilakassapeninga í fórum starfsfólks Öryggismiðstöðvarinnar hefur ekki leitt til handtöku. Þjófarnir leika enn lausum hala. 8. apríl 2024 12:11
Enginn handtekinn enn og lögregla þögul sem gröfin Enginn hefur enn verið handtekinn í tengslum við ránið í Hamraborg á mánudag síðustu viku. Lögregla segir rannsókn málsins í gangi en heldur spilunum annars þétt að sér. 2. apríl 2024 10:32