Bætti unglingamet og tryggði sig inn á Evrópumeistaramót

Ágúst Orri Arnarson skrifar 14. apríl 2024 14:31

Guðmundur Leó Rafnsson bætti unglingamet, sigraði 100m skriðsund og tryggði sér um leið þátttöku á Evrópumeistaramóti unglinga í sumar. Sundsamband Íslands

Tvö unglingamet féllu í úrslitahluta Íslandsmótsins í sundi í fimmtíu metra laug sem fór fram í gær.

Guðmundur Leó Rafnsson bætti unglingamet Kristins Þórarinssonar þegar hann synti á tímanum 26,80 en gamla metið var 28,87 og um leið tryggði hann sér lágmark í þessari grein á Evrópumeistaramóti unglinga sem fram fer í sumar.

Guðmundur Leó gerði sér einnig lítið fyrir og sigraði í 100m skriðsundi.

Kvenna sveit Breiðabliks í 4x100m skriðsundi setti unglingamet þegar þær syntu á tímanum 3:57,29 og bættu metið um tæpar 6 sekúndur. Sveitina skipuðu þær Nadja Djurovic, Sólveig Freyja Hákonardóttir, Ásdís Steindórsdóttir og Freyja Birkisdóttir.

Íslandsmeistarar gærdagsins:

Eva Margrét Falsdóttir, ÍRB sigraði í 400 metra fjórsundi kvenna
Hólmar Grétarsson úr SH sigraði í 1500m skriðsundi karla
Guðmundur Leó Rafnsson sigraði í 50m baksundi karla
Snæfríður Sól Jórunnardóttir sigraði í 200m skriðsundi kvenna
Birnir Freyr Hálfdánarson sigraði í 200m fjórsundi karla
Birgitta Ingólfsdóttir sigraði í 100m bringusundi kvenna
Snorri Dagur Einarsson sigraði í 50m bringusundi karla
Eydís Ósk Kolbeinsdóttir sigraði í 50m flugsundi kvenna
Guðmundur Leó Rafnsson sigraði í 100m skriðsundi karla
Ylfa Lind Kristmansdóttir sigraði í 100m baksundi kvenna
Hólmar Grétarsson úr SH sigraði í 200m flugsundi karla
Freyja Birkisdóttir sigraði í 800m skriðsundi kvenna
Karlasveit ÍRB sigraði í 4x100m skriðsundi karla
Kvenna sveit Breiðabliks sigraði í 4x100m skriðsundi kvenna

Þau sem náðu inn á Norðurlandameistaramót Æskunnar:

· Margrét Anna Lapas 100m bringusund 1:14,60
· Magnús Víðir Jónsson úr SH í 100m skriðsundi 54,19
· Denas Kazulis úr ÍRB 100m skriðsund 54,33
· Ylfa Lind Kristmannsdóttir 100m baksund 1:05,05
· Ástrós Lovísa Hauksdóttir 100m baksund 1:07,33
· Hólmar Grétarsson úr SH í 1500m skriðsundi 16:40.85 og 200m flugsund 2:11,22
· Sólveig Freyja Hákonardóttir Breiðablik 800m skriðsund 9:35,29
· Ásdís Steindórsdóttir Breiðablik 800m skriðsund 9:13,22

Þau sem náðu lágmörkum á Evrópumeistaramót unglinga sem fram fer í sumar:

· Guðmundur Leó Rafnsson úr ÍRB í 50metra baksundi á 26,80
· Vala Dís Cicero úr SH 200m skriðsund 2:03,51
· Birnir Freyr Hálfdánarson úr SH 200m fjórsund 2:05.74
· Freyja Birkisdóttir Breiðablik 800m skriðsund 9:12,10

Þau sem náðu inn á Evrópumeistaramótið, EM50 í sumar:

· Guðmundur Leó Rafnsson úr ÍRB í 50metra baksundi á 26,80
· Vala Dís Cicero úr SH 200m skriðsund 2:03,51
· Birnir Freyr Hálfdánarson úr SH 200m fjórsund 2:05.74
· Freyja Birkisdóttir Breiðablik 800m skriðsund 9:12,10

Síðasti dagur mótsins fer fram í dag og í lok úrslitahlutans verða veittar viðurkenningar.

Forseti Íslands, Guðni Th. Jóhannesson, veitir Ásgeirsbikarinn en hann er farandgripur sem er veittur árlega fyrir besta afrek í sundi, samkvæmt stigatöflu WORLD AQUATICS.

Þá mun Kolbrúnarbikarinn verða afhentur en hann farandgripur sem er veittur árlega í kvennaflokki fyrir besta afrek í sundi.

Einnig verður Pétursbikarinn veittur en hann er farandgripur sem er veittur árlega í karlaflokki fyrir besta afrek í sundi.

Að lokum verður Sigurðarbikarinn veittur en hann er farandgripur sem er veittur árlega fyrir besta afrek í bringusundi.

Sund

Tengdar fréttir

Tókst loks eftir fimm ár að bæta eigið met

Anton Sveinn McKee virðist á hárréttri leið í undirbúningi sínum fyrir Ólympíuleikana í París í sumar því hann sló fimm ára gamalt Íslandsmet sitt í 100 metra bringusundi, þegar hann varð Íslandsmeistari í gær.

13. apríl 2024 10:10

Mest lesið

Fleiri fréttir