Handbolti

Olís deild karla: Víkingur og Sel­foss fallin

Runólfur Trausti Þórhallsson skrifar
Víkingar eru fallnir.
Víkingar eru fallnir. Vísir/Vilhelm

Þegar enn er ein umferð eftir af deildarkeppni Olís-deildar karla í handbolta er ljóst að Víkingur og Selfoss eru fallin. Þá varð FH deildarmeistari í kvöld sem og ljóst er hvaða átta lið fara í úrslitakeppnina.

Næstsíðasta umferð Olís-deildar karla var spiluð í kvöld. Mikið var af áhugaverðum leikjum enda mikið undir í fjölda leikjanna. FH vann Gróttu með sjö mörkum á Seltjarnarnesi og tryggði sér þar með deildarmeistaratitilinn þar sem Valur tapaði gegn KA, lokatölur á Akureyri 34-29.

HK lagði Stjörnuna með sex marka mun í Garðabæ, lokatölur þar 28-34. Sá sigur þýðir að félagið heldur sér í deild þeirra bestu þar sem Afturelding lagði Víking 27-25 í Mosfellsbæ og Haukar unnu níu marka sigur á Selfyssingum sem eru einnig fallnir, lokatölur á Ásvöllum 33-24.

Að endingu vann ÍBV öruggan sigur á Fram í Vestmannaeyjum, lokatölur 34-25. Stöðuna í deildinni má finna á vef HSÍ.

Handbolti Olís-deild karla UMF Selfoss Víkingur Reykjavík

Mest lesið


Fleiri fréttir

Sjá meira


×

Mest lesið