Á vef Veðurstofunnar segir að það verði heldur hægari vindur í öðrum landshlutum með slyddu eða rigningu.
Það verður því stórhríð á Vestfjörðum í dag og hríðarveður við Breiðafjörð og á Ströndum og Norðurlandi vestra. Appelsínugul viðvörun tók gildi klukkan sex í morgun og gildir fram yfir miðnætti. Þá eru gular viðvaranir á Breiðafirði og Ströndum og Norðurlandi vestra fram á kvöld.
„Heldur degur úr vindi í nótt, en á morgun er útlit fyrir norðan 13-20 m/s með snjókomu og hiti um og undir frostmarki á norðanverðu landinu en skýjað og þurrt að kalla og hiti 2 til 8 stig sunnantil,“ segir á vef Veðurstofunnar.

Veðurhorfur á landinu næstu daga
Á föstudag: Norðan 15-23 m/s og snjókoma, en úrkomulítið sunnantil. Hiti um eða undir frostmarki, en mildara á Suðausturlandi.
Á laugardag: Minnkandi norðlæg átt, 5-13 m/s síðdegis. Él á Norður- og Austurlandi, annars þurrt að mestu. Frost 0 til 7 stig, en frostlaust syðst.
Á sunnudag: Norðaustan og austan 5-13 m/s og stöku él sums staðar. Frost 1 til 9 stig, en hiti um eða yfir frostmarki sunnanlands.
Á mánudag: Breytileg átt og bjartviðri, en stöku él við suður- og austurströndina. Frost 0 til 12 stig, mildast syðst.
Á þriðjudag: Ákveðin suðaustanátt með snjókomu eða slyddu, en lengst af þurrt norðaustantil.
Á miðvikudag: Útilt fyrir suðaustlæga átt með slyddu eða snjókomu, en éljum um vestanvert landið.