Sigríður Hrund býður sig fram til forseta Oddur Ævar Gunnarsson skrifar 12. janúar 2024 18:42 Sigríður og eiginmaður hennar Baldur Ingvarsson. Vísir/Dúi Sigríður Hrund Pétursdóttir, fjárfestir og fyrrverandi forseti Félags kvenna í atvinnulífinu, hyggst bjóða sig fram til forseta Íslands. Þetta tilkynnti hún í beinni útsendingu kvöldfrétta Stöðvar 2 úr fimmtugsafmæli sínu á Kjarvalsstöðum. Sigríður hélt framboðsræðu og sagði tíma til kominn að forseti væri aftur titluð „Frú forseti.“ Í viðtalinu sagðist hún fullviss um sigur í kosningunum og að hún myndi fá sér vöfflur með rjóma þegar sigurinn yrði í höfn í júní. Sigríður er eigandi Vinnupalla ehf. og hafði áður tilkynnt að hún væri undir feld varðandi mögulegt framboð. Hún hefur verið áberandi í viðtölum undanfarnar vikur. Hún var í viðtali við Ísland í dag í síðustu viku þar sem hún ræddi um fæðingarþunglyndi sem hún glímdi við árum saman. Hún mætti einnig í hlaðvarpsþáttinn Einmitt sem Einar Bárðarson stýrir og ræddi áföll á lífsleiðinni. Tími á frú Í framboðsræðu sinni á Kjarvalsstöðum í kvöld lagði Sigríður áherslu á að heilmargt gott hefði gerst á Íslandi þau fimmtíu ár sem hún hefði verið á lífi. „Við veljum kærleikann í hvívetna, við æfum okkur í mennskunni og öllu hennar fjölbreytta litrófi. Við veitum rými til að vera manneskja og við elskum að skapa, rýna og endurskapa í sífellu okkar dýrmæta og fjölbreytta samfélag. Á Íslandi hugsum við, tölum og framkvæmum í kærleika. Og við æfum okkur linnulaust með jákvætt viðhorf í hvívetna,“ sagði Sigríður. „Það er kominn tími til að hérlendis séu aftur notuð orðin Frú forseti Íslands. Með gnægð sterkra margfaldara að leiðarljósi - kærleika, von, náð, gleði og þakklæti - og opið skínandi hjarta tilkynni ég hér með framboð mitt til Frú forseta Íslands í vor.“ Ræðuna í heild má sjá að neðan. Framboðsræða Frú forseta lýðveldisins Íslands Náð og friður – verið hjartanlega velkomin kæru vinir, vinkonur og venslafólk. Ég verð stuttorð og hnitmiðuð eins og samfélag nútímans er alsiða. Það er stórkostlegt að vera hér samankomin á þessum einstöku tímamótum. Minn fagnaður í dag er fimm áratuga fagnaður. Fimm áratugir eru andardráttur í eilífðinni og mikilvægt að lifa í núinu hverju sinni og iðka mennskuna heilshugar og af fullum krafti. Heilmargt hefur gerst á fimm áratugum – jafnréttislögin voru sett 1976, Íslendingar tróna sem jafnréttismeistarar í alþjóðaþorpinu 14 ár í röð en kynin þó hvergi nærri jöfn engu að síður og kynjum fjölgar, við klipptum tvö núll aftan af krónunni árið 1981, en að vera með sjálfstæðan gjaldmiðil er eins og að róa á árabát á Atlantsálum. Við höfum gengið saman í gegnum þjóðarsátt, hrun, alheimsfaraldur, stríð sem okkur snertir og stórfellda fólksflutninga á heimsvísu, en Íslendingum hefur fjölgað jafnt og þétt á þessum áratugum eða um 10% að jafnaði, en tvöfalt hraðar eða meira á síðasta rúmum áratug eða nær 20%. Arfleifð landsmanna stendur styrkum fótum, ekki síst innra með okkur, í okkar hjartalagi, enda hefur í aldanna rás verið þétt setið í baðstofum og fólk tekið inn og hlúð að þrátt fyrir fyrirliggjandi kröpp kjör. Þorpið okkar Ísland er vinsælt og vel sótt og blandast hratt fjölbreytileika og fjölmenningu. Það er ríkidæmið okkar, það þarf þorp til að ala upp barn og við erum öll börn. Eyjan Ísland er framúrskarandi staður til að glíma við lífið. Landið ber öll merki þess að vera vel tengt náttúrukröftum í lofti, láði og legi. Hér er ekki auðvelt að búa en þó höfum við það allra best í alþjóðaþorpinu. Legu landsins vegna er það hlutverk okkar að vera eins sjálfbær sem framast er kostur, það er sjálfstæðisgrunnur. Sjálfbærnihraðallinn er og verður verkefni þessarar þjóðar um ókomin ár. Á Íslandi búa og vill búa fólk sem þráir gott, öruggt líf þar sem mannréttindi ríkja og eru í hávegum höfð. Friður. Friður í hjörtum þýðir friður í heimi. Friður í fjölbreytnisamfélagi kallar á þolinmæði, þolgæði, þrautseigju og umburðarlyndi. Að rísa yfir og iðka kærleikann. Ein styrkasta stoð okkar samfélags er að hér gilda ein lög en iðkaðir eru fjölmargir siðir ólíkra menningar- og trúarheima. Hér heyrast alls kyns útgáfur af íslensku, meira að segja ég tala með hreim – ég tala alltaf líf og ljós og aldrei last og hnjóð. Hugsa, tala og framkvæmi í kærleika. Það er kominn tími til að við sem þjóð og samfélag rísum saman upp og yfir. Val er vald og við erum þess megnug að geta skapað okkar eigin framtíð með því sem við veljum. Lifað samfélagið sem við þráum að búa í. Tekist þannig á við hverjar þær áskoranir sem okkur mæta í sameiningu og samstöðu. Við veljum frá léttvægu hjómi, hjólförum sem þjóna ekki lengur tilgangi sínum, meiðandi hugsunum, orðum og hegðun sem takmarkar ljós einstaklinga og heftir för okkar sem samfélag. Við veljum kærleikann í hvívetna, við æfum okkur í mennskunni og öllu hennar fjölbreytta litrófi. Við veitum rými til að vera manneskja og við elskum að skapa, rýna og endurskapa í sífellu okkar dýrmæta og fjölbreytta samfélag. Á Íslandi hugsum við, tölum og framkvæmum í kærleika. Og við æfum okkur linnulaust með jákvætt viðhorf í hvívetna. Það er kominn tími til að hérlendis séu aftur notuð orðin Frú forseti Íslands. Með gnægð sterkra margfaldara að leiðarljósi - kærleika, von, náð, gleði og þakklæti - og opið skínandi hjarta tilkynni ég hér með framboð mitt til Frú forseta Íslands í vor. Ég kem ekki fyrir valdið, ekki fyrir metorð eða hverfular vinsældir, ég á ekki pólitískt bakland og ég kem ekki einu sinni fyrir sjálfa mig – heldur fyrir okkur öll. Allt sem ég upplifi og verð fyrir - hvatningu, framgangi, hnjóði, lasti, umtali, kærleika – munum við upplifa saman og verða fyrir. Ég kann ekki að vera frambjóðandi, aðeins Frú forseti – sem er afar einföld fyrirmynd – að vera ég sjálf. Dýrmæt, einstök og fágæt – eins og við öll. Þetta verður stórkostleg sköpunarvegferð umlukin krafti, samstöðu og gleði. Mér fylgja ófrávíkjanlega þrenn grunngildi; lýðræði, tjáningarfrelsi og jafnræði. Þau iðka ég eftir minni allra bestu getu hverju sinni enda tel ég þau hornstein gróskumikils samfélags. Lýðræði og tjáningarfrelsi eru dýrum dómum keypt með mannslífum. Þau eru best heiðruð með því að iðka þau, slá skjaldborg um og vernda átakalaust. Það er hlutverk okkar að standa upp og stíga fram, hvetja fólk áfram til dáða, rýna eigin kenndir og tilfinningar, hlusta á þorpið okkar í hinu smáa og stóra samhengi og feta þannig tilveruna skref fyrir skref – en alltaf samferða. Af hverju kem ég snemma fram með framboð? Af því á Íslandi er lítill sem enginn fyrirsjáanleiki og stöðugleiki í takt við veðurfar. Það er því skynsamlegt að skapa vissu og öryggi þegar kostur er. Nú höfum við rými og tíma til að kynnast og æfa okkur í þakklæti fyrir okkar réttindi og að standa með sjálfum okkur. Frú forseti þjónustar allt landsfólk óháð lýðbreytum – aldri, kynjum og uppruna – með alúð og umhyggju fyrir hina viðkvæmu hópa sem ekki eru tekjuberandi; unga, aldna og sjúka og ekki síst þá dýrmætu einstaklinga sem hingað leita en hafa ekki þegnréttindi - ennþá. Alveg eins og gróska í listum er mælikvarði á ríkidæmi samfélags þá er styrkur samfélags mældur best á því hvernig við hlúum að viðkvæmum hópum. Hér er að hefjast landsleikur – hér mun mæta landslið frambjóðenda sem við fögnum, hvetjum og gefum rými til að vera og tjá sig – því þannig fáum við liðsheild og það besta út úr hverjum og einum liðsaðila. Kjöraðstæður eru að landsliðið endurspegli þjóðina og sé blandað lýðbreytum sem aldri, kynjum og uppruna. Þetta einstaka tækifæri til að rýna stöðu lands og þjóðar í fáeinar vikur einkennist af sköpunargleði, stemningu, von og þakklæti. 1. júní fjölkvennum, mennum, kvárum við prúðbúin á kjörstaði, ég verð kosin Frú forseti lýðveldisins Íslands, liðið faðmast, klappar upp í stúku, stúkan klappar til baka, Tólfan tekur loka húh og við förum glaðvær, tápmikil og upplitsdjörf inn í nýtt tímabil lands og þjóðar – heim að baka vöfflur með sultu og rjóma og kakó með rjóma – það er aldrei nóg af rjóma. Miðlar mínir eru komnir af stað undir vefsíðunni sigridurhrund.is og snjallmiðlum FrúForseti. Orð eru til alls fyrst – fínt að venja sig við nýyrði með iðkun. Hér eru 3 áratugir fólks sem ekki hefur notað þessi orð og við hin dottin úr æfingu. Eins og þróun samfélags og tungumáls ber með sér – við sjáumst og skjáumst Kærleikurinn ríkir – af því að það er okkar val og við byrjum í eigin hjörtum. Náð og friður. Forsetakosningar 2024 Forseti Íslands Mest lesið Sektuð í gjaldfrjálsu stæði og sneri vörn í sókn Innlent Prestur á Dalvík sver af sér kjaftasögur um ókristilega hegðun Innlent Sögð vafin í ísraelska fánann og veifað um eins og verðlaunagrip Erlent Hafi tekið bílstjórann hálstaki meðan hann lá á flautunni Innlent Sakar Weekday um stuld: „Hönnun sem ég er búin að vinna í í marga mánuði“ Innlent Tæplega þúsund manns innlyksa á Everest Erlent Tveir á sjúkrahús eftir að bíll valt við árekstur Innlent Síðasti fuglinn floginn Innlent Látinn eftir skotárás í Kaupmannahöfn Erlent „Þetta er ekki á borði þingflokksins“ Innlent Fleiri fréttir Nýr formaður SUS vill sækja til hægri Miður að börn fylgi foreldrum en ekki öfugt Hafi tekið bílstjórann hálstaki meðan hann lá á flautunni Play skuldi Isavia hálfan milljarð króna Tveir á sjúkrahús eftir að bíll valt við árekstur „Þetta er ekki á borði þingflokksins“ Umdeild brottvísun, fjárhagstjón á Grænlandi og kyngreint sæði Óttast áhrifin á vinnandi mæður Sakar Weekday um stuld: „Hönnun sem ég er búin að vinna í í marga mánuði“ Síðasti fuglinn floginn Sektuð í gjaldfrjálsu stæði og sneri vörn í sókn Ísrael sagt sig úr samfélagi siðaðra manna Símafrí en ekki símabann „Sjálfsíkveikja“ olli eldsvoða í þvottahúsi Síðbúnar hádegisfréttir Bylgjunnar: Áróður í Eurovision, nýtt landamærakerfi og „símafrí“ í skólum Sótti kindabyssu eftir hótun um að skjóta fyrrverandi og fimm aðra Leikskólamál, afnám hafta og Trump-isminn Stjórnarformaður RÚV vill að Ísrael verði tafarlaust vikið úr Eurovision Gekk berserksgang og beraði sig Prestur á Dalvík sver af sér kjaftasögur um ókristilega hegðun Eldur í þvottahúsi á Granda Prestur og prófastur bíður spenntur eftir Hrútaskránni Kurr innan Samfylkingarinnar vegna brottvísunar ungbarna Fokdýrar flugferðir, ögurstund á Gasa og óvenjulegt innbrot Boða íbúafundi vegna mögulegrar sameiningar sveitarfélaganna Alelda bíll á Reykjanesbraut Framkvæmdirnar komi eftir ákall frá íbúum Safnaði í bálköst innandyra en kennir stundarbrjálæði um íkveikjuna Skrítin afstaða BSRB og ASÍ Tekist á um leikskólamál og árásir á Gasa Sjá meira
Þetta tilkynnti hún í beinni útsendingu kvöldfrétta Stöðvar 2 úr fimmtugsafmæli sínu á Kjarvalsstöðum. Sigríður hélt framboðsræðu og sagði tíma til kominn að forseti væri aftur titluð „Frú forseti.“ Í viðtalinu sagðist hún fullviss um sigur í kosningunum og að hún myndi fá sér vöfflur með rjóma þegar sigurinn yrði í höfn í júní. Sigríður er eigandi Vinnupalla ehf. og hafði áður tilkynnt að hún væri undir feld varðandi mögulegt framboð. Hún hefur verið áberandi í viðtölum undanfarnar vikur. Hún var í viðtali við Ísland í dag í síðustu viku þar sem hún ræddi um fæðingarþunglyndi sem hún glímdi við árum saman. Hún mætti einnig í hlaðvarpsþáttinn Einmitt sem Einar Bárðarson stýrir og ræddi áföll á lífsleiðinni. Tími á frú Í framboðsræðu sinni á Kjarvalsstöðum í kvöld lagði Sigríður áherslu á að heilmargt gott hefði gerst á Íslandi þau fimmtíu ár sem hún hefði verið á lífi. „Við veljum kærleikann í hvívetna, við æfum okkur í mennskunni og öllu hennar fjölbreytta litrófi. Við veitum rými til að vera manneskja og við elskum að skapa, rýna og endurskapa í sífellu okkar dýrmæta og fjölbreytta samfélag. Á Íslandi hugsum við, tölum og framkvæmum í kærleika. Og við æfum okkur linnulaust með jákvætt viðhorf í hvívetna,“ sagði Sigríður. „Það er kominn tími til að hérlendis séu aftur notuð orðin Frú forseti Íslands. Með gnægð sterkra margfaldara að leiðarljósi - kærleika, von, náð, gleði og þakklæti - og opið skínandi hjarta tilkynni ég hér með framboð mitt til Frú forseta Íslands í vor.“ Ræðuna í heild má sjá að neðan. Framboðsræða Frú forseta lýðveldisins Íslands Náð og friður – verið hjartanlega velkomin kæru vinir, vinkonur og venslafólk. Ég verð stuttorð og hnitmiðuð eins og samfélag nútímans er alsiða. Það er stórkostlegt að vera hér samankomin á þessum einstöku tímamótum. Minn fagnaður í dag er fimm áratuga fagnaður. Fimm áratugir eru andardráttur í eilífðinni og mikilvægt að lifa í núinu hverju sinni og iðka mennskuna heilshugar og af fullum krafti. Heilmargt hefur gerst á fimm áratugum – jafnréttislögin voru sett 1976, Íslendingar tróna sem jafnréttismeistarar í alþjóðaþorpinu 14 ár í röð en kynin þó hvergi nærri jöfn engu að síður og kynjum fjölgar, við klipptum tvö núll aftan af krónunni árið 1981, en að vera með sjálfstæðan gjaldmiðil er eins og að róa á árabát á Atlantsálum. Við höfum gengið saman í gegnum þjóðarsátt, hrun, alheimsfaraldur, stríð sem okkur snertir og stórfellda fólksflutninga á heimsvísu, en Íslendingum hefur fjölgað jafnt og þétt á þessum áratugum eða um 10% að jafnaði, en tvöfalt hraðar eða meira á síðasta rúmum áratug eða nær 20%. Arfleifð landsmanna stendur styrkum fótum, ekki síst innra með okkur, í okkar hjartalagi, enda hefur í aldanna rás verið þétt setið í baðstofum og fólk tekið inn og hlúð að þrátt fyrir fyrirliggjandi kröpp kjör. Þorpið okkar Ísland er vinsælt og vel sótt og blandast hratt fjölbreytileika og fjölmenningu. Það er ríkidæmið okkar, það þarf þorp til að ala upp barn og við erum öll börn. Eyjan Ísland er framúrskarandi staður til að glíma við lífið. Landið ber öll merki þess að vera vel tengt náttúrukröftum í lofti, láði og legi. Hér er ekki auðvelt að búa en þó höfum við það allra best í alþjóðaþorpinu. Legu landsins vegna er það hlutverk okkar að vera eins sjálfbær sem framast er kostur, það er sjálfstæðisgrunnur. Sjálfbærnihraðallinn er og verður verkefni þessarar þjóðar um ókomin ár. Á Íslandi búa og vill búa fólk sem þráir gott, öruggt líf þar sem mannréttindi ríkja og eru í hávegum höfð. Friður. Friður í hjörtum þýðir friður í heimi. Friður í fjölbreytnisamfélagi kallar á þolinmæði, þolgæði, þrautseigju og umburðarlyndi. Að rísa yfir og iðka kærleikann. Ein styrkasta stoð okkar samfélags er að hér gilda ein lög en iðkaðir eru fjölmargir siðir ólíkra menningar- og trúarheima. Hér heyrast alls kyns útgáfur af íslensku, meira að segja ég tala með hreim – ég tala alltaf líf og ljós og aldrei last og hnjóð. Hugsa, tala og framkvæmi í kærleika. Það er kominn tími til að við sem þjóð og samfélag rísum saman upp og yfir. Val er vald og við erum þess megnug að geta skapað okkar eigin framtíð með því sem við veljum. Lifað samfélagið sem við þráum að búa í. Tekist þannig á við hverjar þær áskoranir sem okkur mæta í sameiningu og samstöðu. Við veljum frá léttvægu hjómi, hjólförum sem þjóna ekki lengur tilgangi sínum, meiðandi hugsunum, orðum og hegðun sem takmarkar ljós einstaklinga og heftir för okkar sem samfélag. Við veljum kærleikann í hvívetna, við æfum okkur í mennskunni og öllu hennar fjölbreytta litrófi. Við veitum rými til að vera manneskja og við elskum að skapa, rýna og endurskapa í sífellu okkar dýrmæta og fjölbreytta samfélag. Á Íslandi hugsum við, tölum og framkvæmum í kærleika. Og við æfum okkur linnulaust með jákvætt viðhorf í hvívetna. Það er kominn tími til að hérlendis séu aftur notuð orðin Frú forseti Íslands. Með gnægð sterkra margfaldara að leiðarljósi - kærleika, von, náð, gleði og þakklæti - og opið skínandi hjarta tilkynni ég hér með framboð mitt til Frú forseta Íslands í vor. Ég kem ekki fyrir valdið, ekki fyrir metorð eða hverfular vinsældir, ég á ekki pólitískt bakland og ég kem ekki einu sinni fyrir sjálfa mig – heldur fyrir okkur öll. Allt sem ég upplifi og verð fyrir - hvatningu, framgangi, hnjóði, lasti, umtali, kærleika – munum við upplifa saman og verða fyrir. Ég kann ekki að vera frambjóðandi, aðeins Frú forseti – sem er afar einföld fyrirmynd – að vera ég sjálf. Dýrmæt, einstök og fágæt – eins og við öll. Þetta verður stórkostleg sköpunarvegferð umlukin krafti, samstöðu og gleði. Mér fylgja ófrávíkjanlega þrenn grunngildi; lýðræði, tjáningarfrelsi og jafnræði. Þau iðka ég eftir minni allra bestu getu hverju sinni enda tel ég þau hornstein gróskumikils samfélags. Lýðræði og tjáningarfrelsi eru dýrum dómum keypt með mannslífum. Þau eru best heiðruð með því að iðka þau, slá skjaldborg um og vernda átakalaust. Það er hlutverk okkar að standa upp og stíga fram, hvetja fólk áfram til dáða, rýna eigin kenndir og tilfinningar, hlusta á þorpið okkar í hinu smáa og stóra samhengi og feta þannig tilveruna skref fyrir skref – en alltaf samferða. Af hverju kem ég snemma fram með framboð? Af því á Íslandi er lítill sem enginn fyrirsjáanleiki og stöðugleiki í takt við veðurfar. Það er því skynsamlegt að skapa vissu og öryggi þegar kostur er. Nú höfum við rými og tíma til að kynnast og æfa okkur í þakklæti fyrir okkar réttindi og að standa með sjálfum okkur. Frú forseti þjónustar allt landsfólk óháð lýðbreytum – aldri, kynjum og uppruna – með alúð og umhyggju fyrir hina viðkvæmu hópa sem ekki eru tekjuberandi; unga, aldna og sjúka og ekki síst þá dýrmætu einstaklinga sem hingað leita en hafa ekki þegnréttindi - ennþá. Alveg eins og gróska í listum er mælikvarði á ríkidæmi samfélags þá er styrkur samfélags mældur best á því hvernig við hlúum að viðkvæmum hópum. Hér er að hefjast landsleikur – hér mun mæta landslið frambjóðenda sem við fögnum, hvetjum og gefum rými til að vera og tjá sig – því þannig fáum við liðsheild og það besta út úr hverjum og einum liðsaðila. Kjöraðstæður eru að landsliðið endurspegli þjóðina og sé blandað lýðbreytum sem aldri, kynjum og uppruna. Þetta einstaka tækifæri til að rýna stöðu lands og þjóðar í fáeinar vikur einkennist af sköpunargleði, stemningu, von og þakklæti. 1. júní fjölkvennum, mennum, kvárum við prúðbúin á kjörstaði, ég verð kosin Frú forseti lýðveldisins Íslands, liðið faðmast, klappar upp í stúku, stúkan klappar til baka, Tólfan tekur loka húh og við förum glaðvær, tápmikil og upplitsdjörf inn í nýtt tímabil lands og þjóðar – heim að baka vöfflur með sultu og rjóma og kakó með rjóma – það er aldrei nóg af rjóma. Miðlar mínir eru komnir af stað undir vefsíðunni sigridurhrund.is og snjallmiðlum FrúForseti. Orð eru til alls fyrst – fínt að venja sig við nýyrði með iðkun. Hér eru 3 áratugir fólks sem ekki hefur notað þessi orð og við hin dottin úr æfingu. Eins og þróun samfélags og tungumáls ber með sér – við sjáumst og skjáumst Kærleikurinn ríkir – af því að það er okkar val og við byrjum í eigin hjörtum. Náð og friður.
Forsetakosningar 2024 Forseti Íslands Mest lesið Sektuð í gjaldfrjálsu stæði og sneri vörn í sókn Innlent Prestur á Dalvík sver af sér kjaftasögur um ókristilega hegðun Innlent Sögð vafin í ísraelska fánann og veifað um eins og verðlaunagrip Erlent Hafi tekið bílstjórann hálstaki meðan hann lá á flautunni Innlent Sakar Weekday um stuld: „Hönnun sem ég er búin að vinna í í marga mánuði“ Innlent Tæplega þúsund manns innlyksa á Everest Erlent Tveir á sjúkrahús eftir að bíll valt við árekstur Innlent Síðasti fuglinn floginn Innlent Látinn eftir skotárás í Kaupmannahöfn Erlent „Þetta er ekki á borði þingflokksins“ Innlent Fleiri fréttir Nýr formaður SUS vill sækja til hægri Miður að börn fylgi foreldrum en ekki öfugt Hafi tekið bílstjórann hálstaki meðan hann lá á flautunni Play skuldi Isavia hálfan milljarð króna Tveir á sjúkrahús eftir að bíll valt við árekstur „Þetta er ekki á borði þingflokksins“ Umdeild brottvísun, fjárhagstjón á Grænlandi og kyngreint sæði Óttast áhrifin á vinnandi mæður Sakar Weekday um stuld: „Hönnun sem ég er búin að vinna í í marga mánuði“ Síðasti fuglinn floginn Sektuð í gjaldfrjálsu stæði og sneri vörn í sókn Ísrael sagt sig úr samfélagi siðaðra manna Símafrí en ekki símabann „Sjálfsíkveikja“ olli eldsvoða í þvottahúsi Síðbúnar hádegisfréttir Bylgjunnar: Áróður í Eurovision, nýtt landamærakerfi og „símafrí“ í skólum Sótti kindabyssu eftir hótun um að skjóta fyrrverandi og fimm aðra Leikskólamál, afnám hafta og Trump-isminn Stjórnarformaður RÚV vill að Ísrael verði tafarlaust vikið úr Eurovision Gekk berserksgang og beraði sig Prestur á Dalvík sver af sér kjaftasögur um ókristilega hegðun Eldur í þvottahúsi á Granda Prestur og prófastur bíður spenntur eftir Hrútaskránni Kurr innan Samfylkingarinnar vegna brottvísunar ungbarna Fokdýrar flugferðir, ögurstund á Gasa og óvenjulegt innbrot Boða íbúafundi vegna mögulegrar sameiningar sveitarfélaganna Alelda bíll á Reykjanesbraut Framkvæmdirnar komi eftir ákall frá íbúum Safnaði í bálköst innandyra en kennir stundarbrjálæði um íkveikjuna Skrítin afstaða BSRB og ASÍ Tekist á um leikskólamál og árásir á Gasa Sjá meira
Síðbúnar hádegisfréttir Bylgjunnar: Áróður í Eurovision, nýtt landamærakerfi og „símafrí“ í skólum