Hver er vin­sælasta jóla­gjöfin?

Það er ekki að furða að gjafabréf Icelandair njóti sívaxandi vinsælda sem jólagjöf enda eru ferðalög einhver ljúfasta og eftirminnilegasta samvera sem við getum átt. Þess vegna er gjafabréf upp í spennandi ævintýri út fyrir landsteinana vel heppnaður valkostur í jólapakkann.

„Góð ferðasaga er minning sem endist alla ævi,“ segir Oddur Finnsson, markaðsmaður hjá Icelandair. „Ferðalög skapa minningar sem lifa með okkur lengi. Við þurfum ekki annað en að fletta í gegnum gamlar fjölskyldumyndir úr utanlandsferðum til að finna hvað svona samvera gefur okkur mikið.“

Besta gjöfin er ferðalagið sjálft

Gjafabréf Icelandair er opin gjöf sem markar upphaf að nýju ævintýri. Þiggjandinn getur notað bréfið upp í ferð að eigin vali og valið á milli yfir 50 áfangastaða beggja vegna hafsins. Þannig opnar eitt gjafabréf ótal dyr að spennandi ferðalagi.

Gjafabréfin má líka hugsa í samhengi við viðburði sem þiggjandi hefur gaman að. Hvar og hvenær er uppáhaldshljómsveitin með tónleika? Er besta liðið í ensku með spennandi leik framundan? Er kominn tíminn á ferð með stórfjölskyldunni? Svana hjá Svart á hvítu er með frábærar hugmyndir að því hvernig pakka má inn gjafabréfum sem tengjast tilteknum viðburðum eða áfangastöðum. 

500.000 kr. gjafabréf dregið út á föstudag

Jólaleik Icelandair lýkur föstudaginn 22. desember þegar 500.000 króna gjafabréf verður dregið út. Öll sem kaupa gjafabréf hjá Icelandair í desember fyrir 10 þúsund krónur eða meira eiga möguleika á því að vinna. Því fleiri gjafabréf sem eru keypt, því meiri eru vinningslíkurnar. Þess má líka geta að hægt er að nýta Vildarpunkta til kaupa á gjafabréfum.

Vinningshafinn getur síðan ráðstafað gjafabréfinu eins og hann vill, hvort sem er í jólapakkann hjá öðrum eða hreinlega í sinn eigin pakka.