Fótbolti

Kristian Nökkvi lagði upp þegar Ajax tryggði sér á­fram­haldandi þátt­töku í Evrópu

Runólfur Trausti Þórhallsson skrifar
Kristian Nökkvi í leik kvöldsins.
Kristian Nökkvi í leik kvöldsins. ANP/Getty Images

Ajax vann sinn fyrsta leik í Evrópudeildinni í kvöld og tekur því þátt í útsláttarkeppni Sambandsdeildar Evrópu. Kristian Nökkvi Hlynsson var í byrjunarliði liðsins þegar það vann 3-1 sigur á AEK Aþenu í kvöld.

Þrátt fyrir slakt gengi í Evrópu vissi Ajax að sigur myndi skila liðinu í Sambandsdeildina. Félagið vill án efa vera í Meistaradeild Evrópu en möguleiki á Evróputitli er betri en enginn.

Kristian Nökkvi var í byrjunarliði hollenska stórveldisins og lagði upp fyrsta mark leiksins en það skoraði Chuba Akpom strax á 5. mínútu. Gestirnir höfnuðu hins vegar nokkrum mínútum síðar en Kenneth Taylor sá til þess að Ajax var 2-1 yfir í hálfleik.

Í þeim síðari bætti Akpom við öðru marki sínu og gulltryggði sigurinn. Kristian Nökkvi var svo tekinn af velli þegar fjórar mínútur voru til loka venjulega leiktíma. Í hinum leik B-riðils vann Brighton & Hove Albion 1-0 sigur á Marseille.

Lokastaðan því þannig að Brighton vinnur riðilinn með 13 stig, Marseille endar með 11, Ajax fimm og AEK Aþena fjögur.

Önnur úrslit

  • Aris 1-3 Sparta Prag
  • Real Betis 2-3 Rangers
  • Olympiacos 5-2 TSC
  • Rakow 0-4 Atalanta
  • Sporting 3-0 Sturm Graz
  • West Ham United 2-0 Freiburg
Fótbolti Evrópudeild UEFA

Tengdar fréttir

Le­verku­sen á­fram með fullt hús stiga

Ótrúlegt gengi Bayer Leverkusen heldur áfram en liðið vann 3-0 sigur á Molde í Evrópudeildinni og flýgur áfram með fullt hús stiga. Þá hefur liðið ekki enn tapað leik heima fyrir.

Jöfnuðu félagsmetið en töpuðu samt

Liverpool jafnaði í kvöld félagsmet þegar liðið skoraði í 34. leiknum í röð í öllum keppnum. Liðið skoraði eitt mark í 2-1 tapi gegn Royale Union SG frá Belgíu.

Mest lesið


Fleiri fréttir

Sjá meira


×

Mest lesið