Handbolti

Arnar Freyr í liði um­ferðarinnar

Ingvi Þór Sæmundsson skrifar
Arnar Freyr Arnarsson hefur leikið vel með Melsungen á tímabilinu.
Arnar Freyr Arnarsson hefur leikið vel með Melsungen á tímabilinu. getty/Andreas Gora

Arnar Freyr Arnarsson, landsliðsmaður í handbolta, er í liði umferðarinnar í þýsku úrvalsdeildinni.

Arnar Freyr átti mjög góðan leik þegar Melsungen gerði jafntefli við Magdeburg, 29-29. Hann skoraði fimm mörk úr fimm skotum í leiknum.

Melsungen á tvo fulltrúa í liði umferðarinnar. Hægri hornamaðurinn Timo Kastening er einnig í því en hann skoraði sjö mörk úr átta skotum í leiknum gegn Magdeburg.

Arnar Freyr og félagar eru í 4. sæti þýsku úrvalsdeildarinnar með 23 stig, þremur stigum frá toppliðum Magdeburg og Füchse Berlin.

Arnar Freyr hefur skorað 21 mark á tímabilinu og er með 84 prósent skotnýtingu.

Þýski handboltinn

Mest lesið


Fleiri fréttir

Sjá meira


×

Mest lesið