Handbolti

Slóvenía ekki í vand­ræðum með Angóla

Runólfur Trausti Þórhallsson skrifar
Tveir sigrar í tveimur leikjum.
Tveir sigrar í tveimur leikjum. EPA-EFE/Beate Oma Dahle

Slóvenía vann Angóla með sex marka mun í D-riðli HM kvenna í handbolta og er þar af leiðandi með fullt hús stiga líkt og Frakkland sem vann Ísland í dag. Angóla og Ísland eru án stiga.

Slóvenía vann Ísland með sex marka mun í fyrsta leik liðanna á mótinu og spilaðist leikur Slóveníu og Angóla nánast eins. Slóvenía byrjaði mun betur og leiddi mest með sex mörkum í fyrri hálfleik. Sá munur var þó kominn niður í þrjú mörk í hálfleik, staðan 14-11.

Angóla minnkaði muninn niður í eitt mark í síðari hálfleik en nær komust þær ekki og Slóvenía keyrði forystuna upp undir lok leiks, lokatölur 30-24.

Alja Varagic var markahæst í liði Slóveníu með 5 mörk. Isabel Guialo skoraði 6 í liði Angóla.

Önnur úrslit

  • Tékkland 31-22 Argentína (H-riðill)
  • Paragvæ 26-41 Svartfjallaland (B-riðill)
  • Íran 22-45 Þýskaland (F-riðill)
  • Kongó 20-40 Holland (H-riðill)
  • Pólland 29-28 Japan (F-riðill)
  • Ungverjaland 38-20 Kamerún (B-riðill)
Handbolti HM kvenna í handbolta 2023

Mest lesið


Fleiri fréttir

Sjá meira


×

Mest lesið