Þetta staðfestir Auðunn F. Kristinsson, framkvæmdastjóri aðgerðasviðs Landhelgisgæslunnar, í samtali við fréttastofu. Gæslan sækir manninn í sama mund og tvo menn sem lentu í ógöngum við Prestahnjúk.
„Þyrlan fór að sækja göngumann sem hafði dottið og fótbrotnað, og annan örmagna sem var með honum. Og í leiðinni sækjum við einstakling sem varð fyrir voðaskoti á rjúpu,“ segir Auðunn.
Hann tekur fram að hann viti ekki mikið um hvernig voðaskotið hafi átt sér stað.
„Við erum að sækja þrjá einstaklinga sem lentu í óhöppum á fjöllum í þessum töluðu orðum,“ segir hann.
