Innlent

Þrjár konur slógust og hrækt í andlit lögregluþjóns

Samúel Karl Ólason skrifar
Lögregla sinnti ýmsum verkefnum í gærkvöldi og í nótt.
Lögregla sinnti ýmsum verkefnum í gærkvöldi og í nótt. Vísir/Vilhelm

Lögregluþjónar á höfuðborgarsvæðinu höfðu í nógu að snúast í gærkvöldi og í nótt, ef marka má dagbók lögreglunnar í morgun. Samkvæmt henni var mikil ölvun í miðbænum og annarsstaðar og bárust margar tilkynningar um hávær samkvæmi og voru alls áttatíu mál skráð hjá lögreglu.

Lögreglunni barst í nótt tilkynning um þrjár konur sem slógust í miðbænum og var einn handtekinn fyrir að hrækja í andlit lögregluþjóns.

Þá barst tilkynning um fólk sem var að kasta grjóti í rúður og brjóta hurðir í Hlíðahverfi og um ungmenni sem voru að fremja skemmdarverk í Kópavogi.

Alls voru níu ökumenn handteknir vegna gruns um akstur undir áhrifum áfengis og/eða fíkniefna og er einn grunaður um að hafa framvísað fölsuðu ökuskírteini. Sá vær kærður fyrri skjalafals og akstur án réttinda.

Lögreglumál Reykjavík

Mest lesið


Fleiri fréttir

Sjá meira


×

Mest lesið