Hinrik skoraði ellefu mörk fyrir Þrótt sem endaði í 8. sæti Lengjudeildarinnar. Hann var valinn efnilegasti leikmaður deildarinnar.
Hinrik er nú genginn í raðir ÍA sem verður nýliði í Bestu deildinni á næsta tímabili.
„Hinrik er öflugur ungur leikmaður sem hefur gert virkilega góða hluti í Lengjudeildinni. Ég tel hann tilbúinn til að stíga skrefið í efstu deild og hann hefur mikinn metnað til að bæta og þróa sinn leik. Ég er stoltur og ánægður með að hann hafi valið ÍA til þess. Ég hef fylgst lengi með Hinriki og er sannfærður um að eiginleikar hans falli vel að leik liðsins. Ég hlakka mikið til að vinna með honum,“ sagði Jón Þór Hauksson, þjálfari ÍA, um nýjasta leikmann liðsins.
Velkominn Hinrik Harðarson!
— ÍA Akranes FC (@Skagamenn) October 17, 2023
Hinrik Harðarson (2004) er nýr leikmaður ÍA, hann kemur til félagsins frá Þrótti í Reykjavík. Hinrik lék upp yngri flokka Þróttar og hefur spilað 77 leiki í deild, bikar og lengjubikar með meistaraflokki Þróttar frá árinu 2021 og skorað í þeim 27 pic.twitter.com/SfGUvK0VZY
Hinrik, sem er nítján ára, lék 77 leiki fyrir Þrótt í deild, bikar og Lengjubikar og skoraði í þeim 27 mörk.
Hinrik á ekki langt að sækja fótboltahæfileikana en hann er sonur Harðar Magnússonar, eins markahæsta leikmanns í sögu efstu deildar á Íslandi.