Lífið

Springsteen frestar tónleikum vegna alvarlegs magasárs

Kolbeinn Tumi Daðason skrifar
Bandaríski rokkarinn á sviðinu í Zurich í Sviss í júní síðastliðnum.
Bandaríski rokkarinn á sviðinu í Zurich í Sviss í júní síðastliðnum. EPA-EFE/ENNIO LEANZA

Bruce Springsteen og hljómsveit hans E Street Band hafa frestað öllum tónleikum sem fyrirhugaðir voru fram að áramótum. Ástæðan er magasárssjúkdómur sem rokkstjarnan bandaríska glímir við.

Söngvarinn frá New Jersey segir í yfirlýsingu að öllum tónleikunum verði fundin ný dagsetning á árinu 2024. Springsteen hafði áður frestað tónleikum í september vegna vísbendinga um veikindin.

Tónleikaferðalagið, sem hófst í febrúar, átti upphaflega að vera út nóvember. Sveitin flakkaði um Bandaríkin og Norður-Ameríku framan af ári en færði sig yfir til Evrópu í sumar.

Söngvarinn 74 ára fer nú í meðferð að læknisráði út árið. Til stendur að greina frá dagsetningum tónleikanna á næsta ári á næstum vikum. Aðdáendur sem eiga ekki heimangengt á nýju dagsetningunum fá þrjátíu daga til að fá endurgreiðslu á miðunum.

Bandaríkin Tónlist Hollywood


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.