Arnór aðeins níu mínútur að skora fyrir Black­burn

Arnór gekk til liðs við Blackburn í sumar en þrálát meiðsli í nára hafa haldið honum frá keppni í upphafi tímabils. Hann var þó mættur í byrjunarliðið í dag í fyrsta sinn og skoraði glæsilegt mark strax á 9. mínútu og jafnaði leikinn 1-1.

Arnór nældi sér svo í gult spjald á 40. mínútur og var tekinn af velli í hálfleik, en þá var staðan orðin 3-1 heimamönnum í vil. Allt virtist stefna í glæsilega endurkomu Blackburn sem jöfnuðu leikinn 3-3 á 65. mínútu en Massimo Lungo sá til þess að Ipswich tók öll stigin í dag með marki á 79. mínútu.

Mark Arnórs má sjá hér að neðan en afgreiðslan, hlaupið og undirbúningurinn er allt saman upp á tíu.