Al­var­legt um­­­ferðar­­slys í Lækjar­­götu

Samkvæmt upplýsingum frá slökkviliði höfuðborgarsvæðisins rákust þar tvö ökutæki saman. Einungis ökumenn voru í ökutækjunum tveimur. 

Slysið varð á mótum Lækjargötu og Vonarstræti, en lögregla hefur girt af svæði í kringum slysstað. 

Sjúkrabílar mættu á staðinn upp úr klukkan 13:30. 

Í tilkynningu frá lögreglunni á höfuðborgarsvæðinu, sem send var á fjölmiðla skömmu fyrir klukkan 14, segir að um alvarlegt slys hafi verið að ræða. 

„Viðbragðsaðilar eru við störf á vettvangi, en lokað er fyrir umferð við slysstaðinn og í næsta nágrenni hans.

Ekki er hægt að veita frekari upplýsingar að svo stöddu,“ segir í tilkynningunni.