Sport

Dagskráin í dag: Norðankonur geta tryggt Val Íslandsmeistaratitilinn

Hjörtur Leó Guðjónsson skrifar
Þór/KA getur séð til þess að Valskonur fagni Íslandsmeistaratitlinum snemma þetta árið.
Þór/KA getur séð til þess að Valskonur fagni Íslandsmeistaratitlinum snemma þetta árið. vísir/stefán

Boðið verður upp á þrjár beinar útsendingar á sportrásum Stöðvar 2 á þessum fína miðvikudegi. Breiðablik heimsækir Þór/KA í Bestu-deild kvenna og úrvalsdeildin í pílukasti heldur áfram.

Við hefjum leik á Akureyri þar sem Þór/KA tekur á móti Breiðabliki í efri hluta Bestu-deildar kvenna í knattspyrnu. Breiðablik verður að vinna til að halda veikri von um Íslandsmeistaratitilinn á lífi, en mistakist liðinu að sigra er orðið ljóst að Valur er Íslandsmeistari kvenna í knattspyrnu annað árið í röð.

Bein útsending frá leik Þórs/KA hefst klukkan 16:435 og verður leikurinn sýndur á Stöð 2 Sport.

Þá heldur úrvalsdeildin í pílu áfram á Stöð 2 Sport klukkan 19:30 þar sem barist er um sæti í átta manna úrslitum.

Að lokum verða stelpurnar í Babe Patrol á sínum stað með sinn vikulega þátt á Stöð 2 eSport klukkan 20:00.

Dagskráin í dag

Mest lesið


Fleiri fréttir

Sjá meira


×

Mest lesið