Samstilltir strengir innan samfélagsins - Mikilvægi tónlistarnáms í gegnum kynslóðir og þvert á aldur Helga Margrét Clarke skrifar 18. ágúst 2023 10:31 Oft er vísað til tónlistar sem alheimstungumáls. Tónlist hefur þann ótrúlega hæfileika að hún spyr ekki um aldur og gengur þvert á menningarlegar hindranir og landamæri. Áhrif tónlistar ná langt út fyrir eingöngu skemmtanagildið, tónlist auðgar lífið, hefur sameiningarkraft og eflir samfélagsvitund svo ekki sé talað um hagrænan ávinning. Ávinningur tónlistar og tónlistarnáms er óumdeilanlegur. Í ljósi umræðunnar í samfélaginu og breytinga á greiðsluþátttöku stjórnvalda í tónlistarnámi fullorðinna finn ég mig knúna til að setja nokkur orð niður á blað. Hvernig væri lífið án tónlistar? Ég hugsa að flestir séu sammála því að án tónlistar þá væri heimurinn ekki sá sami. Þó ekki nema brot af mannkyninu starfi við tónlist þá spilar tónlist samt sem áður stóran þátt í lífi okkar flestra. Án tónlistar þá væri furðulegt að fara út að skemmta sér, við myndum ekki syngja, færum ekki á tónleika, hljóðheimur kvikmynda væri mjög frábrugðinn því sem við þekkjum, engin tónlist í kirkjutengdum athöfnum og svo mætti lengi telja. Ávinningur tónlistar og tónlistarnáms Tónlistarnám hefur ekki eingöngu það hlutverk að auka færni einstaklinga til að spila á hljóðfæri eða nota söngröddina sína, tónlistarnám nærir sköpunargáfu, eykur vitsmunaþroska, tjáningu og samvinnu til að nefna aðeins brotabrot af þeim jákvæðu áhrifum sem tónlist og tónlistarnám hefur. Ávinninginn sem fæst af tónlistarnámi má auðveldlega yfirfæra á önnur svið og hafa rannsóknir ítrekað sýnt fram á að tónlistarnám hefur jákvæð áhrif á námsgetu á öðrum sviðum. Tónlistarnám fyrir börn er mikið rannsakað efni, tónlist örvar heilavöxt, hefur jákvæð áhrif á þróun vitsmuna-, tilfinninga- og félagsþroska. Tónlistarnám eykur minni og ýtir undir þróun ýmissar færni, s.s. lausnamiðaðrar hugsunar. En ávinningurinn er ekki eingöngu bundinn börnum. Ávinningur fyrir fullorðna er einnig mikill. Einn mest rannsakaði þátturinn eru mótverkandi áhrif tónlistar á streitu, en streita er í dag einn helsti orsakavaldur kulnunar og örmögnunar með tilheyrandi kostnaði fyrir einstaklinginn og samfélagið. Fyrir aldraða hafa rannsóknir sýnt fram á að tónlistarnám og/eða tónlistarmeðferð geti unnið gegn einangrunartilfinningu, aukið vitræna virkni sem og stuðlað að auknum lífsgæðum. Tónlistarnám – Fyrir öll? Nýlegasta útspil stjórnvalda er hrein og klár mismunun á svo margan hátt. Með því að setja þessi nýju viðmið mótframlagsins út frá aldri þá sitjum við ekki öll við sama borð. Það má að sjálfsögðu færa rök fyrir því að eldra fólk ætti að öllum líkindum að hafa efni á að greiða fyrir sitt nám án aðkomu stjórnvalda í formi mótframlags EN þetta er ekki svona einfalt! Ekki öll börn fæðast inn í fjölskyldu þar sem tónlistarnám er hreinlega í boði, námið er mögulega ekki álitið góður kostur, ekki alltaf fjárhagslegt svigrúm til að greiða fyrir nám sem gerir það að verkum að þessir einstaklingar hafa ekki sömu tækifæri og aðrir á meðan þeir falla innan þessara aldursviðmiða mótframlags. Eins er hreinlega ekki tónlistarnám í boði innan allra byggðarlaga og þeir einstaklingar hafa því ekki einu sinni kost á að hefja sitt nám snemma á lífsleiðinni. Dæmi eru líka um að börn stundi tónlistarnám snemma á lífsleiðinni en taki síðan hlé vegna annars náms (Menntaskóla, Háskóla) en hafi áhuga á að taka upp þráðinn seinna meir, ef þau falla þá utan aldursviðmiða er það ansi mikil hindrun fyrir að klára námið. Ekki má gleyma því að í einhverjum tilfellum eru einstaklingar sem þurfa að taka hlé á sínu tónlistarnámi eða fresta námi vegna barneigna, sérstaklega þegar fólk eignast börn snemma, langoftast konur. Þessir einstaklingar hafa oft á tíðum ekki fjárhagslegan stöðugleika og/eða svigrúm til að stunda tónlistarnám á meðan börnin eru lítil. Varðandi söngnám þá er líka mikilvægt að taka fram að raddir, þá sérstaklega karlaraddir þroskast oft ekki fyrr en seinna á lífsleiðinni, jafnvel ekki fyrr en á þrítugs- eða fertugsaldri. Ætlum við að útiloka þann hóp? Ekki allir ná sínu „peak“ fyrir 26 ára aldur, sem dæmi þá urðu eftirfarandi tónlistarmenn ekki frægir fyrr en eftir fertugt: Willie Nelson, Bonnie Raitt, Thelonius Monk, Sia og Louis Armstrong… Tónlist treystir stoðir samfélaga Samfélög þrífast best þegar tengsl myndast í gegnum sameiginlega reynslu. Tónlist hefur þann einstaka hæfileika að skapa slík tengsl, hún sameinar fólk og ýtir undir tilfinningu fyrir samheldni og því að tilheyra. Tónlist gegnir einnig lykilhlutverki í menningarlegri varðveislu og hjálpar samfélögum að viðhalda og fagna arfleifð sinni. Tónlist er hluti af hagkerfinu Öflugt vistkerfi tónlistarnáms getur stuðlað að öflugu menningar- og efnahagslegu landslagi. Það hlúir að þróun listamanna, flytjenda og kennara í framtíðinni, skapar hringrás hæfileika sem styður staðbundinn og alþjóðlegan tónlistariðnað. Tónleikar, sýningar og tónlistartengdir viðburðir laða einnig að ferðaþjónustu, eflir staðbundið hagkerfi og stuðlar að menningarskiptum. Fyrir nokkrum árum var talsverð vinna lögð í kortlagningu skapandi greina, m.a. var gerð rannsókn á hagrænum áhrifum þeirra út frá gögnum Fjársýslu ríkisins, Hagstofu Íslands og Sambands íslenskra sveitarfélaga sem leiddi í ljós að árleg velta greinanna (ath. skapandi greinar í heild, ekki eingöngu tónlist) nemur um 190 milljörðum króna og að þær skapa um 10.000 störf. Að auki má nefna að virðisaukaskattskyld velta tengd skapandi greinum er meiri en t.d. byggingariðnaðurinn skilar og er á pari við álframleiðsluna! Þessi peningur fer sem sagt beint inn í hagkerfið. Styrkir sveitarfélaga og ríkisins til tónlistarnáms eru fjárfesting til nútíðar og framtíðar samfélagsins. Með því að styðja tónlistarnám eru stjórnvöld að styrkja einstaklinga til að þróa mikilvæga færni sem nær út fyrir tónlistina sjálfa. Þessi fjárfesting skilar arði í formi menningarlega auðgaðs og efnahagslega lifandi samfélags. Lokaorð Tónlistin er afl sem sameinar fólk, fer yfir landamæri og auðgar líf þvert á aldur. Tónlistarnám stuðlar ekki aðeins að skapandi tjáningu og vitsmunalegum vexti heldur stuðlar einnig að einingu samfélagsins og styður andlega og tilfinningalega vellíðan samfélagsins í heild. Stjórnvöld gegna lykilhlutverki í að tryggja aðgang að tónlistarnámi fyrir öll og þurfa að gera sér grein fyrir djúpstæðum áhrifum þess á einstaklinga og samfélagið í heild. Með því að fjárfesta í tónlistarnámi þvert á aldur fjárfesta stjórnvöld í samfelldri framtíð þar sem umbreytandi kraftur tónlistar heldur áfram að dafna og auðga lífið og hagkerfið. Höfundur er fulltrúi eldri nemenda í tónlistarnámi, hjúkrunar- og lýðheilsufræðingur og söngnemandi í Tónlistarskóla FÍH. Viltu birta grein á Vísi? Sendu okkur póst. Senda grein Tónlistarnám Tónlist Skóla - og menntamál Mest lesið 76 dagar Erlingur Sigvaldason Skoðun Hunsuðu menntamálin – en ætla nú að bjarga þeim Sigurður Kári Harðarson Skoðun Húsnæðisbæturnar sem hurfu Ragnar Sigurður Kristjánsson Skoðun Sporin þín Valtýr Soffía Sigurðardóttir Skoðun Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun Er kominn tími til að láta endurmeta brunabótamatið á þínu húsnæði? Heiðrún Jónsdóttir Skoðun Hjartans mál í kennslu Sigurður Árni Reynisson Skoðun Í minningu körfuboltahetja Snæbjörn Guðmundsson Skoðun Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson Skoðun Skýr stefna um málfrelsi Róbert H. Haraldsson Skoðun Skoðun Skoðun Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson skrifar Skoðun Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson skrifar Skoðun 76 dagar Erlingur Sigvaldason skrifar Skoðun Í minningu körfuboltahetja Snæbjörn Guðmundsson skrifar Skoðun Er kominn tími til að láta endurmeta brunabótamatið á þínu húsnæði? Heiðrún Jónsdóttir skrifar Skoðun Húsnæðisbæturnar sem hurfu Ragnar Sigurður Kristjánsson skrifar Skoðun Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir skrifar Skoðun Hjartans mál í kennslu Sigurður Árni Reynisson skrifar Skoðun Hunsuðu menntamálin – en ætla nú að bjarga þeim Sigurður Kári Harðarson skrifar Skoðun Sporin þín Valtýr Soffía Sigurðardóttir skrifar Skoðun Að saga rótina undan trénu og halda að stofninn vaxi hraðar: hugleiðing um tillögur Viðskiptaráðs Birgir Orri Ásgrímsson skrifar Skoðun Mikilvægi aðgengis og algildrar hönnunar að byggingum í dag og til framtíðar Þuríður Harpa Sigurðardóttir skrifar Skoðun Sjallar og lyklaborðið Sigfús Ómar Höskuldsson skrifar Skoðun Fimm af tíu veitingastöðum hættu með hvalkjöt Valgerður Árnadóttir,Stefán Yngvi Pétursson,Rósa Líf Darradóttir,Anahita S. Babaei skrifar Skoðun „Stóra fallega frumvarpið“ hans Trump Gunnar Alexander Ólafsson skrifar Skoðun Verndun vatns og stjórn vatnamála Ólafur Arnar Jónsson,Sigurður Guðjónsson skrifar Skoðun Gegn hernaði hvers konar Gunnar Björgvinsson skrifar Skoðun Hvers vegna sífellt fleiri sækjast eftir einveru Ingrid Kuhlman skrifar Skoðun Þriggja stiga þögn Bjarni Karlsson skrifar Skoðun Nú þarf að gyrða sig í brók Gunnlaugur Stefánsson skrifar Skoðun Lesblindir og stuðningur í skólum Snævar Ívarsson skrifar Skoðun Skóli án aðgreiningar – fallegt orðalag en brotakennd framkvæmd Sóldís Birta Reynisdóttir skrifar Skoðun Rýnt í stöðu kvenna með örorkulífeyri Huld Magnúsdóttir skrifar Skoðun Brot sem fyrnast í höndum lögreglu – hversu mörg í viðbót? Þórhildur Gyða Arnarsdóttir skrifar Skoðun Olíuleit á Drekasvæði - tilvistarleit Halldór Reynisson skrifar Skoðun Kosningar í september Guðveig Lind Eyglóardóttir skrifar Skoðun Þegar orkuöflun er sett á ís - dæmið frá Suður-Afríku Hallgrímur Óskarsson skrifar Skoðun Framtíð nemenda í Kópavogi í fyrsta sæti Halla Björg Evans skrifar Skoðun Skýr stefna um málfrelsi Róbert H. Haraldsson skrifar Skoðun Heilsufarsmat á vinnustöðum: Góð fjárfesting í heilbrigði og vellíðan starfsfólks Gígja Valgerður Harðardóttir skrifar Sjá meira
Oft er vísað til tónlistar sem alheimstungumáls. Tónlist hefur þann ótrúlega hæfileika að hún spyr ekki um aldur og gengur þvert á menningarlegar hindranir og landamæri. Áhrif tónlistar ná langt út fyrir eingöngu skemmtanagildið, tónlist auðgar lífið, hefur sameiningarkraft og eflir samfélagsvitund svo ekki sé talað um hagrænan ávinning. Ávinningur tónlistar og tónlistarnáms er óumdeilanlegur. Í ljósi umræðunnar í samfélaginu og breytinga á greiðsluþátttöku stjórnvalda í tónlistarnámi fullorðinna finn ég mig knúna til að setja nokkur orð niður á blað. Hvernig væri lífið án tónlistar? Ég hugsa að flestir séu sammála því að án tónlistar þá væri heimurinn ekki sá sami. Þó ekki nema brot af mannkyninu starfi við tónlist þá spilar tónlist samt sem áður stóran þátt í lífi okkar flestra. Án tónlistar þá væri furðulegt að fara út að skemmta sér, við myndum ekki syngja, færum ekki á tónleika, hljóðheimur kvikmynda væri mjög frábrugðinn því sem við þekkjum, engin tónlist í kirkjutengdum athöfnum og svo mætti lengi telja. Ávinningur tónlistar og tónlistarnáms Tónlistarnám hefur ekki eingöngu það hlutverk að auka færni einstaklinga til að spila á hljóðfæri eða nota söngröddina sína, tónlistarnám nærir sköpunargáfu, eykur vitsmunaþroska, tjáningu og samvinnu til að nefna aðeins brotabrot af þeim jákvæðu áhrifum sem tónlist og tónlistarnám hefur. Ávinninginn sem fæst af tónlistarnámi má auðveldlega yfirfæra á önnur svið og hafa rannsóknir ítrekað sýnt fram á að tónlistarnám hefur jákvæð áhrif á námsgetu á öðrum sviðum. Tónlistarnám fyrir börn er mikið rannsakað efni, tónlist örvar heilavöxt, hefur jákvæð áhrif á þróun vitsmuna-, tilfinninga- og félagsþroska. Tónlistarnám eykur minni og ýtir undir þróun ýmissar færni, s.s. lausnamiðaðrar hugsunar. En ávinningurinn er ekki eingöngu bundinn börnum. Ávinningur fyrir fullorðna er einnig mikill. Einn mest rannsakaði þátturinn eru mótverkandi áhrif tónlistar á streitu, en streita er í dag einn helsti orsakavaldur kulnunar og örmögnunar með tilheyrandi kostnaði fyrir einstaklinginn og samfélagið. Fyrir aldraða hafa rannsóknir sýnt fram á að tónlistarnám og/eða tónlistarmeðferð geti unnið gegn einangrunartilfinningu, aukið vitræna virkni sem og stuðlað að auknum lífsgæðum. Tónlistarnám – Fyrir öll? Nýlegasta útspil stjórnvalda er hrein og klár mismunun á svo margan hátt. Með því að setja þessi nýju viðmið mótframlagsins út frá aldri þá sitjum við ekki öll við sama borð. Það má að sjálfsögðu færa rök fyrir því að eldra fólk ætti að öllum líkindum að hafa efni á að greiða fyrir sitt nám án aðkomu stjórnvalda í formi mótframlags EN þetta er ekki svona einfalt! Ekki öll börn fæðast inn í fjölskyldu þar sem tónlistarnám er hreinlega í boði, námið er mögulega ekki álitið góður kostur, ekki alltaf fjárhagslegt svigrúm til að greiða fyrir nám sem gerir það að verkum að þessir einstaklingar hafa ekki sömu tækifæri og aðrir á meðan þeir falla innan þessara aldursviðmiða mótframlags. Eins er hreinlega ekki tónlistarnám í boði innan allra byggðarlaga og þeir einstaklingar hafa því ekki einu sinni kost á að hefja sitt nám snemma á lífsleiðinni. Dæmi eru líka um að börn stundi tónlistarnám snemma á lífsleiðinni en taki síðan hlé vegna annars náms (Menntaskóla, Háskóla) en hafi áhuga á að taka upp þráðinn seinna meir, ef þau falla þá utan aldursviðmiða er það ansi mikil hindrun fyrir að klára námið. Ekki má gleyma því að í einhverjum tilfellum eru einstaklingar sem þurfa að taka hlé á sínu tónlistarnámi eða fresta námi vegna barneigna, sérstaklega þegar fólk eignast börn snemma, langoftast konur. Þessir einstaklingar hafa oft á tíðum ekki fjárhagslegan stöðugleika og/eða svigrúm til að stunda tónlistarnám á meðan börnin eru lítil. Varðandi söngnám þá er líka mikilvægt að taka fram að raddir, þá sérstaklega karlaraddir þroskast oft ekki fyrr en seinna á lífsleiðinni, jafnvel ekki fyrr en á þrítugs- eða fertugsaldri. Ætlum við að útiloka þann hóp? Ekki allir ná sínu „peak“ fyrir 26 ára aldur, sem dæmi þá urðu eftirfarandi tónlistarmenn ekki frægir fyrr en eftir fertugt: Willie Nelson, Bonnie Raitt, Thelonius Monk, Sia og Louis Armstrong… Tónlist treystir stoðir samfélaga Samfélög þrífast best þegar tengsl myndast í gegnum sameiginlega reynslu. Tónlist hefur þann einstaka hæfileika að skapa slík tengsl, hún sameinar fólk og ýtir undir tilfinningu fyrir samheldni og því að tilheyra. Tónlist gegnir einnig lykilhlutverki í menningarlegri varðveislu og hjálpar samfélögum að viðhalda og fagna arfleifð sinni. Tónlist er hluti af hagkerfinu Öflugt vistkerfi tónlistarnáms getur stuðlað að öflugu menningar- og efnahagslegu landslagi. Það hlúir að þróun listamanna, flytjenda og kennara í framtíðinni, skapar hringrás hæfileika sem styður staðbundinn og alþjóðlegan tónlistariðnað. Tónleikar, sýningar og tónlistartengdir viðburðir laða einnig að ferðaþjónustu, eflir staðbundið hagkerfi og stuðlar að menningarskiptum. Fyrir nokkrum árum var talsverð vinna lögð í kortlagningu skapandi greina, m.a. var gerð rannsókn á hagrænum áhrifum þeirra út frá gögnum Fjársýslu ríkisins, Hagstofu Íslands og Sambands íslenskra sveitarfélaga sem leiddi í ljós að árleg velta greinanna (ath. skapandi greinar í heild, ekki eingöngu tónlist) nemur um 190 milljörðum króna og að þær skapa um 10.000 störf. Að auki má nefna að virðisaukaskattskyld velta tengd skapandi greinum er meiri en t.d. byggingariðnaðurinn skilar og er á pari við álframleiðsluna! Þessi peningur fer sem sagt beint inn í hagkerfið. Styrkir sveitarfélaga og ríkisins til tónlistarnáms eru fjárfesting til nútíðar og framtíðar samfélagsins. Með því að styðja tónlistarnám eru stjórnvöld að styrkja einstaklinga til að þróa mikilvæga færni sem nær út fyrir tónlistina sjálfa. Þessi fjárfesting skilar arði í formi menningarlega auðgaðs og efnahagslega lifandi samfélags. Lokaorð Tónlistin er afl sem sameinar fólk, fer yfir landamæri og auðgar líf þvert á aldur. Tónlistarnám stuðlar ekki aðeins að skapandi tjáningu og vitsmunalegum vexti heldur stuðlar einnig að einingu samfélagsins og styður andlega og tilfinningalega vellíðan samfélagsins í heild. Stjórnvöld gegna lykilhlutverki í að tryggja aðgang að tónlistarnámi fyrir öll og þurfa að gera sér grein fyrir djúpstæðum áhrifum þess á einstaklinga og samfélagið í heild. Með því að fjárfesta í tónlistarnámi þvert á aldur fjárfesta stjórnvöld í samfelldri framtíð þar sem umbreytandi kraftur tónlistar heldur áfram að dafna og auðga lífið og hagkerfið. Höfundur er fulltrúi eldri nemenda í tónlistarnámi, hjúkrunar- og lýðheilsufræðingur og söngnemandi í Tónlistarskóla FÍH.
Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun
Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson Skoðun
Skoðun Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson skrifar
Skoðun Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson skrifar
Skoðun Er kominn tími til að láta endurmeta brunabótamatið á þínu húsnæði? Heiðrún Jónsdóttir skrifar
Skoðun Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir skrifar
Skoðun Að saga rótina undan trénu og halda að stofninn vaxi hraðar: hugleiðing um tillögur Viðskiptaráðs Birgir Orri Ásgrímsson skrifar
Skoðun Mikilvægi aðgengis og algildrar hönnunar að byggingum í dag og til framtíðar Þuríður Harpa Sigurðardóttir skrifar
Skoðun Fimm af tíu veitingastöðum hættu með hvalkjöt Valgerður Árnadóttir,Stefán Yngvi Pétursson,Rósa Líf Darradóttir,Anahita S. Babaei skrifar
Skoðun Skóli án aðgreiningar – fallegt orðalag en brotakennd framkvæmd Sóldís Birta Reynisdóttir skrifar
Skoðun Brot sem fyrnast í höndum lögreglu – hversu mörg í viðbót? Þórhildur Gyða Arnarsdóttir skrifar
Skoðun Heilsufarsmat á vinnustöðum: Góð fjárfesting í heilbrigði og vellíðan starfsfólks Gígja Valgerður Harðardóttir skrifar
Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun
Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson Skoðun