Vogamenn búa sig undir eldgos í sínu sveitarfélagi Kristján Már Unnarsson skrifar 7. júlí 2023 10:10 Gunnar Axel Axelsson er bæjarstjóri Voga. Fyrir aftan sést í Keili en svæðið þar hægra megin er talið vera líklegasti gosstaðurinn. Sigurjón Ólason Ráðamenn Voga á Vatnsleysuströnd eru viðbúnir því að eldgos gæti brotist upp í þeirra sveitarfélagi. Miðað við mat jarðvísindamanna á kvikuganginum, sem veldur jarðskjálftunum á Reykjanesi, gæti hann náð yfirborði þar sem landi hallar í átt að Faxaflóa. „Þetta er ekkert mjög langur gangur, hann liggur frá Fagradalsfjalli og að Keili. Þetta eru nokkrir kílómetrar. Hvar sem er á þeirri línu gæti hann náð yfirborði, það er langlíklegast að hann geri það,“ segir Páll Einarsson jarðeðlisfræðingur en í fréttum Stöðvar 2 mátti sjá hvernig landslagið er á líklegum gosstað. „Skjálftavirknin hefur verið mest alveg nyrst, alveg við Keili. Ef til vill er það líklegasti staðurinn. En það eru aðrir staðir kannski allt eins líklegir á þessari línu,“ segir hann. Páll Einarsson jarðeðlisfræðingur.Sigurjón Ólason „Þetta er eins langt frá öllum innviðum eins og hægt er að vera á Reykjanesskaga. Þetta eru heppilegustu gosstöðvar sem hægt er að ímynda sér miðað við það að þetta gæti leitt til goss á Reykjanesskaga. Það er langt í alla innviði, það er langt á Reykjanesbraut, Grindavíkurveg og Suðurstrandarveg,“ segir Páll. „Þetta er dálítið sérstakt landslag þarna, þetta er tiltölulega flatt, liggur hátt. Þetta er svona háslétta milli Keilis og Fagradalsfjalls og ekki mikið landslag. Þannig að þarna getur runnið talsvert hraun í raun og veru áður en það fer að renna mikið í allar áttir. Horft til norðausturs í átt að Keili í gær. Vinstra megin við hann sést í Litla-Keili. Ofarlega fyrir miðri mynd er Litlihrútur.RAX En hvert það rennur? Það gæti runnið til norðurs, það gæti runnið til vesturs, það gæti runnið til austurs og suðurs. Það gæti jafnvel runnið ofan í Meradali, beint ofan á hraunið sem þar er fyrir. Þetta er nánast ómögulegt að segja fyrir fram fyrr heldur en gosstöðin sýnir sig, ef hún gerir það,“ segir jarðeðlisfræðingurinn. Öll athyglin í fyrstu tveimur gosunum var á Grindavík enda komu eldgosin upp í lögsagnarumdæmi Grindavíkurbæjar. En ef jarðeldurinn brýst upp á svæðinu milli Keilis og Fagradalsfjalls gæti það þýtt eldgos í öðru sveitarfélagi, Vogum á Vatnsleysuströnd, en mörk sveitarfélaganna liggja á milli Keilis og Fagradalsfjalls. Nýjasta hraunið sem kom upp í Meradölum í fyrra fyrir miðri mynd. Horft í átt til Keilis.RAX „Við höfum auðvitað verið að undirbúa okkur og erum komin í æfingu, eins og öll sveitarfélögin hér á svæðinu, enda vinnum við þétt saman,“ segir Gunnar Axel Axelsson, bæjarstjóri Sveitarfélagsins Voga. „Það skiptir kannski ekki öllu máli nákvæmlega hvar, og ef gos kemur upp, innan hvaða sveitarfélagamarka. Viðbragðið er hið sama og hér vinna allir viðbragðsaðilar þétt saman.“ -En hver yrði helsta ógnin af slíku gosi og hraunrennsli frá þessum stað? „Athyglin beinist fyrst og fremst að innviðum, að reyna að trygga það að þessir grunninnviðir standi og raskist ekki, flutningskerfi raforku og auðvitað vegasamgöngur,“ segir bæjarstjórinn en tekur fram að ekki sé talið að byggðinni stafi sérstök hætta af eldgosi þar. Keilir séður úr austri. Fagradalsfjall til vinstri. Hægra megin sést í byggðina á Suðurnesjum. Hér má sjá hvernig landinu tekur að halla í átt að Faxaflóa og Reykjanesbraut.RAX En hvað ef hraun rynni að eða yfir Reykjanesbraut? „Þessar sviðsmyndir hafa auðvitað allar verið teiknaðar upp og þetta svæði hefur verið mjög vel rannsakað, ekki síst í tengslum við lagningu Suðurnesjalínu 2. Þannig að við búum að mjög ítarlegum rannsóknum,“ segir Gunnar Axel en bendir jafnframt á að vísindamenn telji ólíklegt að þetta geti gerst. „En viðbragðið og áætlanir gera ráð fyrir að mæta slíkum aðstæðum ef þær koma upp,“ segir bæjarstjórinn í Vogum. Nánar í frétt Stöðvar 2: Hér má sjá ítarlegra viðtal við Pál Einarsson: Bein útsending Vísis frá svæðinu er hér: Eldgos í Fagradalsfjalli Eldgos og jarðhræringar Vogar Grindavík Tengdar fréttir Gæti gosið hvenær sem er Um 6.500 jarðskjálftar hafa nú mælst á svæðinu á milli Fagradalsfjalls og Keilis frá því að yfirstandandi hrina hófst. Fimmtán skjálftar voru yfir fjórir að stærð og tugir yfir þremur. 7. júlí 2023 06:47 Mest lesið „Mér finnst þeir vera að taka frá mér lífið“ Innlent Óljóst hvort Kínverjarnir geti sótt vélina sína Innlent Nafngreina árásarmanninn í Manchester Erlent Rauk upp úr flugvél Jet2 Innlent Loka leikskóladeild á Stöðvarfirði vegna manneklu Innlent Föst á Spáni næstu mánuði vegna meðgöngukvilla Innlent Refsing fyrir að reyna að myrða lækni þyngd Innlent Ragnhildur tekur við Kveik Innlent Eðlilegt að Ísland skoði að taka þátt Innlent Segist eiga í vopnuðum átökum við eiturlyfjasmyglara Erlent Fleiri fréttir Segja falda launauppbót hjá níu af tíu stofnunum ríkisins Óljóst hvort Kínverjarnir geti sótt vélina sína „Mér finnst þeir vera að taka frá mér lífið“ Rauk upp úr flugvél Jet2 Loka leikskóladeild á Stöðvarfirði vegna manneklu Nýjar tillögur falli á herðar vinnandi foreldra Eðlilegt að Ísland skoði að taka þátt Til umræðu að setja upp lokunarpósta við Fossvogsbrú Ragnhildur tekur við Kveik Blæs á sögusagnir um úthugsaða fléttu og ótti við að enda rúmliggjandi Vilja að fallið verði frá hækkun áfengisskatta „Þetta er auðvitað allt of lítið úrtak til að vera marktækt“ Refsing fyrir að reyna að myrða lækni þyngd Miklar breytingar á gjaldskrá leikskóla borgarinnar Nýr stjóri Icelandair vildi bara Airbus þegar hann stýrði Play Föst á Spáni næstu mánuði vegna meðgöngukvilla Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Hátt spennustig um borð eftir að ísraelski sjóherinn hóf handtökur Bein útsending: Opnunarmálstofa Menntakviku - Kennaramenntun í deiglunni Hraðamyndavélar settar upp við Þingvelli Hjóla í forseta ASÍ og segja hann afvegaleiða umræðuna Býður sig fram til áframhaldandi formennsku Þúsundir barna bíða og listarnir lengjast POTS-samtök fá lögfræðing í málið: „Margir eru rúmliggjandi í dag“ Sveitarstjóri Mýrdalshrepps vill verða ritari Frelsisflotinn stöðvaður og árás á bænahús gyðinga í Manchester Styttist í lok rannsóknar Rúmlega þrjátíu skjálftar á Vesturlandi „Brotamenn eru nú ekki oft miklir borgunarmenn“ Heimila gjaldtöku vegna fjarheilbrigðisþjónustu og útkalls án flutnings Sjá meira
„Þetta er ekkert mjög langur gangur, hann liggur frá Fagradalsfjalli og að Keili. Þetta eru nokkrir kílómetrar. Hvar sem er á þeirri línu gæti hann náð yfirborði, það er langlíklegast að hann geri það,“ segir Páll Einarsson jarðeðlisfræðingur en í fréttum Stöðvar 2 mátti sjá hvernig landslagið er á líklegum gosstað. „Skjálftavirknin hefur verið mest alveg nyrst, alveg við Keili. Ef til vill er það líklegasti staðurinn. En það eru aðrir staðir kannski allt eins líklegir á þessari línu,“ segir hann. Páll Einarsson jarðeðlisfræðingur.Sigurjón Ólason „Þetta er eins langt frá öllum innviðum eins og hægt er að vera á Reykjanesskaga. Þetta eru heppilegustu gosstöðvar sem hægt er að ímynda sér miðað við það að þetta gæti leitt til goss á Reykjanesskaga. Það er langt í alla innviði, það er langt á Reykjanesbraut, Grindavíkurveg og Suðurstrandarveg,“ segir Páll. „Þetta er dálítið sérstakt landslag þarna, þetta er tiltölulega flatt, liggur hátt. Þetta er svona háslétta milli Keilis og Fagradalsfjalls og ekki mikið landslag. Þannig að þarna getur runnið talsvert hraun í raun og veru áður en það fer að renna mikið í allar áttir. Horft til norðausturs í átt að Keili í gær. Vinstra megin við hann sést í Litla-Keili. Ofarlega fyrir miðri mynd er Litlihrútur.RAX En hvert það rennur? Það gæti runnið til norðurs, það gæti runnið til vesturs, það gæti runnið til austurs og suðurs. Það gæti jafnvel runnið ofan í Meradali, beint ofan á hraunið sem þar er fyrir. Þetta er nánast ómögulegt að segja fyrir fram fyrr heldur en gosstöðin sýnir sig, ef hún gerir það,“ segir jarðeðlisfræðingurinn. Öll athyglin í fyrstu tveimur gosunum var á Grindavík enda komu eldgosin upp í lögsagnarumdæmi Grindavíkurbæjar. En ef jarðeldurinn brýst upp á svæðinu milli Keilis og Fagradalsfjalls gæti það þýtt eldgos í öðru sveitarfélagi, Vogum á Vatnsleysuströnd, en mörk sveitarfélaganna liggja á milli Keilis og Fagradalsfjalls. Nýjasta hraunið sem kom upp í Meradölum í fyrra fyrir miðri mynd. Horft í átt til Keilis.RAX „Við höfum auðvitað verið að undirbúa okkur og erum komin í æfingu, eins og öll sveitarfélögin hér á svæðinu, enda vinnum við þétt saman,“ segir Gunnar Axel Axelsson, bæjarstjóri Sveitarfélagsins Voga. „Það skiptir kannski ekki öllu máli nákvæmlega hvar, og ef gos kemur upp, innan hvaða sveitarfélagamarka. Viðbragðið er hið sama og hér vinna allir viðbragðsaðilar þétt saman.“ -En hver yrði helsta ógnin af slíku gosi og hraunrennsli frá þessum stað? „Athyglin beinist fyrst og fremst að innviðum, að reyna að trygga það að þessir grunninnviðir standi og raskist ekki, flutningskerfi raforku og auðvitað vegasamgöngur,“ segir bæjarstjórinn en tekur fram að ekki sé talið að byggðinni stafi sérstök hætta af eldgosi þar. Keilir séður úr austri. Fagradalsfjall til vinstri. Hægra megin sést í byggðina á Suðurnesjum. Hér má sjá hvernig landinu tekur að halla í átt að Faxaflóa og Reykjanesbraut.RAX En hvað ef hraun rynni að eða yfir Reykjanesbraut? „Þessar sviðsmyndir hafa auðvitað allar verið teiknaðar upp og þetta svæði hefur verið mjög vel rannsakað, ekki síst í tengslum við lagningu Suðurnesjalínu 2. Þannig að við búum að mjög ítarlegum rannsóknum,“ segir Gunnar Axel en bendir jafnframt á að vísindamenn telji ólíklegt að þetta geti gerst. „En viðbragðið og áætlanir gera ráð fyrir að mæta slíkum aðstæðum ef þær koma upp,“ segir bæjarstjórinn í Vogum. Nánar í frétt Stöðvar 2: Hér má sjá ítarlegra viðtal við Pál Einarsson: Bein útsending Vísis frá svæðinu er hér:
Eldgos í Fagradalsfjalli Eldgos og jarðhræringar Vogar Grindavík Tengdar fréttir Gæti gosið hvenær sem er Um 6.500 jarðskjálftar hafa nú mælst á svæðinu á milli Fagradalsfjalls og Keilis frá því að yfirstandandi hrina hófst. Fimmtán skjálftar voru yfir fjórir að stærð og tugir yfir þremur. 7. júlí 2023 06:47 Mest lesið „Mér finnst þeir vera að taka frá mér lífið“ Innlent Óljóst hvort Kínverjarnir geti sótt vélina sína Innlent Nafngreina árásarmanninn í Manchester Erlent Rauk upp úr flugvél Jet2 Innlent Loka leikskóladeild á Stöðvarfirði vegna manneklu Innlent Föst á Spáni næstu mánuði vegna meðgöngukvilla Innlent Refsing fyrir að reyna að myrða lækni þyngd Innlent Ragnhildur tekur við Kveik Innlent Eðlilegt að Ísland skoði að taka þátt Innlent Segist eiga í vopnuðum átökum við eiturlyfjasmyglara Erlent Fleiri fréttir Segja falda launauppbót hjá níu af tíu stofnunum ríkisins Óljóst hvort Kínverjarnir geti sótt vélina sína „Mér finnst þeir vera að taka frá mér lífið“ Rauk upp úr flugvél Jet2 Loka leikskóladeild á Stöðvarfirði vegna manneklu Nýjar tillögur falli á herðar vinnandi foreldra Eðlilegt að Ísland skoði að taka þátt Til umræðu að setja upp lokunarpósta við Fossvogsbrú Ragnhildur tekur við Kveik Blæs á sögusagnir um úthugsaða fléttu og ótti við að enda rúmliggjandi Vilja að fallið verði frá hækkun áfengisskatta „Þetta er auðvitað allt of lítið úrtak til að vera marktækt“ Refsing fyrir að reyna að myrða lækni þyngd Miklar breytingar á gjaldskrá leikskóla borgarinnar Nýr stjóri Icelandair vildi bara Airbus þegar hann stýrði Play Föst á Spáni næstu mánuði vegna meðgöngukvilla Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Hátt spennustig um borð eftir að ísraelski sjóherinn hóf handtökur Bein útsending: Opnunarmálstofa Menntakviku - Kennaramenntun í deiglunni Hraðamyndavélar settar upp við Þingvelli Hjóla í forseta ASÍ og segja hann afvegaleiða umræðuna Býður sig fram til áframhaldandi formennsku Þúsundir barna bíða og listarnir lengjast POTS-samtök fá lögfræðing í málið: „Margir eru rúmliggjandi í dag“ Sveitarstjóri Mýrdalshrepps vill verða ritari Frelsisflotinn stöðvaður og árás á bænahús gyðinga í Manchester Styttist í lok rannsóknar Rúmlega þrjátíu skjálftar á Vesturlandi „Brotamenn eru nú ekki oft miklir borgunarmenn“ Heimila gjaldtöku vegna fjarheilbrigðisþjónustu og útkalls án flutnings Sjá meira
Gæti gosið hvenær sem er Um 6.500 jarðskjálftar hafa nú mælst á svæðinu á milli Fagradalsfjalls og Keilis frá því að yfirstandandi hrina hófst. Fimmtán skjálftar voru yfir fjórir að stærð og tugir yfir þremur. 7. júlí 2023 06:47
Óánægja með Kópavogsmódelið: Foreldrar upplifa samviskubit, aukið álag og stöðuga tímapressu