Málningarvörur í Lágmúla í Reykjavík bjóða upp á mjög gott úrval af ýmis konar bónvörum og öðrum hreinsivörum fyrir bíla. „Það er nauðsynlegt að bóna bílinn reglulega til að vernda lakkið og halda þar með verðgildi bílsins. Utan þess að bíllinn verður auðvitað miklu fallegri fyrir vikið,“ segir Karl Jónsson, eigandi og framkvæmdastjóri Málningarvara. „Í verslun okkar í Lágmúla seljum við gott úrval af bóni og bónvörum en þar sem við erum heildsalar fást þessar vörur víða, til dæmis í BYKO og hjá Toyota.“
Málningarvörur eru vefverslun vikunnar á Vísi.
Helstu vörumerki Málningarvara þegar kemur að bónvörum eru Meguiar’s og Xpert-60 segir Karl. „Bónvörurnar frá Meguiar’s og Xpert-60 eru úrvals vörur sem við höfum selt hér á landi í langan tíma við góðar undirtektir. Starfsfólk okkar hefur sérstaklega mikla reynslu af þessum vörum enda leita margir hingað eftir ráðgjöf sem þeir fá ekki annars staðar, sérstaklega eftir að hefðbundnar bensínstöðvar fóru að týna tölunni. Hjá okkur má líka finna gott úrval af alls kyns hreinsiefnum til að nota að innan og utan á bíla auk kústa, þvottahanska, þurkklúta, felgubursta og margt fleira.“
Í vefverslun Málningarvara má finna nær allar þær vörur sem verslunin býður upp á. „Velta þar hefur aukist jafnt og þétt undanfarin ár og tók sérstaklega góðan kipp í Covid,“ segir Karl. „Vefverslunin nýtist vel fólki sem býr út á landi en þar er hægt að skoða upplýsingar um vörurnar, ganga frá kaupum og velja hvort varan sé sótt til okkar eða send heim til viðkomandi. Viðskiptavinir okkar eru líka duglegir að senda inn fyrirspurnir þar til okkar sem okkar góða starfsfólk svarar fljótt og örugglega.“
Utan úrvals bónvara blanda starfsmenn Málningarvara líka lakk fyrir bifreiðar. „Það kemur sér vel þegar um smærri rispur og grjótkast er að ræða. Svona litlar rispur kannast flestir við en þær enda á því að ryðga yfir tíð og tíma. Sem endar í kostnaðarsömum viðgerðum á verkstæði. Þá er hægt að koma hingað og fá rétta litinn og vörur sem þarf til að leysa málið,“ segir Karl.
Málningarvörur er rótgróið fyrirtæki sem byggir á áratuga reynslu og gömlum merg. Fyrirtækið var lengi vel hluti af fyrirtækinu Gísli Jónsson og Co. en varð að sjálfstæðu fyrirtæki árið 2006. Síðan þá hafa Málningarvörur verið leiðandi hérlendis þegar kemur að bílahreinsivörum og bóni fyrir einstaklinga og bónstöðvar auk þess að bjóða upp á úrvals vörur og tækniþjónustu fyrir réttingar- og sprautuverkstæði.
Nánari upplýsingar á malningarvorur.is.
