Ja Morant dæmdur í 25 leikja bann

Í marsmánuði fékk Morant átta leikja bann en snéri aftur á völlinn 22. mars og kláraði tímabilið án mikilla hnökra. Morant þykir einn af öflugustu skorurum deildarinnar, en hann varð 11. stigahæsti leikmaður tímabilsins, með 25,4 stig að meðaltali í leik.

Meðferð skotvopna á óábyrgan hátt er þó ekki það eina sem hefur komið Morant í klandur, en hann er einnig sakaður um að hafa kýlt 17 ára dreng ítrekað á heimili sínu þegar þeir spiluðu saman körfubolta. Morant bar við sjálfsvörn í yfirheyrslum hjá lögreglu og sagði að drengurinn hafi hótað að kveikja í heimili hans. 

Þá voru Morant og vinir hans sakaður um að beina laser á liðsrútu Indiana Pacers í vor og síðasta sumar var hann einnig sakaður um að hóta öryggisverði í verslunarmiðstöð. Áttu þeir í samskiptum á bílastæði fyrir utan verslunarmiðstöðina og sá vörðurinn ástæðu til að tilkynnta Morant til lögreglu í kjölfarið.

Adam Silver, framkvæmdastjóri NBA deildarinnar, sagði í yfirlýsingu sinni að Morant yrði að hætta þessari hegðun sinni, þ.e. að sýna byssur á óábyrgan hátt á samfélagsmiðlum. Hann sagðist hafa áhyggjur af því fordæmi sem Morant sýndi með þessari hegðun, þar sem að mörg ungmenni líta upp til leikmanna deildarinnar.

„Miðað við þessar aðstæður, þá teljum við að 25 leikja bann sé réttlát niðurstaða og undirstriki að kærulaus og óábyrgð hegðun í garð skotvopna verði ekki liðin af deildinni.“ - sagði Silver í yfirlýsingu sinni.

Morant myndi undir venjulegum kringumstæðum þéna 33,5 milljónir á næsta tímabili en fyrir hvern leik sem bannið nær til skerðast þær tekjur um rúma 300.000 dollara, eða 7,5 milljónir alls. Það er um milljarður í íslenskum krónum á gengi dagsins í dag.