Nítján ára hlaupapar kom, sá og sigraði með yfirburðum í Hengill Ultra Hjörtur Leó Guðjónsson skrifar 13. júní 2023 09:31 Sölvi og Dalrós komu langfyrst í mark í 106 kílómetra hlaupi í Salomon Hengill Ultra Trail hlaupakeppninni um helgina. Facebook/Sigríður Erlendsdóttir Þau Sölvi Snær Egilsson og Dalrós Ingadóttir báru sigur úr býtum í 106 kílómetra hlaupi í karla- og kvennaflokki er Salomon Hengill Ultra Trail utanvegahlaupið var haldið síðustu helgi. Sölvi og Dalrós eru bæði aðeins 19 ára gömul og sannkallað hlaupapar. Parið vann sína flokka með miklum yfirburðum, því Sölvi var tæpum 74 mínútum fljótari en næsti karl og Dalrós kom í mark rúmum 65 mínútum á undan næstu konu. Sölvi kláraði kílómetrana 106 á 14 klukkustundum, 25 mínútum og 29 sekúndum og var fyrstur af 18 keppendum í karlaflokki. Dalrós kom í mark á 16 klukkustundum, 58 mínútum og 17 sekúndum og kom fyrst í mark af átta keppendum í kvennaflokki. Dalrós gerði þó gott betur en það að vinna kvennaflokkinn, því hún varð fjórða af öllum þeim 26 keppendum sem tóku þátt. Salomon Hengill Ultra Trail Vildu klára þetta fyrir mömmurnar sem vöktu alla nóttina Bæði segjast þau þó ekki endilega viss um það að það sé eðlilegt að 19 ára par taki sig til og vinni slíkt ofurhlaup. „Ekki svo ég viti allavega. Það eru ekkert margir í þessu á okkar aldri,“ sagði Sölvi í samtali við Vísi í gær. „Ég bara veit það ekki sko. Við erum búin að vera yngst svolítið lengi í þessu,“ bætti Dalrós við. Hlaupið gekk þó ekki áfallalaust fyrir sig því þau lentu bæði í vandræðum með skrokkinn á sér á fyrri hringnum af tveimur. Stutt stopp í Hveragerði þegar hlaupið var hálfnað hafi þó gert kraftaverk. „Líðanin var svolítið svona upp og niður. Ég fann það bara strax eftir 30 kílómetra að þá byrjaði margt að klikka. Maginn og sjónin farin að klikka þannig að ég var ekkert viss um að ég myndi einu sinni ná að klára fyrsta hringinn,“ sagði Sölvi. „Svo allt í einu náði ég smá ferð þegar ég var kominn upp í kannski 45-50 kílómetra og ég vaknaði aðeins þá. Svo gat ég hvílt mig í kannski tuttugu mínútur í Hveragerði og þá var ég bara eins og nýr,“ bætti Sölvi við og þakkar móður sinni og sambýlismanni hennar, Böðvari Stefánssyni, fyrir ómetanlegan stuðning eftir að fyrri hringnum lauk. Dalrós á ferðinni.Salomon Hengill Ultra Trail Þá segir Dalrós að pepp frá mömmu hafi reynst þeim afar dýrmætt. „Það munaði öllu að hafa bæði mömmu hans Sölva og mömmu mína þarna til að peppa og hjálpa okkur. Maður vildi líka svolítið klára þetta fyrst að þær voru búnar að vaka alla nóttina fyrir mann. Þannig að maður vildi heldur ekki gefast upp þeirra vegna líka,“ sagði Dalrós. Nennti ekki að þurfa að gera þetta aftur á næsta ári Þetta var þó ekki í fyrsta skiptið sem þau Sölvi og Dalrós taka þátt í hlaupinu. Þau gerðu það einnig í fyrra, en þurftu þá bæði að hætta keppni vegna þess að skrokkurinn var að gefa sig. Sölvi lét gott heita eftir 96 kílómetra þegar hann var farinn að missa sjónina og Dalrós hætti keppni eftir 75 kílómetra vegna meiðsla í hnjám. Þessu segir Sigríður Erlendsdóttir, móðir Sölva, frá í pistli á Facebook-síðu sinni. Þau segjast bæði hafa hugsað um það þegar reyna fór á í ár. „Það var líka alveg í hausnum á manni og ég hugsaði að þá þyrfti maður að taka þetta aftur á næsta ári. Ég var ekkert alveg til í það,“ grínaðist Dalrós. „Það var fínt að klára þetta bara núna.“ „Það leit út fyrir það á tímabili að maður þyrfti að hætta, en sem betur fer varð það ekki svoleiðis,“ bætti Sölvi við. Sölvi var fremstur frá upphafi.Salomon Hengill Ultra Trail En var markmiðið að vinna hlaupið þegar farið var af stað? „Ekki beint, en við vorum mjög framarlega í fyrra þegar þurftum að hætta. Við vorum samt aðallega að horfa á tímamarkmið frekar,“ sagði Sölvi Dalrós tekur í sama streng, en segir að aðalmarkmiðið hafi verið að klára hlaupið. „Það var alveg gaman, en mig langaði bara að klára þetta. Það var númer eitt, tvö og þrjú. En svo var það alveg peppandi að vita að ég væri fremst og það hélt mér gangandi þó mér liði mjög illa. Það peppaði mann mikið að halda þeim svona fyrir aftan sig.“ Stutt hvíld og svo beint á Laugaveginn Þau Sölvi og Dalrós segja svo að lokum að það eina sem sé á döfinni sé að hlaupa Laugaveginn. Þau segja þó að það verði ekki eina hlaupið sem þau eigi eftir að hlaupa í sumar, en fyrst þurfi þau að hugsa um hvíldina áður en farið verður að skrá sig í frekari ofurhlaup. „Við erum bæði skráð í Laugaveginn og síðan er fullt af öðru sem við eigum bara eftir að skrá okkur í og slatti sem við eigum eftir að gera,“ sagði Sölvi. „Það er ekkert ákveðið markmið,“ bætti Dalrós við. „Ég er skráð í Laugaveginn og svo ætla ég bara að skrá mig í einhver hlaup þegar ég verð orðin hress aftur. Þetta var svolítið stóra markmiðið og nú veit ég ekki alveg hvað er næst. En ég finn eitthvað stórt.“ „Nú er bara hvíld. Ég er svolítið aum í hnjánum og vil ekki meiðast þannig ég ætla bara að taka góða hvíld,“ sagði þreytt, en sátt, Dalrós að lokum. Gera má ráð fyrir því að hvíldin hafi verið kærkomin eftir hlaupið.Facebook/Sigríður Erlendsdóttir Hlaup Mest lesið Markvörður Real í fýlu og mætir ekki til Íslands Fótbolti Uppgjörið: Breiðablik - Spartak Subotica 4-0 | Langt komnar í nýju Evrópukeppnina Fótbolti Cristiano Ronaldo: Fjölskyldan biður mig um að hætta Fótbolti Varar við því að Norðmönnum gæti verið dæmdur leikurinn tapaður Fótbolti Erika Nótt segir að nú sé tími til að hlusta á konurnar Sport Sammála Eiði pabba sínum um heimskupör Fótbolti Gætu spilað á Wembley ef Emirates fær Real Madrid uppfærslu Enski boltinn Segir leikmenn í gullkynslóð Englands hafa verið „sjálfhverfir lúserar“ Enski boltinn Varaforseti EHF handtekinn Handbolti „Fjárhagsstaðan býður ekki upp á það að við leikum okkur með þann miðafjölda“ Handbolti Fleiri fréttir Birta Georgs: Skrítinn leikur og veðrið átti stóran þátt í því Óheppin Arna fékk dæmt á sig víti gegn Man. Utd Uppgjörið: KR - Haukar 70-92 | Haukar sigu fram úr í seinni hálfleik og unnu sannfærandi sigur Vonsvikinn Nik: Þriðja og fjórða markið gætu skipt sköpum ÍBV og Valur ein á toppnum eftir háspennu í Breiðholti Donni öflugur og skildi heimamenn eftir í sárum Íslenska tríóið fagnaði frábærum sigri í toppslag Amanda fagnaði stigi gegn ensku meisturunum Íslendingarnir frábærir og fögnuðu í Danmörku Í beinni: Tindastóll - Stjarnan | Stólar og Stjörnukonur takast á Cecilía og Karólína komnar inn um dyrnar Salah sendi Egypta á HM Allt upp á tíu hjá Elínu Klöru Uppgjörið: Breiðablik - Spartak Subotica 4-0 | Langt komnar í nýju Evrópukeppnina Björgvin Brimi í Víking Segir að stuðningsmenn Bandaríkjanna hafi farið yfir strikið Sektaður um tólf milljónir fyrir að lesa yfir eigin leikmanni Sagði 28 ára skilið við fótboltann og sér ekki eftir neinu Matti Villa efstur í Víkingsdeildinni í Fantasy en þjálfarinn á botninum Varaforseti EHF handtekinn „Særði fólk mikið með því að fara til Sádi-Arabíu“ Vonast til að landsliðstreyjurnar fari í sölu á næstu vikum Cristiano Ronaldo: Fjölskyldan biður mig um að hætta „Fjárhagsstaðan býður ekki upp á það að við leikum okkur með þann miðafjölda“ Kane vill spila í Grindavík: „Flestir okkar hafa engar áhyggjur af þessu“ Gætu spilað á Wembley ef Emirates fær Real Madrid uppfærslu Spilaði nærbuxnalaus og fékk UFC-spólur bak við borðið Telja að leikmenn United styðji Ruben Amorim Erika Nótt segir að nú sé tími til að hlusta á konurnar Króati tekur við kvennaliði Keflavíkur Sjá meira
Sölvi og Dalrós eru bæði aðeins 19 ára gömul og sannkallað hlaupapar. Parið vann sína flokka með miklum yfirburðum, því Sölvi var tæpum 74 mínútum fljótari en næsti karl og Dalrós kom í mark rúmum 65 mínútum á undan næstu konu. Sölvi kláraði kílómetrana 106 á 14 klukkustundum, 25 mínútum og 29 sekúndum og var fyrstur af 18 keppendum í karlaflokki. Dalrós kom í mark á 16 klukkustundum, 58 mínútum og 17 sekúndum og kom fyrst í mark af átta keppendum í kvennaflokki. Dalrós gerði þó gott betur en það að vinna kvennaflokkinn, því hún varð fjórða af öllum þeim 26 keppendum sem tóku þátt. Salomon Hengill Ultra Trail Vildu klára þetta fyrir mömmurnar sem vöktu alla nóttina Bæði segjast þau þó ekki endilega viss um það að það sé eðlilegt að 19 ára par taki sig til og vinni slíkt ofurhlaup. „Ekki svo ég viti allavega. Það eru ekkert margir í þessu á okkar aldri,“ sagði Sölvi í samtali við Vísi í gær. „Ég bara veit það ekki sko. Við erum búin að vera yngst svolítið lengi í þessu,“ bætti Dalrós við. Hlaupið gekk þó ekki áfallalaust fyrir sig því þau lentu bæði í vandræðum með skrokkinn á sér á fyrri hringnum af tveimur. Stutt stopp í Hveragerði þegar hlaupið var hálfnað hafi þó gert kraftaverk. „Líðanin var svolítið svona upp og niður. Ég fann það bara strax eftir 30 kílómetra að þá byrjaði margt að klikka. Maginn og sjónin farin að klikka þannig að ég var ekkert viss um að ég myndi einu sinni ná að klára fyrsta hringinn,“ sagði Sölvi. „Svo allt í einu náði ég smá ferð þegar ég var kominn upp í kannski 45-50 kílómetra og ég vaknaði aðeins þá. Svo gat ég hvílt mig í kannski tuttugu mínútur í Hveragerði og þá var ég bara eins og nýr,“ bætti Sölvi við og þakkar móður sinni og sambýlismanni hennar, Böðvari Stefánssyni, fyrir ómetanlegan stuðning eftir að fyrri hringnum lauk. Dalrós á ferðinni.Salomon Hengill Ultra Trail Þá segir Dalrós að pepp frá mömmu hafi reynst þeim afar dýrmætt. „Það munaði öllu að hafa bæði mömmu hans Sölva og mömmu mína þarna til að peppa og hjálpa okkur. Maður vildi líka svolítið klára þetta fyrst að þær voru búnar að vaka alla nóttina fyrir mann. Þannig að maður vildi heldur ekki gefast upp þeirra vegna líka,“ sagði Dalrós. Nennti ekki að þurfa að gera þetta aftur á næsta ári Þetta var þó ekki í fyrsta skiptið sem þau Sölvi og Dalrós taka þátt í hlaupinu. Þau gerðu það einnig í fyrra, en þurftu þá bæði að hætta keppni vegna þess að skrokkurinn var að gefa sig. Sölvi lét gott heita eftir 96 kílómetra þegar hann var farinn að missa sjónina og Dalrós hætti keppni eftir 75 kílómetra vegna meiðsla í hnjám. Þessu segir Sigríður Erlendsdóttir, móðir Sölva, frá í pistli á Facebook-síðu sinni. Þau segjast bæði hafa hugsað um það þegar reyna fór á í ár. „Það var líka alveg í hausnum á manni og ég hugsaði að þá þyrfti maður að taka þetta aftur á næsta ári. Ég var ekkert alveg til í það,“ grínaðist Dalrós. „Það var fínt að klára þetta bara núna.“ „Það leit út fyrir það á tímabili að maður þyrfti að hætta, en sem betur fer varð það ekki svoleiðis,“ bætti Sölvi við. Sölvi var fremstur frá upphafi.Salomon Hengill Ultra Trail En var markmiðið að vinna hlaupið þegar farið var af stað? „Ekki beint, en við vorum mjög framarlega í fyrra þegar þurftum að hætta. Við vorum samt aðallega að horfa á tímamarkmið frekar,“ sagði Sölvi Dalrós tekur í sama streng, en segir að aðalmarkmiðið hafi verið að klára hlaupið. „Það var alveg gaman, en mig langaði bara að klára þetta. Það var númer eitt, tvö og þrjú. En svo var það alveg peppandi að vita að ég væri fremst og það hélt mér gangandi þó mér liði mjög illa. Það peppaði mann mikið að halda þeim svona fyrir aftan sig.“ Stutt hvíld og svo beint á Laugaveginn Þau Sölvi og Dalrós segja svo að lokum að það eina sem sé á döfinni sé að hlaupa Laugaveginn. Þau segja þó að það verði ekki eina hlaupið sem þau eigi eftir að hlaupa í sumar, en fyrst þurfi þau að hugsa um hvíldina áður en farið verður að skrá sig í frekari ofurhlaup. „Við erum bæði skráð í Laugaveginn og síðan er fullt af öðru sem við eigum bara eftir að skrá okkur í og slatti sem við eigum eftir að gera,“ sagði Sölvi. „Það er ekkert ákveðið markmið,“ bætti Dalrós við. „Ég er skráð í Laugaveginn og svo ætla ég bara að skrá mig í einhver hlaup þegar ég verð orðin hress aftur. Þetta var svolítið stóra markmiðið og nú veit ég ekki alveg hvað er næst. En ég finn eitthvað stórt.“ „Nú er bara hvíld. Ég er svolítið aum í hnjánum og vil ekki meiðast þannig ég ætla bara að taka góða hvíld,“ sagði þreytt, en sátt, Dalrós að lokum. Gera má ráð fyrir því að hvíldin hafi verið kærkomin eftir hlaupið.Facebook/Sigríður Erlendsdóttir
Hlaup Mest lesið Markvörður Real í fýlu og mætir ekki til Íslands Fótbolti Uppgjörið: Breiðablik - Spartak Subotica 4-0 | Langt komnar í nýju Evrópukeppnina Fótbolti Cristiano Ronaldo: Fjölskyldan biður mig um að hætta Fótbolti Varar við því að Norðmönnum gæti verið dæmdur leikurinn tapaður Fótbolti Erika Nótt segir að nú sé tími til að hlusta á konurnar Sport Sammála Eiði pabba sínum um heimskupör Fótbolti Gætu spilað á Wembley ef Emirates fær Real Madrid uppfærslu Enski boltinn Segir leikmenn í gullkynslóð Englands hafa verið „sjálfhverfir lúserar“ Enski boltinn Varaforseti EHF handtekinn Handbolti „Fjárhagsstaðan býður ekki upp á það að við leikum okkur með þann miðafjölda“ Handbolti Fleiri fréttir Birta Georgs: Skrítinn leikur og veðrið átti stóran þátt í því Óheppin Arna fékk dæmt á sig víti gegn Man. Utd Uppgjörið: KR - Haukar 70-92 | Haukar sigu fram úr í seinni hálfleik og unnu sannfærandi sigur Vonsvikinn Nik: Þriðja og fjórða markið gætu skipt sköpum ÍBV og Valur ein á toppnum eftir háspennu í Breiðholti Donni öflugur og skildi heimamenn eftir í sárum Íslenska tríóið fagnaði frábærum sigri í toppslag Amanda fagnaði stigi gegn ensku meisturunum Íslendingarnir frábærir og fögnuðu í Danmörku Í beinni: Tindastóll - Stjarnan | Stólar og Stjörnukonur takast á Cecilía og Karólína komnar inn um dyrnar Salah sendi Egypta á HM Allt upp á tíu hjá Elínu Klöru Uppgjörið: Breiðablik - Spartak Subotica 4-0 | Langt komnar í nýju Evrópukeppnina Björgvin Brimi í Víking Segir að stuðningsmenn Bandaríkjanna hafi farið yfir strikið Sektaður um tólf milljónir fyrir að lesa yfir eigin leikmanni Sagði 28 ára skilið við fótboltann og sér ekki eftir neinu Matti Villa efstur í Víkingsdeildinni í Fantasy en þjálfarinn á botninum Varaforseti EHF handtekinn „Særði fólk mikið með því að fara til Sádi-Arabíu“ Vonast til að landsliðstreyjurnar fari í sölu á næstu vikum Cristiano Ronaldo: Fjölskyldan biður mig um að hætta „Fjárhagsstaðan býður ekki upp á það að við leikum okkur með þann miðafjölda“ Kane vill spila í Grindavík: „Flestir okkar hafa engar áhyggjur af þessu“ Gætu spilað á Wembley ef Emirates fær Real Madrid uppfærslu Spilaði nærbuxnalaus og fékk UFC-spólur bak við borðið Telja að leikmenn United styðji Ruben Amorim Erika Nótt segir að nú sé tími til að hlusta á konurnar Króati tekur við kvennaliði Keflavíkur Sjá meira