Hádegisfréttir Bylgjunnar

Guðlaugur Þór Þórðarson, umhverfisráðherra mun krefja íslensk endurvinnslufyrirtæki um endurgreiðslu á þeim fjármunum sem ríkið hefur greitt fyrir endurvinnslu á fernum sem átti sér ekki stað.

Fjögur börn sem hafa vafrað allslaus í Amazon-regnkóginum í Kólumbíu undanfarna fjörutíu daga eftir flugslys fundust heil á húfi í gær. Yngsta barnið er ellefu mánaða.

Frumvarp sem gerir svokallaðar bælingarmeðferðir refsiverðar var samþykkt með miklum meirihluta á Alþingi í gær. Formaður Samtakanna 78 segir það gríðarlega mikilvægt og löngu tímabært skref.

Þá heyrum við í framkvæmdastjóra Bændasamtakanna um kjúklingabringur frá Úkraínu og heyrum frá stemningunni í Laugardal þar sem Color Run fer nú fram.

Þetta og fleira í hádegisfréttum Bylgjunnar klukkan 12:00.