Chelsea enskur meistari fjórða árið í röð

Það var Sam Kerr sem kom gestunum í Chelsea yfir á 18. mínútu áður en Guro Reiten tvöfaldaði forystu liðsins stuttu fyrir hálfleik og staðan var því 2-0 þegar liðin gengu til búningsherbergja.

Sam Kerr var svo aftur á ferðinni tveimur mínútum fyrir lok venjulegs leiktíma þegar hún rak seinasta naglann í kistu Reading og gulltryggði sigur Chelsea og Englandsmeistaratitilinn um leið.

Lokatölur því 3-0 sigur Chelsea og liðið er Englandsmeistari fjórða árið í röð. Liðið endar með 58 stig, tveimru stigum meira en Manchester United sem var eina liðið sem gat stolið titlinum af Lundúnaliðinu.

Á sama tíma vann Manchester United einmitt 1-0 útisigur gegn Liverpool og Dagný Brynjarsdóttir og stöllur hennar í West Ham gerðu 2-2 jafntefli gegn Tottenham í Lundúnaslag.

Úrslit dagsins