Það er enski miðillinn Mirror sem greinir frá þessu, en sjötíu milljónir punda samsvara rúmum tólf milljörðum íslenskra króna.
Samkvæmt grein Mirror um málið er þessi 24 ára gamli leikmaður til í að ganga til liðs við Liverpool, þrátt fyrir áhuga frá liðum á borð við Manchester United og Arsenal. Viðræður milli Liverpool og leikmannsins séu þegar hafnar og búist er við því að James Milner fari hina leiðina eftir átta ára veru hjá Liverpool.
NEW: Liverpool are ready to end the race for World Cup winner Alexis Mac Allister with a £70million deal for the Brighton midfielder. (@MirrorFootball) pic.twitter.com/tS8uZ4hE0L
— DaveOCKOP (@DaveOCKOP) May 13, 2023
Jürgen Klopp, knattspyrnustjóri Liverpool, hefur áður nefnt að hann vilji fá í það minnsta þrjá nýja miðjumenn til félagsins. Mac Allister yrði þá einn þeirra, en félagið er einnig sagt leiða kapphlaupið um Mason Mount, miðjumann Chelsea.
Talið er að Liverpool gæti fengið Mount frá Chelsea fyrir fimmtíu milljónir punda, en eftir að fréttir bárust af því að Mauricio Pochettino sé að öllum líkindum að taka við Lundúnaliðinu á eftir að koma í ljós hvort hann vilji halda Mount eða ekki.