United styrkti stöðu sína á toppnum með stórsigri

Leah Galton kom gestunum í United yfir strax á tólftú mínútu, en það reyndist eina mark fyrri hálfleiksins. Staðan var því 1-0 í hálfleik, en Galton bætti öðru marki liðsins við þegar um 25 mínútur voru eftir af venjulegum leiktíma.

Gestirnir gerðu svo út um leikinn á lokamínútunum þegar Rachel Williams og Lucia Garcia Cordoba bættu sínu markinu hvor við með stuttu millibili og niðurstaðan varð því öruggur 4-0 sigur United.

Manchester United trónir á toppi ensku úrvalsdeildarinnar með 41 stig eftir 17 leiki, þremur stigum meira en Manchester City sem situr í öðru sæti. Brighton situr hins vgar í næst neðsta sæti með níu stig.