„Mikil vonbrigði fyrir ferðaþjónustuna“ Fanndís Birna Logadóttir skrifar 28. mars 2023 18:43 Arnheiður Jóhannsdóttir, framkvæmdastjóri Markaðsstofu Norðurlands, segir ákvörðunina vonbrigði en þau haldi ótrauð áfram. Vísir/Samsett Ákvörðun þýska flugfélagsins Condor um að hætta við áætlanaflug til Akureyrar og Egilstaða í sumar er mikil vonbrigði fyrir ferðaþjónustuna að sögn framkvæmdastjóra Markaðsstofu Norðurlands. Framkvæmdastjóri Isavia innanlandsflugvalla segir flugfélagið ekki taka neina sénsa en vonir eru bundnar við að hægt verði að taka þráðinn aftur upp á næsta ári. Tilkynnt var um fyrirætlanir Condor í júlí í fyrra og átti áætlanaflug frá Frankfurt að hefjast núna um miðjan maí þar sem boðið væri upp á ferðir vikulega. Isavia tilkynnti aftur á móti í gær að hætt hafi verið við þær fyrirætlanir. Sigrún Björk Jakobsdóttir, framkvæmdastjóri Isavia innanlandsflugvalla, segir þýska flugfélagið hafa hætt við í lok síðustu viku þar sem bókanir höfðu ekki skilað sér og þeir þyrftu meiri tíma í markaðssetningu. Um hafi verið að ræða metnaðarfulla áætlun með tæplega 50 flugferðum samanlagt. „Þetta er auðvitað slæmt því það var töluvert bókað í þessar ferðir en kannski ekki nægilegt að þeirra mati,“ segir Sigrún. „Bókunarstaðan svona til þess að byrja með var ágæt í maí en ekki síðan þegar það fór að líða á sumarið, þannig þeir eru bara mjög varkárir og vilja ekki taka neina sénsa á nýjum flugleiðum, að mínu mati.“ Ekki hefur verið tekin ákvörðun um hvort af fluginu verði yfir höfuð en það mun skýrast á næstu vikum. „Við bindum vonir við að þessi undirbúningur sem hefur átt sér stað, því hann er gríðarlegur alls staðar bæði hjá heimamönnum, hjá þeirra flugrekstrardeild og þeirra sölu og markaðs apparati, að sá undirbúningur geti nýst okkur núna sumarið 2024,“ segir Sigrún. Undarlegt að ekki hafi látið reyna á flugið Arnheiður Jóhannsdóttir, framkvæmdastjóri Markaðsstofu Norðurlands, segir þetta skamman fyrirvara. „Það er auðvitað mjög undarlegt að láta ekki fyrstu flugin fara í loftið þannig að við náum að láta á það reyna, vegna þess að það er nú oft þannig með bókanir að þær fara fyrst af stað þegar flugvélin hefur sést lenda,“ segir Arnheiður en sumarið sé tími þar sem vel er bókað. Ákvörðunin valdi fyrst og fremst vonbrigðum, þó fjárhagslegt tjón sé ekki mikið. „Við erum auðvitað svekkt með það. Það hefur verið mikil undirbúningsvinna og markaðssetning af okkar hálfu sem að nú mun nýtast í önnur verkefni áfram þannig það er í sjálfu sér kannski ekki hægt að segja að það sé mikið tap af verkefninu en auðvitað mikil vonbrigði fyrir ferðaþjónustuna,“ segir Arnheiður. Hópurinn sem hafi komið að málinu, bæði frá Norður- og Austurlandi auk Isavia, sé í samtali við flugfélagið um framhaldið en af ferðunum gæti orðið á næsta ári eða þarnæsta. „Þá gefst betri tími til markaðssetningar og undirbúnings á verkefninu, mögulega verða flugin sett á tíma þar sem er minna bókað nú þegar. Við erum auðvitað alltaf að leggja áherslu á vetrarferðaþjónustu, þar viljum við bæta í og munum reyna að ná þeim í það samtal,“ segir Arnheiður. Sem betur fer standi þau vel, það hafi aldrei verið meiri umferð í gegnum Akureyrarflugvöll og mikið líf í ferðaþjónustunni. „Við erum auðvitað með Niceair, við erum að fá flug frá Sviss í fyrsta skipti í sumar með Edelweiss, og við erum með Voigt travel, flug frá Rotterdam í sumar líka og frá Amsterdam að vetri til, og svo eru fleiri verkefni í pípunum. Þannig við erum brött þrátt fyrir þetta og höldum ótrauð áfram í samstarfi við ferðaþjónustuna,“ segir Arnheiður. Fréttir af flugi Akureyrarflugvöllur Ferðamennska á Íslandi Akureyri Egilsstaðaflugvöllur Múlaþing Tengdar fréttir Þýskt flugfélag hefur flug til Akureyrar og Egilsstaða 2023 Þýska flugfélagið Condor mun hefja áætlunarflug til Akureyrar og Egilsstaða og verður flogið frá maí til loka október. Flug hefst sumarið 2023. 13. júlí 2022 10:48 Mest lesið Fjórar týpur af yfirmönnum sem eru sjálfir að drukkna í vinnu Atvinnulíf Keypti hús við Sóleyjargötu af borginni á 310 milljónir Viðskipti innlent Tókst ekki að sýna fram á galla og situr uppi með körfuboltaskóna Neytendur Ráðin forstöðumaður hjá Eimskip Viðskipti innlent Minni þorskafli kosti fleiri milljarða Viðskipti innlent Verður nýr yfirlögfræðingur SFF Viðskipti innlent Löng röð myndaðist í Lágmúlanum á miðnætti Viðskipti innlent Gera fjölmargar breytingar á kílómetragjaldinu Neytendur Topp fimm tólin í verkfærakistuna Samstarf Topplúgan kom á óvart á annars praktískum ferðatrukk Samstarf Fleiri fréttir Keypti hús við Sóleyjargötu af borginni á 310 milljónir Minni þorskafli kosti fleiri milljarða Verður nýr yfirlögfræðingur SFF Ráðin forstöðumaður hjá Eimskip Reon ræður inn hönnunarstjóra frá Spotify Kjarasamningar Play og ÍFF í höfn Greiddu 865 milljónir fyrir Herkastalann Löng röð myndaðist í Lágmúlanum á miðnætti Hrefna stýrir Attentus SFF hafna ásökunum bifreiðaeigenda „Klárlega“ breytingar í ytra umhverfi sem ÁTVR þurfi að laga sig að Vilborg Arna og Auðbjörg til liðs við FranklinCovey Þorgerður skipuð forstjóri ÁTVR „Ég veit ekki alveg hvað er að fara að gerast“ Ríkið greiddi 25 milljarða í laun Skor flytur: „Ansi þreytt“ að þurfa að reka fólk út klukkan tíu Meðallaun 758 þúsund á mánuði Saka hagfræðing SFF um að reyna að draga úr samkeppni í tryggingum Bein útsending: Kynna yfirlýsingu fjármálastöðugleikanefndar Sveiflujöfnunarauki helst óbreyttur Ráðinn framkvæmdastjóri Janusar heilsueflingar Fyrsta sinni í mörg herrans ár neftóbakslaust í Leifsstöð Mun stýra Starfsþróunarsetri BHM Tilfallandi neftóbaksskortur veldur skjálfta 134 sagt upp í þremur hópuppsögnum Ingvi Steinn frá Arion til Defend Iceland Ferjuleiðir taka við rekstri ferjunnar Baldurs Nýr verslunarkjarni opnaður á Selfossi Íslensk fyrirtæki geti endurheimt verulegar fjárhæðir Í hópi þeirra sem hlutu Viator Experience-verðlaunin Sjá meira
Tilkynnt var um fyrirætlanir Condor í júlí í fyrra og átti áætlanaflug frá Frankfurt að hefjast núna um miðjan maí þar sem boðið væri upp á ferðir vikulega. Isavia tilkynnti aftur á móti í gær að hætt hafi verið við þær fyrirætlanir. Sigrún Björk Jakobsdóttir, framkvæmdastjóri Isavia innanlandsflugvalla, segir þýska flugfélagið hafa hætt við í lok síðustu viku þar sem bókanir höfðu ekki skilað sér og þeir þyrftu meiri tíma í markaðssetningu. Um hafi verið að ræða metnaðarfulla áætlun með tæplega 50 flugferðum samanlagt. „Þetta er auðvitað slæmt því það var töluvert bókað í þessar ferðir en kannski ekki nægilegt að þeirra mati,“ segir Sigrún. „Bókunarstaðan svona til þess að byrja með var ágæt í maí en ekki síðan þegar það fór að líða á sumarið, þannig þeir eru bara mjög varkárir og vilja ekki taka neina sénsa á nýjum flugleiðum, að mínu mati.“ Ekki hefur verið tekin ákvörðun um hvort af fluginu verði yfir höfuð en það mun skýrast á næstu vikum. „Við bindum vonir við að þessi undirbúningur sem hefur átt sér stað, því hann er gríðarlegur alls staðar bæði hjá heimamönnum, hjá þeirra flugrekstrardeild og þeirra sölu og markaðs apparati, að sá undirbúningur geti nýst okkur núna sumarið 2024,“ segir Sigrún. Undarlegt að ekki hafi látið reyna á flugið Arnheiður Jóhannsdóttir, framkvæmdastjóri Markaðsstofu Norðurlands, segir þetta skamman fyrirvara. „Það er auðvitað mjög undarlegt að láta ekki fyrstu flugin fara í loftið þannig að við náum að láta á það reyna, vegna þess að það er nú oft þannig með bókanir að þær fara fyrst af stað þegar flugvélin hefur sést lenda,“ segir Arnheiður en sumarið sé tími þar sem vel er bókað. Ákvörðunin valdi fyrst og fremst vonbrigðum, þó fjárhagslegt tjón sé ekki mikið. „Við erum auðvitað svekkt með það. Það hefur verið mikil undirbúningsvinna og markaðssetning af okkar hálfu sem að nú mun nýtast í önnur verkefni áfram þannig það er í sjálfu sér kannski ekki hægt að segja að það sé mikið tap af verkefninu en auðvitað mikil vonbrigði fyrir ferðaþjónustuna,“ segir Arnheiður. Hópurinn sem hafi komið að málinu, bæði frá Norður- og Austurlandi auk Isavia, sé í samtali við flugfélagið um framhaldið en af ferðunum gæti orðið á næsta ári eða þarnæsta. „Þá gefst betri tími til markaðssetningar og undirbúnings á verkefninu, mögulega verða flugin sett á tíma þar sem er minna bókað nú þegar. Við erum auðvitað alltaf að leggja áherslu á vetrarferðaþjónustu, þar viljum við bæta í og munum reyna að ná þeim í það samtal,“ segir Arnheiður. Sem betur fer standi þau vel, það hafi aldrei verið meiri umferð í gegnum Akureyrarflugvöll og mikið líf í ferðaþjónustunni. „Við erum auðvitað með Niceair, við erum að fá flug frá Sviss í fyrsta skipti í sumar með Edelweiss, og við erum með Voigt travel, flug frá Rotterdam í sumar líka og frá Amsterdam að vetri til, og svo eru fleiri verkefni í pípunum. Þannig við erum brött þrátt fyrir þetta og höldum ótrauð áfram í samstarfi við ferðaþjónustuna,“ segir Arnheiður.
Fréttir af flugi Akureyrarflugvöllur Ferðamennska á Íslandi Akureyri Egilsstaðaflugvöllur Múlaþing Tengdar fréttir Þýskt flugfélag hefur flug til Akureyrar og Egilsstaða 2023 Þýska flugfélagið Condor mun hefja áætlunarflug til Akureyrar og Egilsstaða og verður flogið frá maí til loka október. Flug hefst sumarið 2023. 13. júlí 2022 10:48 Mest lesið Fjórar týpur af yfirmönnum sem eru sjálfir að drukkna í vinnu Atvinnulíf Keypti hús við Sóleyjargötu af borginni á 310 milljónir Viðskipti innlent Tókst ekki að sýna fram á galla og situr uppi með körfuboltaskóna Neytendur Ráðin forstöðumaður hjá Eimskip Viðskipti innlent Minni þorskafli kosti fleiri milljarða Viðskipti innlent Verður nýr yfirlögfræðingur SFF Viðskipti innlent Löng röð myndaðist í Lágmúlanum á miðnætti Viðskipti innlent Gera fjölmargar breytingar á kílómetragjaldinu Neytendur Topp fimm tólin í verkfærakistuna Samstarf Topplúgan kom á óvart á annars praktískum ferðatrukk Samstarf Fleiri fréttir Keypti hús við Sóleyjargötu af borginni á 310 milljónir Minni þorskafli kosti fleiri milljarða Verður nýr yfirlögfræðingur SFF Ráðin forstöðumaður hjá Eimskip Reon ræður inn hönnunarstjóra frá Spotify Kjarasamningar Play og ÍFF í höfn Greiddu 865 milljónir fyrir Herkastalann Löng röð myndaðist í Lágmúlanum á miðnætti Hrefna stýrir Attentus SFF hafna ásökunum bifreiðaeigenda „Klárlega“ breytingar í ytra umhverfi sem ÁTVR þurfi að laga sig að Vilborg Arna og Auðbjörg til liðs við FranklinCovey Þorgerður skipuð forstjóri ÁTVR „Ég veit ekki alveg hvað er að fara að gerast“ Ríkið greiddi 25 milljarða í laun Skor flytur: „Ansi þreytt“ að þurfa að reka fólk út klukkan tíu Meðallaun 758 þúsund á mánuði Saka hagfræðing SFF um að reyna að draga úr samkeppni í tryggingum Bein útsending: Kynna yfirlýsingu fjármálastöðugleikanefndar Sveiflujöfnunarauki helst óbreyttur Ráðinn framkvæmdastjóri Janusar heilsueflingar Fyrsta sinni í mörg herrans ár neftóbakslaust í Leifsstöð Mun stýra Starfsþróunarsetri BHM Tilfallandi neftóbaksskortur veldur skjálfta 134 sagt upp í þremur hópuppsögnum Ingvi Steinn frá Arion til Defend Iceland Ferjuleiðir taka við rekstri ferjunnar Baldurs Nýr verslunarkjarni opnaður á Selfossi Íslensk fyrirtæki geti endurheimt verulegar fjárhæðir Í hópi þeirra sem hlutu Viator Experience-verðlaunin Sjá meira
Þýskt flugfélag hefur flug til Akureyrar og Egilsstaða 2023 Þýska flugfélagið Condor mun hefja áætlunarflug til Akureyrar og Egilsstaða og verður flogið frá maí til loka október. Flug hefst sumarið 2023. 13. júlí 2022 10:48