Andri Snær: Við reyndum margt en það virkaði ekkert

„Við vorum arfaslakar í seinni hálfleik fyrst og fremst,“ byrjaði Andri Snær, þjálfari KA/Þórs, að segja í viðtali eftir leik.

„Fyrri hálfleikurinn var í sjálfum sér mjög fínn, þar vorum við að leysa þeirra framarlegu vörn býsna vel en síðan í seinni byrjum við með mjög hægan hraða. Við prófuðum ýmislegt til þess að leysa vörnina þeirra en það var ekkert sem virkaði,“ hélt Andri Snær áfram.

„Við vorum ekki að vinna einn á einn stöðurnar og á móti svona framarlegri vörn þá er það auðvitað lykilatriði til þess að hreyfa boltann. Ef þær ná ekki að vinna manninn sinn þá gerist lítið.“

„Við fórum síðan í sjö á sex en þær héldu samt áfram með þessa framarlegu og grimmu vörn og við áttum ekki svör, þetta var einfaldlega sanngjarn sigur HK,“ endaði Andri Snær á að segja.