Marsspá Siggu Kling - Fiskarnir

En varaðu þig á þeim sem eru alltaf að reyna að taka stærri bita af þér en þú vilt gefa og krefja þig um svo margt, með góðu eða illu. Það er sama hvort viðkomandi tengist inn í fjölskyldu, vinnu eða vináttu. Ímyndaðu þér að þú sjáir þá persónu sem þú vilt losna við úr orkunni þinni koma labbandi til þín, þakkaðu henni fyrir allt sem hún hefur gert fyrir þig, alveg sama hvaða áhrif hún hefur haft á þig. Nefndu síðan nafn hennar og segðu: Nú máttu fara og þú horfir á eftir henni labba í burtu og verða að einum dökkum depli. Þetta er dáleiðsla frá Deepak Chopra og hún virkar fyrir þig.

Það fer í taugarnar á þér þegar þú þarft að vera á tánum í lífinu, þú getur látið það stressa þig um of, en þú lifir þetta allt af og lifir vel.

Þetta er þinn mánuður og hann mun sýna þér margt og meira en þú jafnvel vilt sjá. Það verður stormur í kringum miðjan mánuðinn, en sá stormur er góður því að hann er kominn til þess að taka til, en þér gæti brugðið við. Ég dró fyrir þig spil og þar færðu töluna 13 sem þýðir að þú þarft að vera sniðugur og þrjóskur og standa á þínu, en það kemur líka hérna að það sé að verða umbylting á útliti eða líðan, og oft líður manni að sjálfsögðu betur þegar maður lítur vel út, svo þetta er samtengt. Það kemur tákn sem sýnir fiðrildi vera að koma úr púpunni og það er svo fallegt og litríkt og þetta táknar þig.

Knús og kossar, Sigga Kling