Aubameyang tekinn úr Meistaradeildarhóp Chelsea

Líkt og önnur lið í Meistaradeildinni þurfti Chelsea að skila inn 25 manna lista í vikunni yfir þá leikmenn sem mega taka þátt í útsláttakeppninni. Aðeins mátti skrá þrjá nýja leikmenn í 25 manna hópinn og þar sem Chelsea fór mikinn á leikmannamarkaðinum í janúar fékk Graham Potter, stjóri liðsins, þann hausverk að velja og hafna.

Þrír af þeim leikmönnum Chelsea sem félagið verslaði í síðasta mánuði komust í 25 manna hópinn. Það eru þeir Enzo Fer­nández, Myk­hai­lo Mudryk og João Félix. Aðrir leikmenn sem félagið fékk til liðs við sig í janúar þurfa hins vegar að sætta sig við að fylgjast með Meistaradeildinni úr stúkunni. Þar á meðal er varnarmaðurinn Benoît Badi­ashile, sem Chel­sea keypti á 35 millj­ón­ir punda.

Chelsea mætir Borussia Dortmund í 16-liða úrslitum Meistaradeildarinnar og fer fyrri leikur liðanna fram þann 15. febrúar næstkomandi.