Sögðu ekki „til hamingju“ við Valgeir heldur „takk“ Sindri Sverrisson skrifar 2. nóvember 2022 09:01 Kristoffer Lund Hansen og Valgeir Lunddal Friðriksson glaðbeittir með gullhjálmana eftir að Häcken varð sænskur meistari á sunnudag. mynd/Rudy Alvardo „Þetta var allt annað en að vinna með Val á einhverju skíta-covidtímabili. Þetta var geggjað,“ segir Valgeir Lunddal Friðriksson, laufléttur í bragði, eftir að hafa orðið Svíþjóðarmeistari með Häcken um helgina. Þrátt fyrir að vera aðeins 21 árs gamall hefur Valgeir nú þegar afrekað það að verða Íslandsmeistari og Svíþjóðarmeistari. Þessi kröftugi bakvörður, sem leikið hefur þrjá A-landsleik og var einnig í U21-landsliðinu sem lék í umspili um sæti á EM í haust, hefur á tveimur árum í atvinnumennsku bæði upplifað erfiða tíma í fyrra og algjöran draum í ár: „Þetta var geggjað. Fyrsti titillinn í sögu Häcken og ég held að maður sé sjálfur ekki að átta sig á því hve stórt þetta er fyrir félagið. Ég heyrði að þetta væri bara búinn að vera atvinnumannaklúbbur í tuttugu ár. Stuðningsmennirnir, í stað þess að segja „til hamingju“, sögðu bara „takk fyrir þetta“. Þetta var geggjuð tilfinning, að vinna þetta á fullum velli í derby-leik á milli tveggja Gautaborgarliða,“ segir Valgeir. Gaman að þau hafi séð mig vinna þetta Mamma hans og pabbi, og kærastan og knattspyrnukonan Diljá Ýr Zomers, voru á vellinum á sunnudaginn þegar Valgeir og félagar unnu 4-0 stórsigur á Gautaborg. Þar með var forskot Häcken á toppnum orðið of mikið fyrir önnur lið, þó að enn sé lokaumferðin eftir næsta sunnudag. „Það var gaman að vera með þeim og að þau hafi séð mig vinna þetta,“ segir Valgeir sem líkt og aðrir leikmenn Häcken fékk að fagna fram á rauða nótt. View this post on Instagram A post shared by BK HA CKEN (@bkhackenofcl) Valgeir segir mikið hafa breyst á milli ára hjá Häcken og óhætt er að taka undir það. Í fyrra var liðið í fallbaráttu og endaði aðeins í 12. sæti, og Valgeir spilaði aðeins tvo leiki í byrjunarliði. Í ár hefur Valgeir spilað 25 af 29 leikjum og Häcken slegið í gegn, undir stjórn Norðmannsins Per-Mathias Högmo sem ráðinn var í júní í fyrra. „Spila ótrúlega flottan fótbolta“ „Við erum með gott lið. Það voru þrír toppklassaleikmenn sóttir og einhvern veginn small þetta saman. Við erum að spila ótrúlega flottan fótbolta. Hópurinn var góður á síðasta tímabili en þá gekk bara ekkert upp, og við misstum sigra niður í jafntefli eða jafnvel töp. Núna höfum við kreist út sigrana og skorað flest mörk allra. Þetta er mikið betra núna,“ segir Valgeir sem viðurkennir að árið í fyrra, hans fyrsta í atvinnumennsku, hafi verið erfitt: „Það var frekar erfitt. Ég kom nýr inn í þetta og maður þurfti tíma til að koma sér inn í þetta. Ég byrjaði fyrstu tvo leikina en svo var nýr maður keyptur inn, mjög virtur sænskur landsliðsmaður [Martin Olsson], og maður vissi að maður myndi ekki spila þegar hann væri heill. Svo var liðið í tómu tjóni og þá eru þjálfararnir kannski ekki að ná í nýja, unga leikmanninn í liðinu í leit að björgun, heldur reynsluna. En þetta var allt þess virði að hafa komist í gegnum þetta,“ segir Valgeir sem bættist í góðan hóp Íslendinga sem orðið hafa Svíþjóðarmeistarar í fótbolta karla. Íslendingar sem orðið hafa Svíþjóðarmeistarar í fótbolta karla. Keyptur fyrir háa upphæð í stöðu Valgeirs Þjálfarinn Högmo sótti fyrir tímabilið landa sinn frá Noregi, bakvörðinn Tomas Totland, og var útlit fyrir að hann myndi spila í stað Valgeirs og að hann yrði því áfram aðallega á varamannabekknum: „Þeir keyptu þennan leikmann fyrir tímabilið og hann hafði átt mjög gott tímabil í norsku deildinni áður en hann kom. Þeir keyptu hann á mikinn pening og þetta leit ekki vel út fyrir tímabilið, en ef ég á að segja alveg eins og er þá stóð ég mig frekar vel á undirbúningstímabilinu. Ég náði að sýna þjálfaranum og leikmönnum hvað í mér býr, spilaði fyrstu leikina og náði að spila vel. Svo var ég kannski aðeins inn og út úr liðinu, því við náðum ekki að halda hreinu, en það er mjög sætt að hafa stimplað sig vel inn í liðið á þessu tímabili,“ segir Valgeir. Valgeir Lunddal Friðriksson og félagar eru á leið í undankeppni Meistaradeildar Evrópu eftir að hafa tryggt sér sænska titilinn.mynd/Rudy Alvardo Vonast eftir fleiri tækifærum í landsliðinu Hann ætlar að halda áfram að sanna sig og reyna að ryðja sér til rúms í A-landsliðinu: „Svo lengi sem maður er að spila vel hérna úti og er í góðu liði þá býst maður við að fá einhver tækifæri. En maður þarf fyrst að standa sig vel hér, og svo kemur bara það sem að kemur.“ Valgeir er með samning við Häcken sem gildir til næstu tveggja ára og segir að ekki standi annað til en að taka þátt í titilvörninni á næsta ári: „Eins og er þá er ég bara að fara að halda áfram með Häcken, þó að maður viti ekkert um framhaldið. Ég er í flottum málum hérna, nýbúinn að vinna titil og sæti í Meistaradeild Evrópu á næsta tímabili. Og við erum að spila mjög flottan fótbolta. Ég er ekki að hugsa neitt lengra núna.“ Sænski boltinn Fótbolti Mest lesið Sagt að hann spili ekki aftur meðan Craig er með liðið Körfubolti Kylfusveinninn græðir meiri pening en meðalkylfingurinn á PGA Golf Sjúkar kýr sveigja leiðina á Tour de France Sport Frá sólinni í Tampa yfir í Bestu deild kvenna á Íslandi Íslenski boltinn Ekki gild afsökun að hafa drukkið teið hennar mömmu sinnar Sport Chicharito biðst afsökunar á karlrembunni Fótbolti „Auðvitað skoraði Orri, hann skorar alls staðar“ Fótbolti Miðarnir langdýrastir hjá Fulham Enski boltinn Gagnrýnd af forsetanum fyrir að vilja sofa hjá strákunum á EM Sport Gyökeres á leið í læknisskoðun og fær númerið hans Henry Enski boltinn Fleiri fréttir „Hef mikla trú að það muni ganga upp núna“ „Auðvitað skoraði Orri, hann skorar alls staðar“ FH leysir loks úr markmannsmálunum Orri Steinn með tvennu í Japan Sádarnir spenntir fyrir Antony Sjáðu stoðsendingar Öglu, hetjudáðir Fanndísar og Birgittu refsa grimmt Newcastle íhugar að kaupa Sesko Gyökeres á leið í læknisskoðun og fær númerið hans Henry Sjáðu glatað skot breytast í skallamark og Tryggva tryggja jafntefli Chicharito biðst afsökunar á karlrembunni Textor á ekkert í Crystal Palace lengur Miðarnir langdýrastir hjá Fulham Enski kvennaboltinn leyfir áfengi á áhorfendapöllunum Frá sólinni í Tampa yfir í Bestu deild kvenna á Íslandi „Okkur fannst þetta ekkert öðruvísi en aðrir leikir” Andrea Rán semur við FH Eigendur Man. City græða pening á kaupum Man. United Uppgjör: Breiðablik-Þróttur 3-1 | Blikakonur unnu toppslaginn Uppgjör: Valur-FHL 2-1 | Fanndís hetja Valskvenna Uppgjörið: Vllaznia - Víkingur 2-1 | Seig á ógæfuhliðina í seinni hálfleik hjá Víkingi Uppgjör: Tindastóll-Þór/KA 2-0 | Tindastóll byrjar vel eftir EM-frí Neymar reifst við áhorfenda eftir leik Hilmir Rafn fullkomnaði markaveislu Viking Uppgjörið: Kauno Zalgiris - Valur 1-1 | Ævintýralegt glópalán Valsmanna AC Milan kaupir leikmann frá Brighton Barcelona hættir við æfingaleik í Japan Bað sjálfur um frí og vill fara frá Newcastle Úlfarnir kaupa kólumbíska Pelé „Það verða færi og bæði lið þurfa að vera klók“ Hallgrímur átti auðvelt með að lesa gamlan læriföður Sjá meira
Þrátt fyrir að vera aðeins 21 árs gamall hefur Valgeir nú þegar afrekað það að verða Íslandsmeistari og Svíþjóðarmeistari. Þessi kröftugi bakvörður, sem leikið hefur þrjá A-landsleik og var einnig í U21-landsliðinu sem lék í umspili um sæti á EM í haust, hefur á tveimur árum í atvinnumennsku bæði upplifað erfiða tíma í fyrra og algjöran draum í ár: „Þetta var geggjað. Fyrsti titillinn í sögu Häcken og ég held að maður sé sjálfur ekki að átta sig á því hve stórt þetta er fyrir félagið. Ég heyrði að þetta væri bara búinn að vera atvinnumannaklúbbur í tuttugu ár. Stuðningsmennirnir, í stað þess að segja „til hamingju“, sögðu bara „takk fyrir þetta“. Þetta var geggjuð tilfinning, að vinna þetta á fullum velli í derby-leik á milli tveggja Gautaborgarliða,“ segir Valgeir. Gaman að þau hafi séð mig vinna þetta Mamma hans og pabbi, og kærastan og knattspyrnukonan Diljá Ýr Zomers, voru á vellinum á sunnudaginn þegar Valgeir og félagar unnu 4-0 stórsigur á Gautaborg. Þar með var forskot Häcken á toppnum orðið of mikið fyrir önnur lið, þó að enn sé lokaumferðin eftir næsta sunnudag. „Það var gaman að vera með þeim og að þau hafi séð mig vinna þetta,“ segir Valgeir sem líkt og aðrir leikmenn Häcken fékk að fagna fram á rauða nótt. View this post on Instagram A post shared by BK HA CKEN (@bkhackenofcl) Valgeir segir mikið hafa breyst á milli ára hjá Häcken og óhætt er að taka undir það. Í fyrra var liðið í fallbaráttu og endaði aðeins í 12. sæti, og Valgeir spilaði aðeins tvo leiki í byrjunarliði. Í ár hefur Valgeir spilað 25 af 29 leikjum og Häcken slegið í gegn, undir stjórn Norðmannsins Per-Mathias Högmo sem ráðinn var í júní í fyrra. „Spila ótrúlega flottan fótbolta“ „Við erum með gott lið. Það voru þrír toppklassaleikmenn sóttir og einhvern veginn small þetta saman. Við erum að spila ótrúlega flottan fótbolta. Hópurinn var góður á síðasta tímabili en þá gekk bara ekkert upp, og við misstum sigra niður í jafntefli eða jafnvel töp. Núna höfum við kreist út sigrana og skorað flest mörk allra. Þetta er mikið betra núna,“ segir Valgeir sem viðurkennir að árið í fyrra, hans fyrsta í atvinnumennsku, hafi verið erfitt: „Það var frekar erfitt. Ég kom nýr inn í þetta og maður þurfti tíma til að koma sér inn í þetta. Ég byrjaði fyrstu tvo leikina en svo var nýr maður keyptur inn, mjög virtur sænskur landsliðsmaður [Martin Olsson], og maður vissi að maður myndi ekki spila þegar hann væri heill. Svo var liðið í tómu tjóni og þá eru þjálfararnir kannski ekki að ná í nýja, unga leikmanninn í liðinu í leit að björgun, heldur reynsluna. En þetta var allt þess virði að hafa komist í gegnum þetta,“ segir Valgeir sem bættist í góðan hóp Íslendinga sem orðið hafa Svíþjóðarmeistarar í fótbolta karla. Íslendingar sem orðið hafa Svíþjóðarmeistarar í fótbolta karla. Keyptur fyrir háa upphæð í stöðu Valgeirs Þjálfarinn Högmo sótti fyrir tímabilið landa sinn frá Noregi, bakvörðinn Tomas Totland, og var útlit fyrir að hann myndi spila í stað Valgeirs og að hann yrði því áfram aðallega á varamannabekknum: „Þeir keyptu þennan leikmann fyrir tímabilið og hann hafði átt mjög gott tímabil í norsku deildinni áður en hann kom. Þeir keyptu hann á mikinn pening og þetta leit ekki vel út fyrir tímabilið, en ef ég á að segja alveg eins og er þá stóð ég mig frekar vel á undirbúningstímabilinu. Ég náði að sýna þjálfaranum og leikmönnum hvað í mér býr, spilaði fyrstu leikina og náði að spila vel. Svo var ég kannski aðeins inn og út úr liðinu, því við náðum ekki að halda hreinu, en það er mjög sætt að hafa stimplað sig vel inn í liðið á þessu tímabili,“ segir Valgeir. Valgeir Lunddal Friðriksson og félagar eru á leið í undankeppni Meistaradeildar Evrópu eftir að hafa tryggt sér sænska titilinn.mynd/Rudy Alvardo Vonast eftir fleiri tækifærum í landsliðinu Hann ætlar að halda áfram að sanna sig og reyna að ryðja sér til rúms í A-landsliðinu: „Svo lengi sem maður er að spila vel hérna úti og er í góðu liði þá býst maður við að fá einhver tækifæri. En maður þarf fyrst að standa sig vel hér, og svo kemur bara það sem að kemur.“ Valgeir er með samning við Häcken sem gildir til næstu tveggja ára og segir að ekki standi annað til en að taka þátt í titilvörninni á næsta ári: „Eins og er þá er ég bara að fara að halda áfram með Häcken, þó að maður viti ekkert um framhaldið. Ég er í flottum málum hérna, nýbúinn að vinna titil og sæti í Meistaradeild Evrópu á næsta tímabili. Og við erum að spila mjög flottan fótbolta. Ég er ekki að hugsa neitt lengra núna.“
Sænski boltinn Fótbolti Mest lesið Sagt að hann spili ekki aftur meðan Craig er með liðið Körfubolti Kylfusveinninn græðir meiri pening en meðalkylfingurinn á PGA Golf Sjúkar kýr sveigja leiðina á Tour de France Sport Frá sólinni í Tampa yfir í Bestu deild kvenna á Íslandi Íslenski boltinn Ekki gild afsökun að hafa drukkið teið hennar mömmu sinnar Sport Chicharito biðst afsökunar á karlrembunni Fótbolti „Auðvitað skoraði Orri, hann skorar alls staðar“ Fótbolti Miðarnir langdýrastir hjá Fulham Enski boltinn Gagnrýnd af forsetanum fyrir að vilja sofa hjá strákunum á EM Sport Gyökeres á leið í læknisskoðun og fær númerið hans Henry Enski boltinn Fleiri fréttir „Hef mikla trú að það muni ganga upp núna“ „Auðvitað skoraði Orri, hann skorar alls staðar“ FH leysir loks úr markmannsmálunum Orri Steinn með tvennu í Japan Sádarnir spenntir fyrir Antony Sjáðu stoðsendingar Öglu, hetjudáðir Fanndísar og Birgittu refsa grimmt Newcastle íhugar að kaupa Sesko Gyökeres á leið í læknisskoðun og fær númerið hans Henry Sjáðu glatað skot breytast í skallamark og Tryggva tryggja jafntefli Chicharito biðst afsökunar á karlrembunni Textor á ekkert í Crystal Palace lengur Miðarnir langdýrastir hjá Fulham Enski kvennaboltinn leyfir áfengi á áhorfendapöllunum Frá sólinni í Tampa yfir í Bestu deild kvenna á Íslandi „Okkur fannst þetta ekkert öðruvísi en aðrir leikir” Andrea Rán semur við FH Eigendur Man. City græða pening á kaupum Man. United Uppgjör: Breiðablik-Þróttur 3-1 | Blikakonur unnu toppslaginn Uppgjör: Valur-FHL 2-1 | Fanndís hetja Valskvenna Uppgjörið: Vllaznia - Víkingur 2-1 | Seig á ógæfuhliðina í seinni hálfleik hjá Víkingi Uppgjör: Tindastóll-Þór/KA 2-0 | Tindastóll byrjar vel eftir EM-frí Neymar reifst við áhorfenda eftir leik Hilmir Rafn fullkomnaði markaveislu Viking Uppgjörið: Kauno Zalgiris - Valur 1-1 | Ævintýralegt glópalán Valsmanna AC Milan kaupir leikmann frá Brighton Barcelona hættir við æfingaleik í Japan Bað sjálfur um frí og vill fara frá Newcastle Úlfarnir kaupa kólumbíska Pelé „Það verða færi og bæði lið þurfa að vera klók“ Hallgrímur átti auðvelt með að lesa gamlan læriföður Sjá meira