Maðurinn lést þegar pakki af hassi, sem hann hafði gleypt, fór í sundur í maga hans. Þetta kom fram á blaðamannafundi lögreglunnar á Grænlandi í dag. DR greinir frá.
„Það er óheyrilega sorglegt að enn ein manneskja hafi látið lífið við það að smygla fíkniefnum. Bara í ár hafa þrír látið lífið með þessu móti. Það bendir til varhugaverðrar þróunar, að fleiri séu viljugir til að leggja lífið að veði,“ segir lögreglustjórinn Malik Sandgreen á blaðamannafundi.
