Young tryggði Villa stig gegn For­est

Emmanuel Dennis, einn fjölmargra leikmanna sem Forest sótti í sumar, kom heimamönnum yfir eftir stundarfjórðungsleik. Dennis var þó ekki lengi í paradís en Ashley Young jafnaði metin sjö mínútum síðar og staðan 1-1 þegar liðin gengu til búningsherbergja í hálfleik.

Lítið var um fína drætti í síðari hálfleik, gula spjaldið fór þrívegis á loft – alls fimm sinnum í leiknum öllum – en aldrei fór boltinn í netið. Fór það svo að leiknum lauk með 1-1 jafntefli.

Aston Villa er í 16. sæti með níu stig að loknum níu umferðum á meðan Forest er í 19. og næstneðsta sæti deildarinnar með fimm stig að loknum jafn mörgum leikjum.