Arnór meðal þeirra marka­hæstu í tapi Bergischer | Teitur lék í stór­sigri Flens­burg

Teitur skoraði eitt mark úr tveimur tilraunum í 13 marka stórsigri SG Flensburg-Handewitt á GWD Minden. Flesnsburg hefur unnið báða leiki sína í þýsku úrvalsdeildinni til þessa og er í fjórða sæti deildarinnar.

Næsti leikur Teits og félaga í Flensburg er gegn TSV Hannover-Burgdorf á laugardaginn en Hannover vann eins marks sigur á Arnóri og félögum í Bergischer á sama tíma og leikur Flensburg og Minden fór fram. Hannover vann 22-23 en Bergischer leiddi með einu marki í hálfleik.

Arnór var meðal markahæstu leikmanna Bergischer í tapinu gegn Hannover. Arnór skoraði fjögur mörk úr fimm skotum sínum í leiknum en enginn leikmaður vallarins skoraði meira en fjögur mörk.

Bergischer er í níunda sæti þýsku úrvalsdeildarinnar eftir einn sigur og eitt tap í fyrstu tveimur leikjunum en Bergischer spilar næst gegn Kiel á sunnudaginn.