Stuðningsmenn grenjuðu úr hlátri yfir stigatöflunni

Nýleg og tæknivædd stigatafla er á vellinum í Madagaskar en einhver þörf virðist vera á hugbúnaði og hönnun til að nýta þá töflu til fulls. Teikniforritinu Paint, sem þekkist á flestum Windows-tölvum, var nefnilega varpað upp á skjáinn.

Þar voru rituð inn nöfn landanna og staðan í leiknum var svo uppfærð handvirkt inni í forritinu. Taflan var ef til vill ekki sú fallegasta en hún gegndi þó sínum tilgangi, enda skýrt kveðið á um í reglum Alþjóðaknattspyrnusambandsins, FIFA, að vallarklukka skuli vera á öllum keppnisleikjum landsliða.

Myndum af töflunni hefur verið dreift á netinu en stuðningsmenn á vellinum tóku margir hverjir myndir af töflunni á milli hláturskalla yfir henni.